ՄԱՐԳԱՐԷՈՒԹԻՒՆ ՄԻՔԻԱՅ 3:1 - Գրաբար Աստվածաշունչ (1895)

¹ Եւ ասասցէ. Լուարուք իշխան տանն Յակոբայ, եւ մնացորդք՝՝ տանն Իսրայելի։ Ո՞չ ձեր է գիտել զիրաւունս.

ՄԱՐԳԱՐԷՈՒԹԻՒՆ ՄԻՔԻԱՅ 3:1 Iomraidhean Croise

ԳԻՐՔ ՆԷԵՄԵԱՅ 13:17

Եւ կագեցայ ես ընդ որդիսն Հրէից որք էին յԵրուսաղէմ, եւ՝՝ ընդ իշխանսն Յուդայ, եւ ասեմ ցնոսա. Զի՞նչ է անօրէնութիւնս այս զոր դուք գործէք, եւ պղծէք զաւուրս սուրբ զշաբաթու՝՝։

ԳԻՐՔ ՍԱՂՄՈՍԱՑ 14:4

Արհամարհեալ է առաջի նորա չարագործն, զերկիւղածս Տեառն փառաւոր առնէ, երդնու ընկերի իւրում՝՝ եւ ոչ ստէ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:10

Լուարուք զբան Տեառն, իշխանք Սոդոմացւոց, ունկն դիք օրինաց Աստուծոյ, ժողովուրդք Գոմորացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 10:2

խոտորեն՝՝ զդատաստանս աղքատաց, եւ զիրաւունս տնանկաց ժողովրդեան իմոյ յափշտակեն. զի լինիցի նոցա այրին ի յափշտակութիւն, եւ որբն յաւար։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:6

Ահաւասիկ առաջնորդք տանդ Իսրայելի՝ իւրաքանչիւր ընդ մերձաւորս ազգի իւրեանց խառնակէին ի քեզ, զի հեղցեն արիւն՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:2

Որդի մարդոյ, մարգարեաց ի վերայ հովուացդ Իսրայելի, մարգարեաց եւ ասասցես ցհովիւսդ, այսպէս ասէ Տէր Տէր. Ո՛ հովիւք՝՝ Իսրայելի. միթէ հովիւք զանձի՞նս արածեն. ո՞չ հովիւք զխաշինս արածեն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:3

Արդ աւասիկ զկաթնդ ուտէք, եւ զասրդ ագանիք, զպարարտսն զենուք, եւ զխաշինս իմ ոչ արածէք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 9:9

Եւ ասէ ցիս. Անիրաւութիւն տանդ Իսրայելի եւ Յուդայ մեծացաւ յոյժ յոյժ, զի լցաւ երկիրդ ժողովրդովք բազմօք՝՝, եւ քաղաքդ լի եղեւ անօրէնութեամբ եւ՝՝ պղծութեամբ. զի ասացին եթէ՝ Եթող Տէր զերկիրն, եւ ոչ եւս հայի Տէր։

ՄԱՐԳԱՐԷՈՒԹԻՒՆ ՈՎՍԵԱՅ 5:1

Լուարուք զայս, քահանայք, եւ անսացէք, տունդ Իսրայելի. եւ տուն թագաւորիդ, ունկնդիր լերուք. քանզի ընդ ձեզ է դատաստան. զի որոգայթ եղերուք դիտանոցին, եւ իբրեւ զվարմ ձգեալ ի գլուխ գահաւանդի,

ՄԱՐԳԱՐԷՈՒԹԻՒՆ ԱՄՈՎՍԱՅ 4:1

Լուարուք, զբան Տեառն՝՝, երինջք Բասանու, որ էք ի լերինս Շամրնի որ զրկէք զաղքատս եւ առ ոտն հարկանէք զտնանկն, որ ասէիք ցտեարս ձեր. Մատուցէք մեզ գինի զի արբցուք։

ՄԱՐԳԱՐԷՈՒԹԻՒՆ ԱՄՈՎՍԱՅ 6:1

Վա՜յ որ անգոսնեն զՍիոն, եւ յուսացեալ իցեն ի լեառն Շամրնի. կթեցին զիշխանութիւնս ազգաց, եւ մտին ի նոսա՝՝ տունդ Իսրայելի։

ՄԱՐԳԱՐԷՈՒԹԻՒՆ ՄԻՔԻԱՅ 2:13

զի՝՝ առաջի երեսաց նոցա, խրամատեցին եւ անցին ընդ դուռն, եւ ելին ընդ նա. ել եւ թագաւորն առաջի երեսաց նոցա, եւ Տէր առաջնորդեսցէ նոցա։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 6:5

Առ ամօթոյ ձերոյ ասեմ. այնչափ ո՞չ գոյ ոք իմաստուն ի ձեզ, որ կարիցէ իրաւունս ընտրել ի մէջ եղբօր իւրոյ.

ԵՐԿՐՈՐԴՈՒՄՆ ՕՐԻՆԱՑ 16:18

Դատաւորս եւ ատենադպիրս կացուսցես յամենայն քաղաքս քո զոր Տէր Աստուած քո տացէ քեզ ըստ ցեղից, եւ դատեսցեն զժողովուրդն դատաստան արդար։