ՂԵՒՏԱԿԱՆ 4:29 - Գրաբար Աստվածաշունչ (1895)

²⁹ Եւ դիցէ զձեռս իւր ի վերայ գլխոյ նորա, եւ սպանցեն զալոջն՝՝ զվասն մեղացն ի տեղւոջ ուր սպանանիցեն զողջակէզսն։

ՂԵՒՏԱԿԱՆ 4:29 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:16

Եւ արծաթ վասն մեղաց եւ վասն յանցանաց ոչ մտանէր ի տուն Տեառն, այլ քահանայիցն լինէր։

ՄՆԱՑՈՐԴԱՑ ԵՐԿՐՈՐԴ 29:23

Եւ մատուցին զնոխազսն զվասն մեղացն առաջի արքային եւ ժողովրդեանն, եւ եդին զձեռս իւրեանց ի վերայ նոցա։

ՂԵՒՏԱԿԱՆ 1:11

Եւ դիցէ զձեռն իւր ի վերայ գլխոյ նորա. եւ սպանցեն՝՝ զնա ի կողմանց սեղանոյն ընդ հիւսիսի՝ առաջի Տեառն. եւ հեղցեն զարիւնն՝՝ որդիքն Ահարոնի քահանայք շուրջ զսեղանովն։

ՂԵՒՏԱԿԱՆ 1:4

Եւ դիցէ զձեռն իւր ի վերայ գլխոյ ընծային՝ յընդունելութիւն նմա առ ի քաւելոյ վասն անձին իւրոյ։

ՂԵՒՏԱԿԱՆ 1:5

Եւ սպանցեն զզուարակն առաջի Տեառն. եւ մատուսցեն քահանայքն որդիքն Ահարոնի զարիւնն, եւ հեղցեն շուրջ զսեղանովն որ կայցէ առ դրան խորանին վկայութեան։

ՂԵՒՏԱԿԱՆ 4:15

Եւ դիցեն ծերք ժողովրդեանն զձեռս իւրեանց ի վերայ գլխոյ զուարակին առաջի Տեառն. եւ սպանցեն զզուարակն առաջի Տեառն։

ՂԵՒՏԱԿԱՆ 4:24

եւ դիցէ զձեռս իւր ի վերայ գլխոյ նոխազին, եւ սպանցեն զնա ի տեղւոջ ուր սպանանիցեն զողջակէզսն առաջի Տեառն. քանզի մեղաց է։

ՂԵՒՏԱԿԱՆ 4:33

եւ դիցէ զձեռն իւր ի վերայ գլխոյ նորա որ վասն մեղացն իցէ. եւ սպանցեն զնա ի տեղւոջն ուր սպանանիցեն զողջակէզսն։

ՂԵՒՏԱԿԱՆ 4:4

եւ ածցէ զզուարակն ի դուռն խորանին վկայութեան առաջի Տեառն, եւ դիցէ զձեռս իւր ի վերայ գլխոյ զուարակին առաջի Տեառն, եւ սպանցեն՝՝ զզուարակն առաջի Տեառն։