ԳԻՐՔ ՆԷԵՄԵԱՅ 1:5 - Գրաբար Աստվածաշունչ (1895)

⁵ եւ ասեմ. Տէր, Աստուած երկնի եւ երկրի, որ զօրաւորդ ես եւ՝՝ մեծ եւ ահարկու, պահես զուխտս եւ զողորմութիւնս ոյք սիրեն զքեզ, եւ ոյք առնեն զօրէնս քո,

ԳԻՐՔ ՆԷԵՄԵԱՅ 1:5 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 8:23

եւ ասէ. Տէր Աստուած Իսրայելի, չիք իբրեւ զքեզ Աստուած յերկինս ի վեր եւ յերկիր ի խոնարհ, որ պահեցեր զուխտ եւ զողորմութիւն ծառայի քում գնացելոյ առաջի քո ամենայն սրտիւ իւրով՝՝,

ՄՆԱՑՈՐԴԱՑ ԱՌԱՋԻՆ 17:21

Եւ ոչ ոք է իբրեւ զժողովուրդ քո զԻսրայէլ՝ ազգ ի վերայ երկրի՝ որում առաջնորդեաց նմա Աստուած փրկել իւր ժողովուրդ, եւ դնել զանուն իւր մեծ եւ երեւելի, հանել յերեսաց ժողովրդեան քո զոր փրկեցեր յԵգիպտոսէ՝ զազգսն։

ԵԶՐ 1:2

Այսպէս ասէ Կիւրոս թագաւոր Պարսից. Զամենայն թագաւորութիւնս երկրի ետ ինձ Տէր Աստուած երկնից, եւ նա հրամայեաց ինձ առնել եւ շինել նմա տաճար յԵրուսաղէմ Հրէաստանի։

ԳԻՐՔ ՆԷԵՄԵԱՅ 2:4

Եւ ասէ ցիս թագաւորն. Վասն որո՞յ իրաց խնդրես դու զայս՝՝։ Եւ կացեալ իմ յաղօթս եւ ամբարձեալ զմիտս իմ առ Տէր՝՝ Աստուած երկնից,

ԳԻՐՔ ՆԷԵՄԵԱՅ 4:14

Եւ իմ յարուցեալ ասեմ ցարսն որ կազմ պատրաստեալ կային, եւ ցզօրագլուխս նոցա՝ եւ ցայնս որ տեղեաց տեղեաց պահապանքն էին. Մի՛ երկնչիք յերեսաց նոցա, յիշեցէք զԱստուած մեր՝՝ զմեծ եւ զահարկու, եւ պատերազմեցարուք վասն եղբարց ձերոց, եւ վասն կանանց եւ որդւոց եւ դստերաց եւ տանց ձերոց։

ԳԻՐՔ ՆԷԵՄԵԱՅ 4:8

եւ ժողովեցան ամենեքեան ի միասին՝ գալ եւ պատերազմել ընդ Երուսաղեմի։

ԳԻՐՔ ՆԷԵՄԵԱՅ 9:32

Եւ այժմ, Տէր Աստուած մեր՝ զօրաւոր եւ մեծ, ամենակալ եւ ահարկու, արդար եւ ճշմարիտ, պահեա զուխտ եւ զողորմութիւն, եւ հայեաց ի տառապանս մեր եւ ի նեղութիւնս, եւ թագաւորացն մերոց եւ իշխանացն մերոց, եւ քահանայից եւ մարգարէիցն մերոց, եւ ամենայն հարցն մերոց, եւ ժողովրդեան քո զոր տառապեցուցին, եւ բռնացան ի վերայ մեր թագաւորք Ասորեստանեայց մինչեւ ցայսօր։

ԳԻՐՔ ՍԱՂՄՈՍԱՑ 47:2

Մեծ է Տէր եւ օրհնեալ է յոյժ՝ ի քաղաք Աստուծոյ մերոյ, ի լեառն սուրբ նորա։

ԳԻՐՔ ՍԱՂՄՈՍԱՑ 76:8

Միթէ յաւիտենից մերժեսցէ՞ զիս Տէր, եւ ո՞չ եւս յաւելուցու ի հաճել եւ եւս։

ԳԻՐՔ ՍԱՂՄՈՍԱՑ 89:2

Մինչչեւ լերինք հաստատեալ էին, եւ մինչչեւ ստեղծեալ էիր զերկիր եւ զամենայն տիեզերս, յաւիտենից մինչեւ յաւիտեանս դու ես.

ԳԻՐՔ ՍԱՂՄՈՍԱՑ 89:3

եւ մի՛ դարձուցաներ զմարդ ի տառապանս՝՝. եւ ասացեր. Դարձարուք առ իս՝՝, որդիք մարդկան։

ԳԻՐՔ ՍԱՂՄՈՍԱՑ 89:8

Եդիր զմեղս մեր առաջի քո, եւ զկեանս մեր ի լոյս երեսաց քոց։

ԵԼՔ 20:6

Եւ առնեմ զողորմութիւն ի հազար ազգս սիրելեաց իմոց, եւ ոյք պահեն զհրամանս իմ։

ԵՐԿՐՈՐԴՈՒՄՆ ՕՐԻՆԱՑ 7:12

Եւ եղիցի յորժամ լուիցէք զամենայն իրաւունս զայսոսիկ եւ պահիցէք եւ առնիցէք զսոսա, պահեսցէ քեզ Տէր Աստուած քո զուխտն եւ զողորմութիւն որպէս երդուաւ հարցն մերոց,

ԵՐԿՐՈՐԴՈՒՄՆ ՕՐԻՆԱՑ 7:21

Մի՛ զանգիտիցես յերեսաց նոցա. զի Տէր Աստուած քո ի միջի քում է, մեծ եւ հզօր՝՝։

ԵՐԿՐՈՐԴՈՒՄՆ ՕՐԻՆԱՑ 7:9

Եւ ծանիցես զի Տէր Աստուած քո նա է Աստուած, Աստուած հաւատարիմ, որ պահէ զուխտ եւ զողորմութիւն սիրելեաց իւրոց, եւ որոց պահեն զպատուիրանս նորա՝ ի հազար ազգ.