ՂԵՒՏԱԿԱՆ 3:5 - Գրաբար Աստվածաշունչ (1895)

⁵ Եւ հանցեն՝՝ զայն որդիքն Ահարոնի քահանայք ի սեղանն յողջակէզ ի վերայ փայտին եւ հրոյն պտուղ անուշից Տեառն։

ՂԵՒՏԱԿԱՆ 3:5 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 8:64

Յաւուր յայնմիկ սրբեաց արքայ զմիջոց սրահին որ հանդէպ տանն Տեառն. զի անդ արար զողջակէզսն եւ զպատարագսն եւ զզոհսն եւ զճարպսն խաղաղականաց. զի սեղանն պղնձի որ առաջի Տեառն կայր՝ փոքր էր. եւ ոչ կարէր ընդունել զողջակէզսն եւ զպատարագս եւ զզոհս խաղաղականաց։

ՄՆԱՑՈՐԴԱՑ ԵՐԿՐՈՐԴ 35:14

Եւ յետ պատրաստելոյն նոցա եւ քահանայիցն, վասն զի քահանայքն էին մատուցանել զճարպսն եւ զողջակէզսն մինչեւ ի գիշերին, եւ Ղեւտացիքն պատրաստեցին իւրեանց եւ եղբարցն իւրեանց որդւոցն Ահարոնի։

ԵԼՔ 29:13

Եւ առցես զամենայն ճարպ թաղանթոյ քաղրթին եւ զլերդաբոյթն եւ զերկուս երիկամունսն ճարպովին, դիցես ի վերայ սեղանոյն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:15

Եւ քահանայքն Ղեւտացիք՝ որդիքն Սադովկայ՝ որք պահեցին զպահպանութիւնս սրբութեանց իմոց ի մոլորել տանն Իսրայելի յինէն, նոքա մերձեսցին առ իս պաշտել զիս. եւ կացցեն առաջի երեսաց իմոց՝ մատուցանել ինձ զոհս եւ՝՝ ճարպ եւ արիւն, ասէ Տէր Աստուած։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:7

մուծանել ձեզ զորդիս այլազգիս՝ անթլփատս սրտիւ եւ անթլփատս մարմնով՝ լինել ի սրբութիւնս իմ, եւ պղծել զնոսա, ի մատուցանել ձեզ զհացդ իմ ճարպով եւ արեամբ, եւ անցանէք զուխտիւ իմով ամենայն անօրէնութեամբք ձերովք։

ՂԵՒՏԱԿԱՆ 1:13

Եւ զփորոտին եւ զոտսն լուասցեն ջրով. եւ մատուսցէ քահանայն զամենայն, եւ դիցէ ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:17

Եւ ջախջախեսցէ զայն ի թեւոցն, եւ ի բաց մի՛ զատուսցէ. եւ դիցէ զայն քահանայն ի սեղանն ի վերայ փայտին եւ հրոյ. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:9

Եւ զփորոտին եւ զոտսն լուասցեն ջրով. եւ դիցեն քահանայքն՝՝ զամենայն ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 3:11

հանցէ քահանայն ի սեղանն հոտ անուշից պտուղ Տեառն։

ՂԵՒՏԱԿԱՆ 3:4

եւ զերկուս երիկամունսն եւ զճարպն որ ի նոսա՝ որ առ մսանամբքն իցեն, եւ զլերդաբոյթն երիկամամբքն հանդերձ կորզեսցեն։

ՂԵՒՏԱԿԱՆ 4:31

Եւ զամենայն զճարպն կորզեսցէ՝ զոր օրինակ կորզիցի ճարպ յողջակիզէ փրկութեանն. եւ հանցէ զայն քահանայն ի սեղանն ի հոտ անուշից Տեառն. եւ քաւեսցէ վասն նորա քահանայն, եւ թողցի նմա։

ՂԵՒՏԱԿԱՆ 4:35

Եւ զամենայն զճարպ նորա կորզեսցէ՝ զոր օրինակ կորզիցի ճարպ ոչխարին փրկութեան. եւ դիցէ զայն քահանայն ի վերայ սեղանոյն յողջակէզ Տեառն. եւ քաւեսցէ վասն նորա քահանայն ի մեղաց անտի զոր մեղաւ, եւ թողցի նմա։

ՂԵՒՏԱԿԱՆ 6:12

Եւ հուրն որ այրիցի ի վերայ սեղանոյն՝ մի՛ շիջցի. եւ այրեսցէ ի վերայ նորա քահանայն փայտ ընդ առաւօտս, եւ դիցէ ի վերայ նորա զողջակէզն, եւ դիցէ ի նմա զճարպ փրկութեանն։

ՂԵՒՏԱԿԱՆ 7:28

Խօսեցաւ Տէր ընդ Մովսիսի եւ ասէ.

ՂԵՒՏԱԿԱՆ 9:17

Եւ մատոյց զզոհն, եւ ելից զձեռս ի նմանէ, եւ եդ ի վերայ սեղանոյն ուրոյն յառաւօտին ողջակիզէն։

ԹԻՒՔ 15:8

Ապա թէ յարջառոց առնիցէք յողջակէզ կամ ի զոհ, մեծացուցանել զուխտսն ի փրկութիւն Տեառն,

ԹԻՒՔ 18:17

Բայց զանդրանիկս արջառոց եւ զանդրանիկս օդեաց եւ զանդրանիկս այծեաց ոչ փրկեսցես, զի սուրբ են. եւ զարիւն նոցա հեղցես առ սեղանովն, եւ զճարպն հանցես ընծայ ի հոտ անուշից Տեառն.

ԹԻՒՔ 28:12

եւ երիս տասանորդս նաշհոյ զանգելոյ իւղով առ զուարակ մի, եւ երկուս տասանորդս նաշհոյ զանգեալ իւղով առ խոյ մի,

ԹԻՒՔ 28:3

Եւ ասասցես ցնոսա. Այս են ընծայք՝՝ զոր մատուցանիցէք Տեառն. գառինս երկուս անարատս հանապազ՝՝ յողջակէզ անպակաս.

ՊԵՏՐՈՍԻ ԱՌԱՋԻՆ՝՝ 2:5

եւ դուք իբրեւ զվէմս կենդանիս շինիք տաճար հոգեւոր, յանարատ քահանայութիւն, մատուցանել զհոգեւորն պատարագս հաճոյս Աստուծոյ ի ձեռն Յիսուսի Քրիստոսի։