ՂԵՒՏԱԿԱՆ 3:2 - Գրաբար Աստվածաշունչ (1895)

² Եւ դիցէ զձեռս իւր ի վերայ գլխոյ պատարագին. եւ սպանցէ զնա առ դրան խորանին վկայութեան. եւ հեղցեն որդիքն Ահարոնի քահանայք զարիւնն ի վերայ սեղանոյ ողջակիզացն շուրջանակի։

ՂԵՒՏԱԿԱՆ 3:2 Iomraidhean Croise

ԵԼՔ 29:10

Եւ մատուսցես զզուարակն առ դրան խորանին վկայութեան, եւ դիցեն Ահարոն եւ որդիք նորա զձեռս իւրեանց ի վերայ գլխոյ զուարակին առաջի Տեառն՝՝ առ դրան խորանին վկայութեան։

ԵԼՔ 29:11

Եւ սպանցես զզուարակն առաջի Տեառն առ դրան խորանին վկայութեան։

ԵԼՔ 29:15

Եւ զխոյն զմի՝ առցես, եւ դիցեն Ահարոն եւ որդիք նորա զձեռս իւրեանց ի վերայ գլխոյ խոյին։

ԵԼՔ 29:16

Եւ զենցես զխոյն եւ առեալ զարիւն նորա հեղցես շուրջ զսեղանովն։

ԵԼՔ 29:19

Եւ առցես զխոյն զերկրորդ, եւ դիցեն Ահարոն եւ որդիք նորա զձեռս իւրեանց ի վերայ գլխոյ խոյին։

ՄԱՐԳԱՐԷՈՒԹԻՒՆ ԵՍԱՅԵԱՅ 53:6

Ամենեքեան իբրեւ ոչխարք մոլորեալք. այր ի ճանապարհի իւրում մոլորեցաւ, եւ Տէր մատնեաց զնա առ մեղս մեր.

ՂԵՒՏԱԿԱՆ 1:11

Եւ դիցէ զձեռն իւր ի վերայ գլխոյ նորա. եւ սպանցեն՝՝ զնա ի կողմանց սեղանոյն ընդ հիւսիսի՝ առաջի Տեառն. եւ հեղցեն զարիւնն՝՝ որդիքն Ահարոնի քահանայք շուրջ զսեղանովն։

ՂԵՒՏԱԿԱՆ 17:3

Այս բան է զոր պատուիրեաց Տէր եւ ասէ. Այր ոք այր յորդւոցն Իսրայելի որ սպանանիցէ արջառ կամ ոչխար կամ այծ ի բանակի, եւ որ ոք սպանանիցէ արտաքոյ բանակին, եւ ի դուռն խորանին վկայութեան ոչ ածիցէ զայն, առ առնելոյ զնա յողջակէզ վասն փրկութեան՝ Տեառն ընդունելի ի հոտ անուշից. եւ որ սպանանիցէ արտաքոյ,՝՝

ՂԵՒՏԱԿԱՆ 17:4

եւ ի դուռն խորանին վկայութեան ոչ ածիցէ առ ի մատուցանելոյ պատարագ Տեառն յանդիման խորանին վկայութեան Տեառն, յարիւն համարեսցի մարդոյն այնմիկ. որպէս թէ արիւն եհեղ. սատակեսցի անձն այն ի ժողովրդենէ իւրմէ.

ՂԵՒՏԱԿԱՆ 3:3

Եւ մատուսցէ ի զոհէն փրկութեան պտուղ Տեառն՝ զճարպ թաղանթ քաղրթին, եւ զամենայն ճարպ փորոտւոյն,

ՂԵՒՏԱԿԱՆ 3:8

եւ դիցէ զձեռն իւր ի վերայ գլխոյ պատարագին իւրոյ, եւ սպանցէ զնա առ դրան խորանին վկայութեան. եւ հեղցեն որդիքն Ահարոնի քահանայք զարիւնն շուրջ զսեղանովն։

ՂԵՒՏԱԿԱՆ 8:22

Եւ մատոյց Մովսէս զխոյն երկրորդ, զխոյն կատարման, եւ եդին Ահարոն եւ որդիք նորա զձեռս իւրեանց ի վերայ գլխոյ խոյին.

ՄԱՐԳԱՐԷՈՒԹԻՒՆ ԶԱՔԱՐԵԱՅ 12:10

Եւ հեղից ի վերայ տանն Դաւթի եւ ի վերայ բնակչաց Երուսաղեմի հոգի շնորհաց եւ գթութեան. եւ հայեսցին առ իս յոր խոցեցինն, եւ կոծեսցին ի վերայ նորա կոծ իբրեւ ի վերայ սիրելւոյ, եւ աշխարեսցեն աշխար իբրեւ ի վերայ անդրանկան։

ԹԻՒՔ 18:17

Բայց զանդրանիկս արջառոց եւ զանդրանիկս օդեաց եւ զանդրանիկս այծեաց ոչ փրկեսցես, զի սուրբ են. եւ զարիւն նոցա հեղցես առ սեղանովն, եւ զճարպն հանցես ընծայ ի հոտ անուշից Տեառն.

ԳՈՐԾՔ ԱՌԱՔԵԼՈՑ 3:15

Եւ զԱռաջնորդ կենացն սպանէք, զոր Աստուած յարոյց ի մեռելոց, որում մեք իսկ վկայ եմք։

ԳՈՐԾՔ ԱՌԱՔԵԼՈՑ 3:26

Ձեզ նախ յարոյց Աստուած զՈրդի իւր եւ առաքեաց զնա օրհնել զձեզ՝ ի դառնալ ձեզ իւրաքանչիւր ի չարեաց ձերոց։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:21

Զի զայն որ ոչն գիտէր զմեղս՝ վասն մեր մեղս արար, զի մեք եղիցուք նովաւ արդարութիւն Աստուծոյ։