ՂԵՒՏԱԿԱՆ 20:9 - Գրաբար Աստվածաշունչ (1895)

⁹ Մարդ ոք մարդ որ հայհոյեսցէ զհայր իւր կամ զմայր իւր՝ մահու մեռցի. զհայր իւր կամ զմայր իւր թէ բամբասեսցէ՝ մահապարտ է։

ՂԵՒՏԱԿԱՆ 20:9 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:16

Եւ ասէ ցնա Դաւիթ. Արիւն քո ի գլուխ քո. զի բերան քո խօսեցաւ զքէն եւ ասէ, թէ՝ Ես սպանի զօծեալն Տեառն։

ԹԱԳԱՒՈՐՈՒԹԵԱՆՑ ԵՐՐՈՐԴ 2:32

Դարձոյց Տէր զարիւն անիրաւութեան նորա ի նորին գլուխ, որպէս պատահեաց երկուց արանց արդարոց եւ քաջաց քան զնա, եւ սպան զնոսա սրով, եւ հայր իմ ոչ գիտաց զարիւն նոցա՝՝, զԱբեններ որդի Ներեայ՝ զսպարապետն Իսրայելի, եւ զԱմեսայի որդի Յեթերայ՝ զսպարապետն Յուդայ։

ԵԼՔ 21:17

Որ բամբասեսցէ զհայր իւր կամ զմայր իւր, մահու մեռցի։

ԱՌԱԿՔ ՍՈՂՈՄՈՆԻ 20:20

Որ հայհոյէ զհայր կամ զմայր՝ շիջցի լոյս նորա, եւ բիբք աչաց նորա զխաւար տեսցեն։

ԱՌԱԿՔ ՍՈՂՈՄՈՆԻ 30:11

Ծնունդ չար՝՝ զհայր իւր անիծանէ, եւ զմայր իւր ոչ օրհնէ.

ԱՌԱԿՔ ՍՈՂՈՄՈՆԻ 30:17

Ակն որ արհամարհէ զհայր եւ անարգէ զծերութիւն մօր, խլեսցեն զնա ագռաւք ձորոց. եւ գէշ գէշ արասցեն զնա ձագք արծուեաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:13

զարծաթ իւր ի վարձու ետ, եւ վաշխիւ եւ տոկոսեօք պահանջեաց. նա մի՛ կեցցէ որ զայն ամենայն անօրէնութիւնս արար, մահու մեռցի, եւ արիւն նորա ի վերայ նորին եղիցի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:7

Զհայր եւ զմայր անարգէին ի քեզ, եւ ընդ եկին եւ ընդ պանդխտին անիրաւութեամբ գնային ի քեզ, զորբն եւ զայրին բռնադատէին ի քեզ.

ՂԵՒՏԱԿԱՆ 20:16

Եւ կին որ մատչիցի յամենայն անասուն պղծել նմա ի նմանէ, սպանանիջիք զկինն եւ զանասունն. մահու մեռանիցին, զի մահապարտք են։

ՂԵՒՏԱԿԱՆ 20:27

Եւ այր կամ կին որ լինիցի վհուկ կամ գէտ, մահու մեռցի. քարամբք քարկոծեցէք զնոսա զի մահապարտք են։

Մատթեոսի Աւետարան 15:4

Զի Աստուած ասաց. Պատուեա զհայր քո եւ զմայր.

Մատթեոսի Աւետարան 27:25

Պատասխանի ետ ամենայն ժողովուրդն եւ ասէ. Արիւն դորա ի վերայ մեր եւ ի վերայ որդւոց մերոց։

ԱՒԵՏԱՐԱՆ ԸՍՏ ՄԱՐԿՈՍԻ 7:10

Զի Մովսէս ասէ. Պատուեա զհայր քո եւ զմայր. եւ՝ Որ չարախօսեսցէ զհօրէ կամ զմօրէ՝ մահու վախճանեսցի։

ԵՐԿՐՈՐԴՈՒՄՆ ՕՐԻՆԱՑ 27:16

Անիծեալ՝ որ անարգեսցէ զհայր իւր կամ զմայր իւր. եւ ասասցէ ամենայն ժողովուրդն. Եղիցի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:19

Եւ եղիցի ամենայն որ ելանէ ի տանէ քումմէ արտաքս՝ ինքն եղիցի անձին իւրում պարտական. եւ մեք քաւեալ լիցուք յերդմանէդ քումմէ յայդմանէ՝՝. եւ որ միանգամ լինիցին ընդ քեզ ի տան քում, մեք լիցուք պարտականք, եթէ ձեռն ուրուք մերձեսցի ի նա։

ԴԱՏԱՒՈՐՔ 9:24

ածել ի վերայ նորա զանիրաւութիւն եւթանասնից որդւոցն Յերոբաաղայ, եւ հասուցանել զարիւն նոցա ի վերայ Աբիմելեքայ եղբօրն իւրեանց որ կոտորեաց զնոսա, եւ ի վերայ արանց Սիկիմացւոց՝ զի զօրացուցին զձեռս նորա կոտորել զեղբարս իւր։