ՂԵՒՏԱԿԱՆ 5:15 - Գրաբար Աստվածաշունչ (1895)

¹⁵ Անձն որ թէ վրիպեսցի եւ մեղիցէ ակամայ ի սրբութեանց անտի Տեառն՝ մատուսցէ վասն յանցանացն իւրոց Տեառն խոյ անարատ յօդեաց՝ գնոց արծաթոյ ի յիսուն սկեղէ՝՝ ըստ սրբութեան սկեղն, վասն որոյ յանցուցեալն իցէ։

ՂԵՒՏԱԿԱՆ 5:15 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:16

Եւ արծաթ վասն մեղաց եւ վասն յանցանաց ոչ մտանէր ի տուն Տեառն, այլ քահանայիցն լինէր։

ԵԶՐ 10:19

եւ սկսան՝՝ հանել զկանայս այլազգեացն յինքեանց, եւ մատուցին իւրաքանչիւր խոյս վասն թողութեան մեղացն անգիտութեան։

ԵԼՔ 30:13

Եւ այս ինչ է զոր տացեն որք անցանիցեն ի հանդիսի անդ. զկէս երկդրամենին որ իցէ ըստ սրբութեան երկդրամենին. քսան դանգ է երկդրամեանն. եւ կէս երկդրամենին եղիցի հաս Տեառն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:39

Եւ ի կամարի՝՝ դրանն երկու սեղանք յայսկոյս, եւ երկու սեղանք յայնկոյս, զի զենուցուն ի նմա զողջակէզսն եւ զվասն մեղացն եւ զվասն անգիտութեանն։

ՂԵՒՏԱԿԱՆ 1:10

Ապա թէ յոչխարաց իցէ պատարագն Տեառն, ի գառանց եւ յուլոց՝՝ յողջակէզ, արու անարատ մատուցանիցէ զնա։

ՂԵՒՏԱԿԱՆ 1:3

Եթէ ողջակէզ իցէ պատարագն նորա յարջառոց, արու անարատ մատուսցէ, առ դուրս խորանին վկայութեան ածցէ զնա ընդունելութիւն ի նմանէ՝ առ ի քաւելոյ՝՝ առաջի Տեառն։

ՂԵՒՏԱԿԱՆ 14:12

Եւ առցէ քահանայն զմի գառնն, եւ մատուսցէ զնա վասն յանցանաց, եւ զճաշակն իւղոյ, եւ նուիրեսցէ զայն նուէր՝՝ առաջի Տեառն։

ՂԵՒՏԱԿԱՆ 27:3

եղիցին գինք արուի, ի քսանամենից մինչեւ ցվաթսնամեանս, եղիցին գինք նորա յիսուն երկդրամեան արծաթոյ ըստ սրբութեան սկեղն.

ՂԵՒՏԱԿԱՆ 4:2

Խօսեաց դու ընդ որդիսդ Իսրայելի եւ ասասցես. Անձն եթէ մեղիցէ առաջի Տեառն՝՝ ակամայ յամենայն հրամանաց Տեառն յորոց չէ արժան առնել եւ առնիցէ ինչ ի նոցանէ։

ՂԵՒՏԱԿԱՆ 5:14

Խօսեցաւ Տէր ընդ Մովսիսի եւ ասէ.

ՂԵՒՏԱԿԱՆ 5:16

Եւ զոր մեղաւն ի սրբութիւնսն, հատուսցէ, եւ զհինգերորդ եւս մասնն յաւելցէ ի նոյն, եւ տացէ ցքահանայն. եւ քաւեսցէ ի նմանէ քահանայն խոյիւն որ վասն յանցանացն իցէ, եւ թողցի նմա։

ՂԵՒՏԱԿԱՆ 5:18

ածցէ խոյ անարատ ի խաշանց գնոց արծաթոյ՝՝ վասն յանցութեանն՝ առ քահանայն. եւ քաւեսցէ վասն նորա քահանայն վասն անգիտութեանն զոր անգիտացաւ եւ ինքն ոչ գիտէր, եւ թողցի նմա.

ՂԵՒՏԱԿԱՆ 6:6

Եւ ընդ յանցանաց իւրոց մատուսցէ Տեառն խոյ անարատ ի հօտից՝ գնոց արծաթոյ՝՝ վասն որոյ յանցեաւն։

ՂԵՒՏԱԿԱՆ 7:1

Եւ այս օրէն իցէ խոյին որ վասն յանցանացն իցէ. զի սրբութիւն սրբութեանց է.

ՂԵՒՏԱԿԱՆ 7:6

Ամենայն արու քահանայիցն կերիցէ զայն. ի սուրբ տեղւոջ կերիցեն զայն, քանզի սրբութիւն սրբութեանց է։

ԹԻՒՔ 15:24

եւ եղիցի եթէ յաչաց ժողովրդեանն վրիպիցի ակամայ ինչ, արասցէ ժողովուրդն զուարակ մի յանդւոյ անարատ յողջակէզ ի հոտ անուշից Տեառն. եւ զոհ ըստ նմին եւ նուէր ըստ նմին պայմանի, եւ նոխազ մի յայծեաց վասն մեղաց։

ԹԻՒՔ 5:5

Խօսեցաւ Տէր ընդ Մովսիսի եւ ասէ.

ԹԻՒՔ 5:8

Ապա թէ չիցէ ոք առնն մերձաւորիչ հատուցանել նմա զյանցանաց նորա, եւ ընդ յանցանացն որ ինչ ընծայիցի Տեառն՝ այն քահանային եղիցի, բաց ի խոյէ քաւութեանն որով քաւիցէ վասն իւր։

ԵՐԿՐՈՐԴՈՒՄՆ ՕՐԻՆԱՑ 12:26

Բայց զսրբութիւնսն քո որ լինիցին քեզ, եւ զուխտսն քո զոր ուխտիցես, առեալ եկեսցես ի տեղին զոր ընտրեսցէ Տէր Աստուած քո իւր՝ կոչել զանուն իւր ի վերայ նորա՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 6:3

Եւ ասեն եթէ առաքիցէք զտապանակն Աստուծոյ Իսրայելի ուխտին Տեառն՝՝, մի՛ առաքիցէք զնա ունայն, այլ տալով տաջիք նմա զհարուածոցն, եւ ապա բժշկեսջիք եւ հաշտեսցի ընդ ձեզ. գուցէ՝՝ ոչ վերանայցէ ձեռն նորա ի ձէնջ։