ԳԻՐՔ ՆԷԵՄԵԱՅ 5:9 - Գրաբար Աստվածաշունչ (1895)

⁹ Եւ ասացի. Ոչ բարւոք է գործդ զոր դուքդ առնէք, վասն զի ոչ երկնչիք յԱստուծոյ. եւ վասն այսորիկ ոչ եւս զերծաք մեք ի նախատանաց հեթանոսաց, ի թշնամեաց մերոց։

ԳԻՐՔ ՆԷԵՄԵԱՅ 5:9 Iomraidhean Croise

ԾՆՈՒՆԴՔ 20:11

Եւ ասէ Աբրահամ. Զի ասացի թէ գուցէ ոչ գուցէ աստուածպաշտութիւն ի տեղւոջս յայսմիկ, եւ զիս սպանանիցեն վասն կնոջդ իմոյ։

ԾՆՈՒՆԴՔ 42:18

Եւ ասէ ցնոսա Յովսէփ յաւուրն երրորդի. Զայս արարէք եւ ապրիք. զի եւ ես յԱստուծոյ երկիւղած եմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:14

Բայց քանզի զայրացուցանելով զայրացուցեր զթշնամիս Տեառն բանիւն այնուիկ, որդին քո որ ծնանելոց է քեզ՝ մահու մեռցի։

ԳԻՐՔ ՆԷԵՄԵԱՅ 4:4

Լուր մեզ, Տէր Աստուած մեր, զի եղաք մեք յարհամարհանս եւ ի թշնամանս, եւ դարձո զնախատինս նոցա ի գլուխս իւրեանց. եւ տուր զնոսա ի թշնամանս առաջի գերչաց նոցա.

ԳԻՐՔ ՆԷԵՄԵԱՅ 5:10

Եւ ասեմ ես ցեղբարսն իմ եւ ցծանօթս. Եւ ես եւ դուք տացուք արծաթ եւ արդիւնս ի փրկանս զոր խնդրեն հարկահանքդ,

ԳԻՐՔ ՆԷԵՄԵԱՅ 5:15

Եւ որք էին բռնացեալ զառաջինն՝ ծանրացուցի նոցա, եւ առի ի նոցանէ զհաց եւ զգինի եւ զայլ ամենայն, արծաթ դիդրաքմայս քառասուն, եւ դարձուցի ի տեարս իւրեանց, եւ ի բաց արարի զնոսա յիշխանութենէ ժողովրդեանն՝՝, եւ ես ոչ եղէ իբրեւ զնոսա վասն երկիւղին Աստուծոյ։

ԳԻՐՔ ՍԱՂՄՈՍԱՑ 90:11

Հրեշտակաց իւրոց պատուիրեալ է վասն քո, պահել զքեզ յամենայն ճանապարհս քո։

ԱՌԱԿՔ ՍՈՂՈՄՈՆԻ 16:29

Այր անօրէն փորձ փորձ առնէ զբարեկամաց, եւ տանի զնոսա՝՝ ի ճանապարհս անբարիս։

ԱՌԱԿՔ ՍՈՂՈՄՈՆԻ 17:26

Տուժել զայր արդար՝ չէ բարւոք. եւ ոչ նենգել զարդարն իշխանաց՝՝ յիրաւանց վերայ։

ԱՌԱԿՔ ՍՈՂՈՄՈՆԻ 18:5

Ակն առնուլ ամպարշտի չէ բարւոք, եւ ոչ զիրաւունս խոտորել՝՝ արդարոյ ի դատաստանի։

ԱՌԱԿՔ ՍՈՂՈՄՈՆԻ 19:2

Սակայն տգիտութիւն անձին իւրում ոչ է բարւոք, եւ ի ստիպել ոտից իւրոց մեղանչէ՝՝։

ԱՌԱԿՔ ՍՈՂՈՄՈՆԻ 24:23

Զայս ասեմ ձեզ իմաստնոցդ. խելամուտ լինել իրաւանց մի՛ ամաչէք.՝՝ ակն առնուլ ի դատաստանի չէ բարւոք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:20

Եւ մտին յազգս. եւ ուր մտինն՝ եւ անդ պղծեցին զանուն իմ սուրբ, յասելն ցնոսա թէ՝ Ժողովուրդ Տեառն են դոքա, եւ յերկրէն նորա ելին։

ՂԵՒՏԱԿԱՆ 25:36

Մի՛ առնուցուս ի նմանէ վաշխ եւ տոկոսիս. եւ երկնչիցիս ի Տեառնէ Աստուծոյ քումմէ, զի ես եմ Տէր՝՝. եւ կեցցէ եղբայր քո ընդ քեզ։

ԳՈՐԾՔ ԱՌԱՔԵԼՈՑ 9:31

Բայց եկեղեցին ընդ ամենայն Հրէաստան եւ ի Սամարիա եւ ի Գալիլեա ունէր խաղաղութիւն, շինեալ եւ երթեալ զհետ երկիւղի Տեառն եւ մխիթարութեամբ Հոգւոյն Սրբոյ բազմանայր։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:24

Զի անունն Աստուծոյ վասն ձեր հայհոյի ի մէջ հեթանոսաց, որպէս եւ գրեալ է։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:14

Կամիմ զմանկամարդացդ ամուսնանալ, որդիս ծնանել, տնարարս լինել, եւ մի՛ ինչ պատճառս տալ հակառակորդին ի հայհոյութեան աղագս։

ԱՌ ՏԻՏՈՍ ԹՈՒՂԹ 2:5

ցածունս, սուրբս, տնարարս, բարեգործս, հնազանդս իւրեանց արանց. զի մի՛ բանն Աստուծոյ եւ վարդապետութիւնն՝՝ հայհոյեսցի։

ՊԵՏՐՈՍԻ ԱՌԱՋԻՆ՝՝ 2:12

զվարս ձեր ի մէջ հեթանոսաց պարկեշտս ցուցանել, զի որով բամբասիցեն զձեզ իբրեւ զչարագործս, ի բարւոք գործոցն ձերոց դիտեալ՝ փառաւոր առնիցեն զԱստուած յաւուրն այցելութեան։

ԹԱԳԱՒՈՐՈՒԹԵԱՆՑ ԱՌԱՋԻՆ 2:24

Մի՛ որդեակք, զի ոչ է բարւոք լուրն զոր ես լսեմ, առ ի չծառայելոյ ժողովրդեանն Աստուծոյ՝՝։