ՂԵՒՏԱԿԱՆ 9:23 - Գրաբար Աստվածաշունչ (1895)

²³ Եւ մտին Մովսէս եւ Ահարոն ի խորանն վկայութեան, եւ ելեալ անտի օրհնեցին զամենայն ժողովուրդն. եւ երեւեցան փառք Տեառն ամենայն ժողովրդեանն։

ՂԵՒՏԱԿԱՆ 9:23 Iomraidhean Croise

ՄՆԱՑՈՐԴԱՑ ԵՐԿՐՈՐԴ 7:1

Եւ իբրեւ կատարեաց Սողոմոն զաղօթսն, հուր էջ յերկնից եւ եկեր զողջակէզսն եւ զզոհսն. եւ փառքն Տեառն լցին զտունն։

ԵԼՔ 16:10

Մինչդեռ խօսէր Ահարոն ընդ ամենայն ժողովրդեան որդւոցն Իսրայելի, դարձան յանապատն, եւ ահա փառք Տեառն երեւեցան ամպով։

ԵԼՔ 39:43

Եւ ետես Մովսէս զամենայն գործն, եւ էր գործեալ ըստ օրինակին որպէս հրամայեաց Տէր Մովսիսի. նոյնպէս եւ արարին. եւ օրհնեաց զնոսա Մովսէս։

ՂԵՒՏԱԿԱՆ 9:4

եւ զուարակ եւ խոյ՝ յողջակէզ փրկութեան առաջի Տեառն, եւ զոհ նաշիհ զանգեալ իւղով. զի այսօր երեւեսցի Տէր ի միջի ձերում։

ՂԵՒՏԱԿԱՆ 9:6

Եւ ասէ Մովսէս. Այս բան է զոր ասաց Տէր առնել, եւ երեւեսցին ի ձեզ փառք Տեառն։

ԹԻՒՔ 14:10

Եւ ասաց ամենայն ժողովուրդն քարկոծել զնոսա քարամբք. եւ փառքն Տեառն երեւեցան ամպով ի վերայ խորանին վկայութեան յանդիման ամենայն որդւոցն Իսրայելի։

ԹԻՒՔ 16:19

Եւ կուտեաց ի վերայ նոցա Կորխ զամենայն ժողովուրդն իւր ի դուռն խորանին վկայութեան. եւ երեւեցան փառք Տեառն ամենայն ժողովրդեանն։

ԹԻՒՔ 16:42

Եւ եղեւ ի կուտել ժողովրդեանն ի վերայ Մովսիսի եւ Ահարոնի, դիմեցին ի խորանն վկայութեան, եւ ծածկեաց զնա ամպն, եւ երեւեցան փառքն Տեառն։