ՂԵՒՏԱԿԱՆ 7:32 - Գրաբար Աստվածաշունչ (1895)

³² Եւ զերին զաջոյ տայցէք հաս քահանային ի զոհից փրկութեան ձերոյ։

ՂԵՒՏԱԿԱՆ 7:32 Iomraidhean Croise

ԵԼՔ 29:27

Եւ սրբեսցես զերբուծն ի նուէր, եւ զերի նուիրին որ նուիրիցի, եւ որ ինչ հանիցի ի խոյէն կատարման յԱհարոնէ եւ յորդւոց՝՝ նորա։

ՂԵՒՏԱԿԱՆ 10:14

Եւ զերբուծ զնուիրին եւ զերի հասին՝՝ կերիջիք ի սուրբ տեղւոջ դու եւ որդիք քո եւ տուն քո ընդ քեզ. զի օրէն քեզ է այն, եւ օրէն որդւոց քոց տուաւ ի զոհից փրկութեան որդւոցն Իսրայելի։

ՂԵՒՏԱԿԱՆ 7:33

Որ մատուցանիցէ զարիւնն փրկութեան եւ զճարպն առ ի յորդւոցն Ահարոնի, նորա լիցի երին աջոյ ի մասն։

ՂԵՒՏԱԿԱՆ 7:34

Զի զերբուծն վերադրաց եւ զերին նուիրացն առի ես յորդւոցն Իսրայելի ի զոհիցն փրկութեան ձերոյ, եւ ետու զայն՝՝ Ահարոնի քահանայի եւ որդւոց նորա, օրէն յաւիտենական յորդւոցն Իսրայելի։

ՂԵՒՏԱԿԱՆ 9:21

Եւ զերբուծսն եւ զերին աջոյ նուիրեաց նուէր՝՝ առաջի Տեառն, որպէս պատուիրեաց Տէր Մովսիսի՝՝։

ԹԻՒՔ 5:9

Եւ ամենայն պտուղ ըստ ամենայնի որ սրբիցի յորդւոցն Իսրայելի զոր ինչ մատուցանիցեն Տեառն, քահանային եղիցի։

ԹԻՒՔ 6:20

եւ մատուսցէ զայն քահանայն ընծայ՝՝ առաջի Տեառն, եւ եղիցի սուրբ, քահանային եղիցի ի վերայ երբծոյն նուիրի եւ ի վերայ երւոյն հասի. եւ ապա արբցէ ուխտաւորն գինի։

ԵՐԿՐՈՐԴՈՒՄՆ ՕՐԻՆԱՑ 18:3

Եւ այս են իրաւունք քահանային ի ժողովրդենէ անտի, որք զենուցուն զենլիս. եթէ արջառ իցէ եւ եթէ ոչխար, տացէ քահանային զերին եւ զծնօտսն եւ զխախացոցն։

ԹԱԳԱՒՈՐՈՒԹԵԱՆՑ ԱՌԱՋԻՆ 9:24

Եւ եփեաց խոհակերն զազդրն եւ զթամբն որ զնովաւ, եւ եդ զայն առաջի Սաւուղայ։ Եւ ասէ Սամուէլ ցՍաւուղ. Ահաւասիկ նշխար, դիր զայդ առաջի քո եւ կեր, զի վկայութիւն լիցի քեզ առ ի ժողովրդոց, եւ կրծեսցես՝՝։ Եւ եկեր Սաւուղ ընդ Սամուելի յաւուր յայնմիկ։