ՂԵՒՏԱԿԱՆ 16:34 - Գրաբար Աստվածաշունչ (1895)

³⁴ Եւ եղիցի ձեզ այն օրէն յաւիտենական՝ քաւել վասն որդւոցն Իսրայելի յամենայն մեղաց նոցա մի անգամ ի տարւոջ առնիցի,՝՝ որպէս հրամայեաց Տէր Մովսիսի։

ՂԵՒՏԱԿԱՆ 16:34 Iomraidhean Croise

ԵԼՔ 27:21

Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 30:10

Եւ քաւեսցէ Ահարոն ի վերայ եղջերաց նորա միանգամ ի տարւոջ. յարենէ առ ի վասն մեղացն սրբութեան եւ՝՝ քաւութեան միանգամ ի տարւոջ սրբեսցէ զնա յազգս նոցա. զի սրբութիւն սրբութեանց Տեառն է։

ԵԼՔ 39:43

Եւ ետես Մովսէս զամենայն գործն, եւ էր գործեալ ըստ օրինակին որպէս հրամայեաց Տէր Մովսիսի. նոյնպէս եւ արարին. եւ օրհնեաց զնոսա Մովսէս։

ՂԵՒՏԱԿԱՆ 16:2

Եւ ասէ Տէր ցՄովսէս. Խօսեաց ընդ Ահարոնի ընդ եղբօր քում, եւ մի՛ մտցեն յամենայն ժամ ի սրբութիւնն ի ներքս քան զվարագոյրն յանդիման քաւութեանն, որ է ի վերայ տապանակի վկայութեանն, եւ ոչ մեռանիցի. զի ամպով երեւեցայց ի վերայ քաւութեանն։

ՂԵՒՏԱԿԱՆ 17:1

Խօսեցաւ Տէր ընդ Մովսիսի եւ ասէ.

ՂԵՒՏԱԿԱՆ 23:28

Զամենայն գործ մի՛ գործիցէք յաւուր յանմիկ, զի օր քաւութեան է նա ձեզ, քաւել վասն ձեր առաջի Տեառն Աստուծոյ ձերոյ։

ՂԵՒՏԱԿԱՆ 23:31

Զամենայն գործ մի՛ գործիցէք. օրէն յաւիտենական եղիցի յազգս ձեր, յամենայն բնակութիւնս ձեր։

ՂԵՒՏԱԿԱՆ 24:23

Եւ խօսեցաւ Մովսէս ընդ որդիսն Իսրայելի. եւ հանին զայրն որ անէծն՝ արտաքոյ բանակին, եւ քարկոծ արարին զնա ամենայն ժողովուրդն՝՝ քարամբք. եւ որդիքն Իսրայելի արարին որպէս պատուիրեաց Տէր Մովսիսի։

ՂԵՒՏԱԿԱՆ 3:17

Օրէն յաւիտենական յազգս ձեր, յամենայն բնակութեան ձերում. զամենայն ճարպ եւ զամենայն արիւն մի՛ ուտիցէք։

ԹԻՒՔ 29:7

Եւ ի տասներորդի նորին ամսոյ՝ կոչեցեալ՝՝ սուրբ եղիցի ձեզ. եւ լլկեսջիք զանձինս ձեր. զամենայն գործ սպասաւորութեան մի՛ գործիցէք։

ԱՌ ԵԲՐԱՅԵՑԻՍ ԹՈՒՂԹ 10:14

Քանզի միով պատարագաւ կատարեաց զսրբեալսն ի մշտնջենաւորս։

ԱՌ ԵԲՐԱՅԵՑԻՍ ԹՈՒՂԹ 10:3

այլ անդէն ի նմին ի յիշատակս մեղացն կային ամի ամի.

ԱՌ ԵԲՐԱՅԵՑԻՍ ԹՈՒՂԹ 9:25

Ոչ զի բազում անգամ մատուցանիցէ զանձն պատարագ՝ որպէս քահանայապետն որ մտանէր ի սրբութիւն սրբութեանցն՝՝ ամի ամի արեամբ օտարաւ.

ԱՌ ԵԲՐԱՅԵՑԻՍ ԹՈՒՂԹ 9:7

բայց յերկրորդն մի անգամ ի տարւոջն քահանայապետն. եւ զայն ոչ առանց արեան, զոր մատուցանէր վասն իւր եւ վասն ժողովրդեանն անգիտութեան.