ԳԻՐՔ ՆԷԵՄԵԱՅ 6:8 - Գրաբար Աստվածաշունչ (1895)

⁸ Եւ առաքեցի առ նա եւ ասեմ. Ոչ ուստեք են բանքդ այդ զոր դու խօսիս, այլ քեզէն ի սրտէ քումմէ դու ասես զայդ։

ԳԻՐՔ ՆԷԵՄԵԱՅ 6:8 Iomraidhean Croise

ԳԻՐՔ ՆԷԵՄԵԱՅ 6:7

եւ վասն այսորիկ՝՝ կացուցեր քեզ մարգարէս, զի կամիս նստել յԵրուսաղէմ եւ թագաւորել ի վերայ Հրէաստանի՝՝. արդ գուցէ պատմեսցեն զբանս զայս թագաւորին. եկ եւ վասն այսր խորհեսցուք երկոքեան։

ԳԻՐՔ ՅՈԲԱՅ 13:4

Բայց դուք ինձ բժիշկք մեղանչականք էք, եւ ողջացուցիչք չարեաց ամենեքեան՝՝։

ԳԻՐՔ ՍԱՂՄՈՍԱՑ 36:3

Յուսա ի Տէր, եւ արա զքաղցրութիւն, բնակեա յերկրի եւ հովուեսցիս ի մեծութեան նորա։

ԳԻՐՔ ՍԱՂՄՈՍԱՑ 38:12

Կշտամբութեամբ վասն մեղաց խրատեցեր զմարդ, մաշեցեր որպէս սարդիոստայն զանձն՝՝ նորա. սակայն ընդունայն է ամենայն մարդ։ Հանգիստ։

ԳԻՐՔ ՍԱՂՄՈՍԱՑ 52:2

ապականեցան եւ պղծեցան յանօրէնութեան իւրեանց, եւ ոչ ոք է որ առնէ զքաղցրութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 59:4

Չիք ոք որ խօսի զարդարութիւն, եւ ոչ գոն իրաւունք ճշմարտութեան. յուսացեալ են ի սնոտիս, եւ խօսին զունայնութիւն. զի յղանան զցաւս, եւ ծնանին զանօրէնութիւն։

Մատթեոսի Աւետարան 12:34

Ծնունդք իժից, զիա՞րդ կարիցէք բարիս խօսել որ չարքդ էք. քանզի ի յաւելուածոյ սրտի խօսի բերան։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:44

Դուք ի հօրէ ի Սատանայէ էք, եւ զցանկութիւնս հօրն ձերոյ կամիք առնել. զի նա մարդասպան էր ի սկզբանէ, եւ ի ճշմարտութեան ոչ եկաց, զի ոչ գոյ ճշմարտութիւն ի նմա. յորժամ խօսիցի սուտ, յիւրոց անտի խօսի. զի սուտ է եւ հայր նորա։

ԳՈՐԾՔ ԱՌԱՔԵԼՈՑ 25:10

Եւ ասէ Պաւղոս. Յատենի կայսեր հասեալ կամ ուր պարտ է ինձ դատել. Հրէից ինչ չեմ վնասակար, որպէս եւ դու իսկ քաջ գիտես։

ԳՈՐԾՔ ԱՌԱՔԵԼՈՑ 25:7

Եւ իբրեւ եկն, կացին շուրջ զնովաւ որ յԵրուսաղեմէ իջեալ էին Հրեայքն, բազում եւ ծանր վնասս դնէին զորս ոչ կարէին ցուցանել։