ՂԵՒՏԱԿԱՆ 8:21 - Գրաբար Աստվածաշունչ (1895)

²¹ եւ զքաղիրթն եւ զոտսն լուաց ջրով. եւ եհան Մովսէս զխոյն ողջոյն ի սեղանն ողջակէզ ի հոտ անուշից, քանզի պտուղ՝՝ Տեառն է, որպէս հրամայեաց Տէր Մովսիսի։

ՂԵՒՏԱԿԱՆ 8:21 Iomraidhean Croise

ԾՆՈՒՆԴՔ 8:21

Եւ հոտոտեցաւ Տէր Աստուած ի հոտ անուշից։ Եւ ասէ Տէր Աստուած՝ ածեալ զմտաւ. Ոչ եւս յաւելից անիծանել զերկիր վասն գործոց մարդկան, զի միտք մարդոյ հաստատեալ են ի խնամս չարի ի մանկութենէ իւրմէ. արդ ոչ եւս յաւելից հարկանել զամենայն մարմին կենդանի որպէս արարի։

ԵԼՔ 12:9

Եւ ոչ ուտիցէք ի նոցանէ հում, եւ ոչ պախ եփեալ ջրով, այլ խորովեալ հրով. զգլուխն ոտիւքն հանդերձ, եւ զփորոտին նորա։

ԵԼՔ 29:18

Եւ հանցես բովանդակ զխոյն ի վերայ սեղանոյն յողջակէզ Տեառն ի հոտ անուշից. զոհ Տեառն է։

ԵԼՔ 40:16

Եւ արար Մովսէս ըստ ամենայնի զոր միանգամ պատուիրեաց նմա Տէր. նոյնպէս եւ արար։

ՂԵՒՏԱԿԱՆ 1:13

Եւ զփորոտին եւ զոտսն լուասցեն ջրով. եւ մատուսցէ քահանայն զամենայն, եւ դիցէ ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:17

Եւ ջախջախեսցէ զայն ի թեւոցն, եւ ի բաց մի՛ զատուսցէ. եւ դիցէ զայն քահանայն ի սեղանն ի վերայ փայտին եւ հրոյ. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:9

Եւ զփորոտին եւ զոտսն լուասցեն ջրով. եւ դիցեն քահանայքն՝՝ զամենայն ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 2:9

հանցէ ի զոհէն զառ ի յիշատակէ նորա, եւ դիցէ քահանայն ի վերայ սեղանոյն. ընծայ անուշութեան Տեառն է։

ՂԵՒՏԱԿԱՆ 8:13

Եւ մատոյց Մովսէս զորդիսն Ահարոնի եւ զգեցոյց նոցա զպատմուճանսն, եւ ած ընդ մէջ նոցա զկամարսն, եւ եդ նոցա զխոյրսն՝՝, որպէս եւ հրամայեաց Տէր Մովսիսի։

ՂԵՒՏԱԿԱՆ 8:9

Եւ եդ ի վերայ գլխոյ նորա զխոյրն, եւ եդ ի վերայ խուրին յերեսաց կողմանէ զթիթեղնն ոսկի, զնուիրեալն եւ զսուրբ, որպէս պատուիրեաց Տէր Մովսիսի։

ԱՌ ԵՓԵՍԱՑԻՍ ԹՈՒՂԹ 5:2

եւ գնացէք սիրով, որպէս եւ Քրիստոս սիրեաց զմեզ, եւ մատնեաց զանձն իւր վասն մեր պատարագ եւ զենումն Աստուծոյ ի հոտ անուշից։