ՂԵՒՏԱԿԱՆ 5:3 - Գրաբար Աստվածաշունչ (1895)

³ կամ մերձենայցէ ի պղծութիւնս մարդոյ կամ յամենայն պղծութիւնս նորա, յոր թէ մերձեցեալ պղծիցի, եւ մոռացօնք լինիցին նմա, եւ յետ այնորիկ ի վերայ հասանիցէ, եւ յանցանիցէ։

ՂԵՒՏԱԿԱՆ 5:3 Iomraidhean Croise

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:27

Եւ յորում աւուր մտանիցէ ի սրբութիւն սրահին ներքնոյ պաշտել ի սրբութեանն՝ մատուսցէ քաւութիւն, ասէ Տէր Աստուած։

ՂԵՒՏԱԿԱՆ 13:3

Եւ տեսցէ քահանայն զարածն ի մորթ մարմնոյ նորա, եւ կամ թէ՝՝ մազ արածին ի սպիտակ դարձեալ իցէ, եւ տեսիլ արածին զնստագոյն իցէ քան զմորթ մարմնոյն, արած բորոտութեան է. եւ տեսցէ քահանայն եւ պղծեսցէ զնա՝՝։

ՂԵՒՏԱԿԱՆ 5:2

Եւ անձն որ մերձեսցի յիրս պղծութեան, կամ ի մեռելոտի, կամ ի գազանաբեկ, կամ ի պիղծ ինչ, կամ ի մեռելոտիս անասնոց պղծոց, կամ ի մեռելոտիս սողնոց պղծոց, եւ անցանիցէ զնովաւ, եւ ինքն պղծիցի եւ յանցանիցէ.

ՂԵՒՏԱԿԱՆ 5:4

Եւ անձն որ ուխտիցէ չար ինչ առնել կամ բարի, ըստ ամենայնի որ ինչ ուխտիցէ մարդ երդմամբ չափ, եւ մոռանայցի այն յաչաց նորա, եւ ապա ի վերայ հասանիցէ, եւ մեղանչիցէ միով իւիք ի նոցանէ.

ՂԵՒՏԱԿԱՆ 7:21

Եւ անձն որ մերձեսցի յամենայն իրս պղծութեան, ի պղծութիւնս մարդոյ կամ յանասնոց պղծոց, կամ յամենայն գարշելիս պիղծս, եւ կերիցէ ի մսոյ զոհին փրկութեան որ իցէ Տեառն, կորիցէ անձն այն ի ժողովրդենէ իւրմէ։

ԹԻՒՔ 19:22

Եւ յամենայն ինչ յոր մերձենայցէ պղծեալն, անսուրբ լիցի մինչեւ ցերեկոյ՝՝, եւ անձն որ մերձենայցէ ի նա, անսուրբ լիցի մինչեւ ցերեկոյ։