ՂԵՒՏԱԿԱՆ 14:12 - Գրաբար Աստվածաշունչ (1895)

¹² Եւ առցէ քահանայն զմի գառնն, եւ մատուսցէ զնա վասն յանցանաց, եւ զճաշակն իւղոյ, եւ նուիրեսցէ զայն նուէր՝՝ առաջի Տեառն։

ՂԵՒՏԱԿԱՆ 14:12 Iomraidhean Croise

ԵԼՔ 29:22

Եւ առցես ի խոյէ անտի զճարպն եւ զդմակն եւ զճարպ թաղանթոյ քաղրթին, եւ զլերդաբոյթն եւ զերկուս երիկամունսն ճարպովին, եւ զերին աջոյ. զի այն է կատարումն։

ԵԼՔ 29:24

եւ դիցես զայն ամենայն ի վերայ ձեռացն Ահարոնի եւ ի վերայ ձեռաց որդւոց նորա, եւ նուիրեսցես զայն նուէր՝՝ առաջի Տեառն։

ԵԼՔ 29:26

Եւ առցես զերբուծն ի խոյէ անտի կատարման՝ որ է Ահարոնի, եւ նուիրեսցես զայն նուէր՝՝ առաջի Տեառն. եւ եղիցի քեզ ի մասն։

ՄԱՐԳԱՐԷՈՒԹԻՒՆ ԵՍԱՅԵԱՅ 53:10

Եւ Տէր կամի սրբել զնա ի վիրաց անտի։ Եթէ տաջիք զվասն մեղացն, անձինք ձեր տեսցեն զաւակ երկայնակեաց. եւ կամի Տէր ի ձեռն նորա բառնալ ի ցաւոց անձին նորա,

ՂԵՒՏԱԿԱՆ 14:10

Եւ յաւուրն ութերորդի առցէ երկուս գառինս անարատս տարեւորս, եւ որոջ մի անարատ տարեւոր, եւ երիս տասանորդս նաշհոյ ի զոհ իւղով զանգեալ, եւ ճաշակ մի իւղոյ։

ՂԵՒՏԱԿԱՆ 14:11

Եւ կացուսցէ քահանայն որ սրբիցէ՝ զայրն որ սրբիցի, եւ զայն՝ առաջի՝՝ խորանին վկայութեան։

ՂԵՒՏԱԿԱՆ 14:19

Եւ արասցէ քահանայն զվասն մեղացն, եւ քաւեսցէ քահանայն վասն այնորիկ որ սրբելոցն իցէ ի մեղաց իւրոց, եւ ապա սպանցէ քահանայն զողջակէզն։

ՂԵՒՏԱԿԱՆ 5:15

Անձն որ թէ վրիպեսցի եւ մեղիցէ ակամայ ի սրբութեանց անտի Տեառն՝ մատուսցէ վասն յանցանացն իւրոց Տեառն խոյ անարատ յօդեաց՝ գնոց արծաթոյ ի յիսուն սկեղէ՝՝ ըստ սրբութեան սկեղն, վասն որոյ յանցուցեալն իցէ։