ՄԱՐԳԱՐԷՈՒԹԻՒՆ ՄԻՔԻԱՅ 7:2 - Գրաբար Աստվածաշունչ (1895)

² Վա՜յ անձին իմում, զի կորեաւ՝՝ երկիւղած յերկրէ, եւ ոչ գոյ ուղիղ ի մէջ մարդկան. ամենեքին արեամբ դատին՝՝, իւրաքանչիւր զընկեր իւր նեղելով նեղեն՝՝։

ՄԱՐԳԱՐԷՈՒԹԻՒՆ ՄԻՔԻԱՅ 7:2 Iomraidhean Croise

ԳԻՐՔ ՍԱՂՄՈՍԱՑ 12:1

Մինչեւ յե՞րբ, Տէր, մոռանաս զիս ի սպառ, մինչեւ յե՞րբ դարձուցանես զերեսս քո յինէն։

ԳԻՐՔ ՍԱՂՄՈՍԱՑ 12:2

Մինչեւ յե՞րբ դնեմ զխորհուրդս յանձն իմ, եւ ցաւք սրտի իմոյ զաւուրս։

ԳԻՐՔ ՍԱՂՄՈՍԱՑ 57:6

զի մի՛ լուիցէ նա զձայն թովչի ճարտարի, եւ մի՛ առցէ դեղ ի դեղատուէ իմաստնոյ՝՝։

ԱՌԱԿՔ ՍՈՂՈՄՈՆԻ 1:11

եւ ասիցեն. Եկ ընդ մեզ՝ կցորդ լեր արեան. ծածկեսցուք յերկրի զայր արդար ի տարապարտուց.

ԱՌԱԿՔ ՍՈՂՈՄՈՆԻ 12:6

Բերանք ամպարշտաց նենգաւորք,՝՝ բերան ուղղոց փրկեսցէ զնոսա։

ՄԱՐԳԱՐԷՈՒԹԻՒՆ ԵՍԱՅԵԱՅ 3:5

Եւ անկցի ժողովուրդն՝ այր ընդ այր, եւ այր ընդ ընկերի իւրում, ընդհարցի մանուկն ընդ ծերոյն եւ անարգն ընդ պատուականին։

ՄԱՐԳԱՐԷՈՒԹԻՒՆ ԵՍԱՅԵԱՅ 57:1

Տեսէ՞ք զիարդ կորեաւ՝՝ արդարն, եւ չիք ոք որ անսայ սրտիւ. եւ արք արդարք բառնան, եւ ոչ ոք հայի. զի՝՝ յերեսաց անիրաւութեան բառնայ արդար։

ՄԱՐԳԱՐԷՈՒԹԻՒՆ ԵՍԱՅԵԱՅ 59:7

Ոտք նոցա ի չարիս ընթանան, վաղվաղեն հեղուլ զարիւն անպարտ. խորհուրդք նոցա խորհուրդք անզգամաց. բեկումն եւ թշուառութիւն ի ճանապարհս նոցա.

ՄԱՐԳԱՐԷՈՒԹԻՒՆ ԵՍԱՅԵԱՅ 9:19

Վասն սրտմտութեան բարկութեան Տեառն հրձիգ լիցի երկիրն ամենայն, եւ եղիցի ժողովուրդն այրեցեալ իբրեւ ի հրոյ. այր եղբօր իւրում մի՛ ողորմեսցի։

ՄԱՐԳԱՐԷՈՒԹԻՒՆ ԵՐԵՄԵԱՅ 16:16

Ահաւասիկ ես առաքեմ ձկնորսս բազումս, ասէ Տէր, եւ որսասցեն զնոսա. եւ յետ այնորիկ առաքեցից որսորդս բազումս, եւ որսասցեն զնոսա ի վերայ ամենայն լերանց եւ ի վերայ ամենայն բլրոց եւ ի ծակուց վիմաց։

ՄԱՐԳԱՐԷՈՒԹԻՒՆ ԵՐԵՄԵԱՅ 5:16

Կապարճք նորա իբրեւ զգերեզմանս բաց են. ամենեքին զօրաւորք։

ՄԱՐԳԱՐԷՈՒԹԻՒՆ ԵՐԵՄԵԱՅ 5:26

Զի գտան ի մէջ ժողովրդեան իմոյ ամպարիշտք, եւ որոգայթս իբրեւ զվարմս հաւորսաց կանգնեցին ապականել զմարդիկ,

ՄԱՐԳԱՐԷՈՒԹԻՒՆ ԵՐԵՄԵԱՅ 8:6

Ունկն դիք եւ լուարուք, ոչ այդպէս խօսին՝՝, եւ ոչ գոյ մարդ որ զղջանայ ի չարեաց իւրոց, եւ ասէ թէ՝ Զի՞նչ գործեցի. կասեաց ընթացօղն յընթացից իւրոց՝ իբրեւ զձի ընդ քիրտն մտեալ ի խխնջել իւրում՝՝։

ՈՂԲՔ 4:18

Որսացան զմեզ, փոքր մեւս եւս սատակել ջնջեալ էր զմեզ ի քաղաքաց մերոց։ Հաս ժամ, հասեալ է ժամանակ, կատարեցան աւուրք մեր, լցան ժամանակք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:12

Կաշառս առնուին ի միջի քում զի հեղուցուն արիւն, վաշխս եւ տոկոսիս առնուին ի միջի քում. եւ ածից կատարեցից զվախճան չարեաց քոց ըստ բռնութեան քում, քանզի՝՝ մոռացար զիս, ասէ Տէր Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 24:6

Վասն այնորիկ այսպէս ասէ Ադոնայի Տէր. Ո՛վ քաղաք արեանց, կաթսայ լի ժանգով, եւ ժանգն ի նմանէ ոչ պարզեցաւ. անդամ անդամ եհան ի նմանէ՝՝, եւ վիճակ ոչ անկաւ ի վերայ նորա.

ՄԱՐԳԱՐԷՈՒԹԻՒՆ ՈՎՍԵԱՅ 5:1

Լուարուք զայս, քահանայք, եւ անսացէք, տունդ Իսրայելի. եւ տուն թագաւորիդ, ունկնդիր լերուք. քանզի ընդ ձեզ է դատաստան. զի որոգայթ եղերուք դիտանոցին, եւ իբրեւ զվարմ ձգեալ ի գլուխ գահաւանդի,

ՄԱՐԳԱՐԷՈՒԹԻՒՆ ՈՎՍԵԱՅ 6:9

Եւ զօրութիւն քո իբրեւ զառն աւազակի. թաքուցին քահանայք զճանապարհ. սպանին զՍիկիմ՝՝, զի զանօրէնութիւն գործեցին։

ՄԱՐԳԱՐԷՈՒԹԻՒՆ ՄԻՔԻԱՅ 2:8

Ի թշնամութիւն հակառակեցաւ ընդդէմ խաղաղութեան իւրոյ. զմորթ նորա մորթեսցեն բառնալ զյոյս, զբեկումն պատերազմի։

ՄԱՐԳԱՐԷՈՒԹԻՒՆ ՄԻՔԻԱՅ 3:10

որ շինէք զՍիոն արեամբ, եւ զԵրուսաղէմ անիրաւութեամբ։

ՄԱՐԳԱՐԷՈՒԹԻՒՆ ՄԻՔԻԱՅ 3:2

որ ատեայքդ զբարիս, եւ խնդրէք զչարիս. զերծանէք զմորթ նոցա ի նոցանէ, եւ զմարմին նոցա յոսկերաց իւրեանց։

ՄԱՐԳԱՐԷՈՒԹԻՒՆ ԶԱՔԱՐԵԱՅ 11:6

Վասն այնորիկ՝՝ ոչ եւս խնայեցից ի վերայ բնակչաց երկրիդ, ասէ Տէր. եւ ահաւադիկ ես մատնեցից զմարդիկ իւրաքանչիւր ի ձեռս ընկերի իւրոյ եւ ի ձեռս թագաւորի իւրոյ, եւ հարցեն. եւ ոչ փրկեցից ի ձեռաց նոցա։

ԳՈՐԾՔ ԱՌԱՔԵԼՈՑ 24:9

Միաբանեցին եւ Հրեայքն, ասեն. Այդպէս է։

ԹԱԳԱՒՈՐՈՒԹԵԱՆՑ ԱՌԱՋԻՆ 24:11

Ահա յաւուր յայսմիկ տեսին աչք քո, ո՛րպէս մատնեաց զքեզ Տէր այսօր ի ձեռս իմ յայրի անդ, եւ ոչ կամեցայ սպանանել՝՝ զքեզ. եւ խնայեցի ի քեզ, եւ ասացի թէ՝ Ոչ ձգեցից զձեռն իմ ի տէր իմ. զի օծեալ Տեառն է նա։

ԹԱԳԱՒՈՐՈՒԹԵԱՆՑ ԱՌԱՋԻՆ 26:20

Եւ արդ մի՛ անկցի արիւն իմ յերկիր առաջի երեսաց Տեառն. զի ելեալ է թագաւոր Իսրայելի խնդրել զանձն իմ, որպէս ընթանայցէ ագռաւ՝՝ ընդ լերինս։