ՂԵՒՏԱԿԱՆ 22:21 - Գրաբար Աստվածաշունչ (1895)

²¹ Եւ այր որ մատուցանիցէ զպատարագս իւր ըստ ամենայն խոստովանութեան իւրեանց, կամ ըստ ամենայն կամաց իւրեանց զոհ փրկութեան Տեառն, ուխտեալ ուխտ, կամ ըստ կամաց կամ ի տօնս ձեր՝՝, յանդւոց կամ յօդեաց, անարատ լինիցի յընդունելութիւն. ամենայն արատ մի՛ լիցի ի նմա։

ՂԵՒՏԱԿԱՆ 22:21 Iomraidhean Croise

ԾՆՈՒՆԴՔ 28:20

Եւ ուխտեաց Յակոբ ուխտ եւ ասէ. Եթէ եղիցի Տէր Աստուած ընդ իս, եւ ապրեցուսցէ զիս ի ճանապարհիս յայսմիկ զոր ես երթամ, եւ տացէ ինձ հաց ուտելոյ եւ հանդերձ զգենլոյ,

ԳԻՐՔ ՍԱՂՄՈՍԱՑ 50:14

Տուր ինձ ցնծութիւն փրկութեան քո, եւ հոգւով պետութեան քո՝՝ հաստատեա զիս։

ԵԼՔ 35:29

Եւ ամենայն այր եւ կին, որոց յօժարէին միտք իւրեանց, մտանէին գործել զամենայն գործն զոր պատուիրեաց Տէր գործել ի ձեռն Մովսիսի. բերէին որդիքն Իսրայելի զնուէրսն Տեառն։

ԱՌԱԿՔ ՍՈՂՈՄՈՆԻ 7:14

Ուխտք խաղաղութեան են ինձ, այսօր հատուցանեմ զաղօթս իմ.

ՂԵՒՏԱԿԱՆ 22:22

Զկոյրն կամ զկաղն կամ զբեկն կամ զլեզուատ կամ զմարմառոտ կամ զքոսոտ կամ զորքինոտ, մի՛ մատուցանիցեն զայն Տեառն. եւ յողջակէզ ոչ տայցէք ի նոցանէ ի սեղան Տեառն։

ՂԵՒՏԱԿԱՆ 3:1

Ապա թէ զոհ փրկութեան իցէ պատարագ նորա Տեառն, եթէ յարջառոց մատուցանիցէ, եթէ՛ արու իցէ, եւ եթէ՛ էգ իցէ, զանարատն մատուսցէ առաջի Տեառն։

ՂԵՒՏԱԿԱՆ 3:6

Ապա թէ յօդեաց իցէ պատարագ նորա զոհ փրկութեան Տեառն, արու կամ էգ, անարատ մատուսցէ զայն։

ԹԻՒՔ 15:3

եւ առնիցէք ողջակէզ Տեառն՝ եւ ողջընծայ ի զոհ, մեծացուցանել՝՝ զուխտն կամ զկամաւն, կամ ի տօնս ձեր առնել հոտ անուշից Տեառն, եթէ յարջառոյ եւ եթէ ի հօտից,

ԹԻՒՔ 15:8

Ապա թէ յարջառոց առնիցէք յողջակէզ կամ ի զոհ, մեծացուցանել զուխտսն ի փրկութիւն Տեառն,