ԱՒԵՏԱՐԱՆ ԸՍՏ ՂՈՒԿԱՍՈՒ 1:15 - Գրաբար Աստվածաշունչ (1895)

¹⁵ զի եղիցի մեծ առաջի Տեառն, եւ գինի եւ օղի մի՛ արբցէ, եւ Հոգւով Սրբով լցցի անդստին յորովայնէ մօր իւրոյ.

ԱՒԵՏԱՐԱՆ ԸՍՏ ՂՈՒԿԱՍՈՒ 1:15 Iomraidhean Croise

ԾՆՈՒՆԴՔ 12:2

Եւ արարից զքեզ յազգ մեծ, եւ օրհնեցից զքեզ, եւ մեծացուցից զանուն քո. եւ եղիցես օրհնեալ։

ԾՆՈՒՆԴՔ 48:19

Եւ ոչ կամեցաւ հայրն նորա, այլ ասէ. Գիտեմ որդեակ, գիտեմ. եւ դա եղիցի ի ժողովուրդ, եւ դա բարձրասցի. այլ եղբայրս դորա կրտսեր՝ եղիցի մեծ քան զդա, եւ զաւակ սորա եղիցի ի բազմութիւն ազգաց։

ՄՆԱՑՈՐԴԱՑ ԱՌԱՋԻՆ 17:8

եւ էի ընդ քեզ ամենայն ուրեք ուր եւ երթայիր, եւ սատակեցի զամենայն թշնամիս քո յերեսաց քոց, եւ արարի քեզ տուն ըստ անուան մեծամեծաց որք ի վերայ երկրի։

ՄՆԱՑՈՐԴԱՑ ԱՌԱՋԻՆ 29:12

Ի քէն է մեծութիւն եւ փառք. դու ես ամենեցուն իշխան, Տէր, եւ իշխան ամենայն իշխանութեանց.՝՝ ի ձեռին քում է զօրութիւն եւ հարստութիւն, եւ ի ձեռին քում ամենակալ մեծութիւն՝ զօրացուցանել զամենայն։

ՄԱՐԳԱՐԷՈՒԹԻՒՆ ԵՐԵՄԵԱՅ 1:5

Մինչչեւ ստեղծեալ էր զքեզ յորովայնի՝ գիտեմ զքեզ, եւ մինչչեւ ելեալ էիր յարգանդէ՝ սրբեցի զքեզ, մարգարէ ի հեթանոսս եդի զքեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 35:6

Եւ ասեն. Ոչ արբցուք գինի. զի Յովնադաբ որդի Ռեքաբայ հայր մեր պատուիրեաց մեզ եւ ասէ. Մի՛ ըմպիցէք գինի դուք եւ որդիքն ձեր մինչեւ ցյաւիտեան.

ՂԵՒՏԱԿԱՆ 10:9

Գինի եւ ցքի մի՛ ըմպիցէք դու եւ որդիք քո ընդ քեզ յորժամ մտանիցէք ի խորանն վկայութեան, կամ յորժամ մերձենայցէք ի սեղանն,՝՝ զի մի՛ մեռանիցիք. օրէն յաւիտենական յազգս ձեր,

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:15

Տէր ամենակալ պաշտպանեսցէ նոցա, եւ սպառեսցեն զնոսա, եւ թաղեսցեն զնոսա քարամբք պարսաքարաց. եւ արբցեն զարիւն նոցա իբրեւ զգինի, եւ լցցեն զտաշտս իբրեւ զսեղանն՝՝.

ԱՒԵՏԱՐԱՆ ԸՍՏ ՂՈՒԿԱՍՈՒ 1:14

Եւ եղիցի քեզ ուրախութիւն եւ ցնծութիւն, եւ բազումք ի ծննդեան նորա խնդասցեն.

ԱՒԵՏԱՐԱՆ ԸՍՏ ՂՈՒԿԱՍՈՒ 7:28

Ամէն ասեմ ձեզ. Մեծ ի ծնունդս կանանց մարգարէ քան զՅովհաննէս ոչ ոք է, բայց փոքրիկն յարքայութեան Աստուծոյ մեծ է քան զնա։

ԱՒԵՏԱՐԱՆ ԸՍՏ ՂՈՒԿԱՍՈՒ 7:33

Եկն Յովհաննէս մկրտիչ, ոչ ուտէր եւ ոչ ըմպէր՝՝, եւ ասէիք. Դեւ գոյ ի նմա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:35

Նա էր ճրագն որ լուցեալ էր եւ ծագէր, եւ դուք կամեցարուք ցնծալ առ ժամանակ մի ի լոյս նորա։

ԳՈՐԾՔ ԱՌԱՔԵԼՈՑ 2:4

Եւ լցան ամենեքեան Հոգւով Սրբով, եւ սկսան խօսել յայլ լեզուս որպէս եւ Հոգին տայր բարբառել նոցա։

ԱՌ ԳԱՂԱՏԱՑԻՍ ԹՈՒՂԹ 1:15

Այլ յորժամ կամեցաւ Աստուած (որոշեաց զիս յորովայնէ մօր իմոյ, եւ կոչեաց ի ձեռն շնորհաց իւրոց,)

ԱՌ ԵՓԵՍԱՑԻՍ ԹՈՒՂԹ 5:18

Եւ մի՛ արբենայք գինւով յորում զեղխութիւն է, այլ մանաւանդ լցարուք Հոգւով.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:7

Եւ ասէ Տէր ցՅեսու. Յաւուր յայսմիկ սկիզբն արարից բարձրացուցանել զքեզ առաջի ամենայն որդւոցն Իսրայելի, զի ծանիցեն թէ որպէս էի ընդ Մովսիսի, նոյնպէս եղէց եւ ընդ քեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:14

Յաւուր յայնմիկ աճեցոյց Տէր զՅեսու առաջի ամենայն ազգին Իսրայելի, եւ երկնչէին ի նմանէ որպէս երկնչէին ի Մովսիսէ որչափ ժամանակս եւ եկաց։