ՂԵՒՏԱԿԱՆ 15:23 - Գրաբար Աստվածաշունչ (1895)

²³ Եւ եթէ տակաւին յանկողնին իւրում իցէ, եւ կամ թէ ի վերայ անօթոյ իրիք յորոյ վերայ նստեալ իցէ, ի մերձենալ ուրուք ի նա՝ պիղծ լիցի մինչեւ ցերեկոյ։

ՂԵՒՏԱԿԱՆ 15:23 Iomraidhean Croise

ՂԵՒՏԱԿԱՆ 11:24

Մի՛ նոքօք պղծիցիք. ամենայն որ մերձենայցէ ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 15:22

Եւ ամենայն որ մերձենայցէ յամենայն անօթ յորոյ վերայ նստիցի նա, ողողեսցէ զհանդերձս իւր, եւ լուասցի ջրով, եւ պիղծ լիցի մինչեւ ցերեկոյ։

ՂԵՒՏԱԿԱՆ 15:24

Եւ եթէ ննջելով ոք ննջեսցէ ընդ նմա, եւ պղծութիւն նորա ի նմա իցէ, պիղծ լիցի զեւթն օր, եւ ամենայն անկողին յորոյ վերայ եւ ննջիցէ՝ պիղծ լիցի մինչեւ ցերեկոյ՝՝։

ԹԻՒՔ 19:22

Եւ յամենայն ինչ յոր մերձենայցէ պղծեալն, անսուրբ լիցի մինչեւ ցերեկոյ՝՝, եւ անձն որ մերձենայցէ ի նա, անսուրբ լիցի մինչեւ ցերեկոյ։