11 եւ յանձն վախճանեալ մի՛ մտցէ. ի հայր իւր կամ ի մայր իւր մի՛ պղծիցի։
Եւ վէտս ի վերայ ոգւոյ մի՛ առնիցէք ի մարմինս ձեր. եւ գիր կտեալ մի՛ առնիցէք ի ձեզ, ես եմ Տէր Աստուած ձեր՝՝։
Եւ որ մերձենայցէ ի մեռեալ ամենայն անձին մարդոյ, անսուրբ լիցի զեւթն օր։
Եւ այս օրէն իցէ մարդոյ որ մեռանիցի ի տան. ամենայն որ մտանիցէ ի տունն եւ որ ինչ կայցէ ի տանն՝ անսուրբ լիցին զեւթն օր։
ի հօր եւ ի մօր, յեղբօր եւ ի քեռ, մի՛ պղծեսցի նոքօք ի մահու նոցա, զի ուխտ Տեառն ի վերայ գլխոյ նորա է։
Եթէ ոք գայ առ իս, եւ ոչ ատեայ զհայր իւր եւ զմայր եւ զկին եւ զորդիս եւ զեղբարս եւ զքորս, նա՝ եւ զանձն եւս իւր, ոչ կարէ իմ աշակերտ լինել։
Այսուհետեւ մեք ոչ զոք գիտեմք մարմնով. զի թէպէտ եւ գիտէաք մարմնով զՔրիստոս, այլ արդ ոչ եւս նոյնպէս գիտեմք։
Որ ասէր ցհայր իւր եւ ցմայր իւր՝ թէ Ոչ տեսի զքեզ, եւ զեղբարս իւր ոչ ծանեաւ, եւ զորդիս իւր ոչ գիտաց. զգուշացաւ բանից քոց, եւ զուխտ քո պահեաց։