ՂԵՒՏԱԿԱՆ 4:3 - Գրաբար Աստվածաշունչ (1895)

³ Եթէ քահանայապետն օծեալ մեղանչիցէ առ ի զժողովուրդն յանցուցանելոյ, մատուսցէ վասն մեղաց իւրոց զոր մեղաւ՝ զուարակ յանդւոյ անարատ Տեառն՝ վասն մեղաց.

ՂԵՒՏԱԿԱՆ 4:3 Iomraidhean Croise

ՄՆԱՑՈՐԴԱՑ ԵՐԿՐՈՐԴ 29:21

եւ եհան զուարակս եւթն եւ խոյս եւթն եւ որոջս եւթն եւ նոխազս այծեաց եւթն՝ վասն մեղաց թագաւորութեանն եւ վասն սրբութեանցն եւ Իսրայելի. եւ ասէ ցորդիսն Ահարոնի ցքահանայս. Մատերուք առ սեղանն Տեառն։

ԵԶՐ 8:35

Որք եկեալ էին ի գերութենէն որդիք պանդխտութեան, մատուցին ողջակէզս Տեառն Աստուծոյ Իսրայելի, զուարակս երկոտասան վասն ամենայն Իսրայելի, խոյս իննսուն եւ վեց, գառինս եւթանասուն եւ եւթն, ամիկս վասն մեղաց երկոտասան. զայս ամենայն ողջակէզս մատուցին Տեառն Աստուծոյ։

ԵԼՔ 29:14

Եւ զմիս զուարակին եւ զմորթ նորա եւ զապաւառն այրեսցես արտաքոյ բանակին. զի այն իսկ է վասն մեղաց։

ԵԼՔ 29:21

Եւ առցես յարենէն որ ի վերայ սեղանոյն իցէ, եւ յիւղոյ օծութեանն, եւ ցանեսցես ի վերայ Ահարոնի եւ ի վերայ պատմուճանի նորա, եւ ի վերայ որդւոց նորա եւ ի վերայ պատմուճանաց որդւոց նորա ընդ նմա. եւ սրբեսցի ինքն եւ պատմուճան իւր, եւ որդիք նորա եւ պատմուճանք որդւոց նորա ընդ նմա. եւ զարիւն խոյին ցանեսցես շուրջ զսեղանովն։՝՝

ԵԼՔ 29:7

Եւ առցես յիւղոյ անտի օծման, եւ արկցես ի գլուխ նորա եւ օծցես զնա։

ԵԼՔ 30:10

Եւ քաւեսցէ Ահարոն ի վերայ եղջերաց նորա միանգամ ի տարւոջ. յարենէ առ ի վասն մեղացն սրբութեան եւ՝՝ քաւութեան միանգամ ի տարւոջ սրբեսցէ զնա յազգս նոցա. զի սրբութիւն սրբութեանց Տեառն է։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:39

Եւ ի կամարի՝՝ դրանն երկու սեղանք յայսկոյս, եւ երկու սեղանք յայնկոյս, զի զենուցուն ի նմա զողջակէզսն եւ զվասն մեղացն եւ զվասն անգիտութեանն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:19

Եւ տացես քահանայիցն Ղեւտացւոց որք ի զաւակէ Սադովկայ մերձեսցին առ իս, ասէ Տէր Տէր, պաշտել զիս, զուարակ մի յանդւոյ վասն մեղաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:27

Եւ յորում աւուր մտանիցէ ի սրբութիւն սրահին ներքնոյ պաշտել ի սրբութեանն՝ մատուսցէ քաւութիւն, ասէ Տէր Աստուած։

ՂԵՒՏԱԿԱՆ 1:10

Ապա թէ յոչխարաց իցէ պատարագն Տեառն, ի գառանց եւ յուլոց՝՝ յողջակէզ, արու անարատ մատուցանիցէ զնա։

ՂԵՒՏԱԿԱՆ 1:3

Եթէ ողջակէզ իցէ պատարագն նորա յարջառոց, արու անարատ մատուսցէ, առ դուրս խորանին վկայութեան ածցէ զնա ընդունելութիւն ի նմանէ՝ առ ի քաւելոյ՝՝ առաջի Տեառն։

ՂԵՒՏԱԿԱՆ 16:11

Եւ մատուսցէ Ահարոն զզուարակն զվասն մեղաց զիւրն, եւ քաւեսցէ վասն իւր եւ վասն տան իւրոյ, եւ սպանցէ զզուարակն զվասն մեղացն զիւր։

ՂԵՒՏԱԿԱՆ 16:3

Եւ ապա՝՝ մտանիցէ Ահարոն ի սրբութիւնն. զուարակաւ յանդւոյ վասն մեղաց, եւ խոյիւ յողջակէզ։

ՂԵՒՏԱԿԱՆ 16:5

Եւ ի ժողովրդենէ որդւոցն Իսրայելի առցէ երկուս նոխազս յայծեաց վասն մեղաց, եւ խոյ մի յողջակէզ։

ՂԵՒՏԱԿԱՆ 16:6

Եւ մատուսցէ Ահարոն զզուարակն վասն մեղաց իւրոց, եւ քաւեսցէ վասն իւր եւ վասն տան իւրոյ։

ՂԵՒՏԱԿԱՆ 4:14

եւ յայտնիցի նոցա մեղքն որ մեղան նովաւ, մատուսցէ ժողովուրդն զուարակ անարատ յանդւոյ վասն մեղաց. եւ ածցեն զնա ի դուռն խորանին վկայութեան։

ՂԵՒՏԱԿԱՆ 4:23

եւ յայտնեսցի նմա մեղքն զոր մեղաւ, մատուսցէ զպատարագն իւր նոխազ յայծեաց՝ արու անարատ.

ՂԵՒՏԱԿԱՆ 4:28

եւ յայտնեսցին նմա մեղքն զոր մեղաւ, մատուսցէ զպատարագ իւր ալոջ անարատ վասն մեղացն զոր մեղաւ։

ՂԵՒՏԱԿԱՆ 4:5

Եւ առեալ քահանային օծելոյ կատարելոյ ի ձեռս իւր՝՝ յարենէ զուարակին, եւ տարցի զայն ի խորանն վկայութեան։

ՂԵՒՏԱԿԱՆ 5:6

մատուսցէ վասն յանցանացն զոր յանցեաւ Տեառն, եւ՝՝ վասն մեղացն զոր մեղաւ, էգ յօդեաց որոջ, կամ ալոջ մի յայծեաց վասն մեղացն. եւ քաւեսցէ վասն նորա քահանայն ի մեղաց անտի, եւ թողցին նմա մեղքն։՝՝

ՂԵՒՏԱԿԱՆ 6:18

Ամենայն արու քահանայիցն կերիցէ զայն. օրէն յաւիտենական յազգս ձեր ի պտղոյ անտի Տեառն. ամենայն որ մերձեսցի ի նոսա՝ սրբեսցի։

ՂԵՒՏԱԿԱՆ 8:12

Եւ արկ Մովսէս յիւղոյ օծութեանն ի գլուխն Ահարոնի եւ օծ զնա, եւ սրբեաց զնա։

ՂԵՒՏԱԿԱՆ 9:2

եւ ասէ Մովսէս ցԱհարոն. Առ դու քեզ զուարակ մի յանդոյ վասն մեղաց եւ խոյ յողջակէզ՝ անարատս. եւ մատո զնոսա առաջի Տեառն։

ՂԵՒՏԱԿԱՆ 9:3

Եւ ընդ ծերակոյտսն Իսրայելի խօսեսցիս եւ ասասցես. Առէք դուք ձեզ նոխազ մի յայծեաց վասն մեղաց, եւ խոյ՝ եւ զուարակ եւ գառն տարեւոր յողջակէզ՝ անարատս.

ԹԻՒՔ 16:22

Անկան ի վերայ երեսաց իւրեանց եւ ասեն. Աստուած, Աստուած հոգւոց ամենայն մարմնոյ. եթէ մի մարդ մեղաւ, ի վերայ ամենայն ժողովրդե՞անդ գայցէ բարկութիւն Տեառն։

ԹԻՒՔ 8:8

Եւ առցեն զուարակ մի յանդւոյ, եւ ըստ նմին զոհ, նաշիհ զանգեալ իւղով, եւ առցես որթ տարեւոր՝՝ յանդւոյ վասն մեղաց։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:3

Զի որ անհնարինն էր օրինացն որով տկարանայրն՝՝ մարմնով, Աստուած զՈրդին իւր առաքեաց ի նմանութիւն մարմնոյ մեղաց, եւ վասն մեղաց, եւ դատապարտեաց զմեղս ի մարմնի անդ.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:21

Զի զայն որ ոչն գիտէր զմեղս՝ վասն մեր մեղս արար, զի մեք եղիցուք նովաւ արդարութիւն Աստուծոյ։

ԱՌ ԵԲՐԱՅԵՑԻՍ ԹՈՒՂԹ 5:3

վասն այնորիկ հարկ է որպէս վասն ժողովրդեանն, նոյնպէս եւ ընդ անձին մատուցանել պատարագս վասն մեղաց։

ԱՌ ԵԲՐԱՅԵՑԻՍ ԹՈՒՂԹ 9:12

եւ ոչ արեամբ նոխազաց եւ զուարակաց, այլ իւրով արեամբն եմուտ մի անգամ ի սրբութիւնսն, յաւիտենականս գտեալ զփրկութիւն՝՝։