ՂԵՒՏԱԿԱՆ 11:41 - Գրաբար Աստվածաշունչ (1895)

⁴¹ Եւ ամենայն սողուն որ սողի ի վերայ երկրի, պիղծ լիցի ձեզ, եւ մի՛ կերիցի։

ՂԵՒՏԱԿԱՆ 11:41 Iomraidhean Croise

ԾՆՈՒՆԴՔ 1:20

Եւ ասաց Աստուած. Հանցեն ջուրք զեռունս շնչոց կենդանեաց, եւ թռչունս թեւաւորս ի վերայ երկրի ըստ հաստատութեան երկնից. եւ եղեւ այնպէս։՝՝

ԾՆՈՒՆԴՔ 7:21

Եւ մեռաւ ամենայն մարմին շարժուն ի վերայ երկրի, թռչնոց եւ անասնոց եւ գազանաց. եւ ամենայն սողուն զեռուն ի վերայ երկրի, եւ ամենայն մարդ։

ՂԵՒՏԱԿԱՆ 11:20

Եւ ամենայն զեռուն թռչուն որ գնայցէ ի չորս՝ պիղծ եղիցի ձեզ։

ՂԵՒՏԱԿԱՆ 11:23

Ամենայն զեռուն թռչուն, որոյ իցեն չորք ոտք, պիղծ իցէ ձեզ։

ՂԵՒՏԱԿԱՆ 11:29

Եւ այս իցէ ձեզ պիղծ յամենայն սողնոց որ սողիցին ի վերայ երկրի. աքիս եւ մուկն եւ տիտեռն յոստին՝՝,

ՂԵՒՏԱԿԱՆ 11:42

Ամենայն որ սողի ի վերայ որովայնի իւրոյ, եւ ամենայն որ գնայցէ ի չորս, մինչեւ ցամենայն բազմոտանիս, յամենայն զեռնոց որ զեռայցեն ի վերայ երկրի, մի՛ ուտիցէք. զի պիղծ է այն ձեզ.