ՂԵՒՏԱԿԱՆ 11:40 - Գրաբար Աստվածաշունչ (1895)

⁴⁰ Եւ որ բառնայցէ ի մեռելոյ նոցա՝ լուասցէ զձորձս իւր, եւ պղծեալ լիցի մինչեւ ցերեկոյ։

ՂԵՒՏԱԿԱՆ 11:40 Iomraidhean Croise

ԵԼՔ 22:31

Եւ մարդք սուրբք լինիջիք ինձ. եւ զմիս գազանաբեկին ի բացի՝ մի՛ ուտիցէք, այլ շան ընկեսջիք։

ՄԱՐԳԱՐԷՈՒԹԻՒՆ ԵՍԱՅԵԱՅ 1:16

Լուացարուք, սրբեցարուք, ընկեցէք զչարիս ձեր յանձանց ձերոց առաջի աչաց իմոց. դադարեցէք ի չարեաց ձերոց.

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:25

Եւ ցանեցից ի վերայ ձեր ջուր սուրբ, եւ սրբեսջիք. յամենայն պղծութեանց ձերոց, եւ յամենայն կռոց ձերոց սրբեցից զձեզ.

ՄԱՐԳԱՐԷՈՒԹԻՒՆ ԵԶԵԿԻԵԼԻ 4:14

Եւ ասեմ. Քաւ լիցի, Տէր Աստուած Իսրայելի, եթէ պղծեալ իցէ երբեք անձն իմ ի պղծութիւնս՝՝, եւ մեռելոտի եւ գազանաբեկ ոչ երբեք կերայ ի ծննդենէ իմմէ մինչեւ ցայժմ, եւ ոչ եմուտ ի բերան իմ ամենայն միս պիղծ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:31

Զամենայն զմեռելոտի եւ զգազանաբեկ ի թռչնոց եւ յանասնոց՝ մի՛ կերիցեն քահանայքն։

ՂԵՒՏԱԿԱՆ 11:25

Եւ ամենայն որ բառնայցէ զմեռեալ նոցա, լուասցէ զձորձս իւր, եւ պիղծ լիցի մինչեւ ցերեկոյ։

ՂԵՒՏԱԿԱՆ 11:28

Եւ որ բառնայցէ ի մեռելոյ նոցա, լուասցէ զձորձս իւր, եւ պիղծ լիցի մինչեւ ցերեկոյ. զի այն ամենայն պիղծ իցէ ձեզ։

ՂԵՒՏԱԿԱՆ 11:39

Եւ եթէ մեռանիցի ինչ յանասնոց որ ձեզ ուտելի են, որ մերձենայցէ ի մեռեալ նոցա՝ պիղծ լիցի մինչեւ ցերեկոյ։

ՂԵՒՏԱԿԱՆ 14:46

Եւ որ մտանիցէ ի տունն զամենայն աւուրս զատանելոյ նորա, պիղծ լիցի մինչեւ ցերեկոյ։

ՂԵՒՏԱԿԱՆ 15:15

Եւ արասցէ քահանայն զմին վասն մեղաց, եւ զմին՝ յողջակէզ, եւ քաւեսցէ վասն նորա քահանայն առաջի Տեառն ի բղխմանէ անտի նորա։

ՂԵՒՏԱԿԱՆ 15:27

Ամենայն որ մերձեսցի ի նա՝ պիղծ լիցի, եւ ողողեսցէ զձորձս իւր, եւ լուասցէ զմարմին իւր ջրով, եւ պիղծ լիցի մինչեւ ցերեկոյ։

ՂԵՒՏԱԿԱՆ 16:26

Եւ որ արձակիցէ զնոխազն ուխտեալ յարձակումն, ողողեսցէ զձորձս իւր, եւ լուասցէ զմարմին իւր ջրով, եւ ապա մտցէ ի բանակն։

ՂԵՒՏԱԿԱՆ 16:28

Եւ որ այրիցէն զնոսա՝ ողողեսցէ զհանդերձս իւր, եւ լուասցէ զմարմին իւր ջրով. եւ ապա մտցէ ի բանակն։

ՂԵՒՏԱԿԱՆ 22:6

անձն որ մերձենայցէ ի նա՝ պիղծ լիցի մինչեւ ցերեկոյ, եւ մի՛ կերիցէ ի սրբութեանց անտի, եթէ ոչ լուանայցէ զմարմին իւր ջրով.

ՂԵՒՏԱԿԱՆ 22:8

Զմեռելոտի եւ զգազանաբեկ մի՛ ուտիցէ՝ պղծել նմա նոքօք. զի ես եմ Տէր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 13:1

Յաւուր յայնմիկ եղիցի ամենայն տեղի՝՝ բացեալ տանն Դաւթի՝ ի փոփոխումն եւ ի սրսկումն՝՝։

ԹԻՒՔ 19:19

Եւ ցանեսցէ սուրբն զպղծովն յաւուրն երրորդի եւ յաւուրն եւթներորդի, եւ սրբեսցի յաւուրն եւթներորդի. եւ ողողեսցէ զհանդերձս իւր, եւ լուասցէ զմարմին իւր ջրով, եւ անսուրբ լիցի մինչեւ ցերեկոյ՝՝։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:21

եւ ոչ կարէք ի սեղանոյ Տեառն վայելել եւ ի սեղանոյ դիւաց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 6:11

Եւ դուք այնպիսիք ոմանք էիք. այլ լուացարուք, այլ սրբեցարուք, այլ արդարացարուք յանուն Տեառն մերոյ Յիսուսի Քրիստոսի եւ ի Հոգին Աստուծոյ մերոյ։

ԵՐԿՐՈՐԴՈՒՄՆ ՕՐԻՆԱՑ 14:21

Եւ զամենայն մեռելոտի մի՛ ուտիցէք, այլ պանդխտին որ է ի քաղաքս քո տացես զնա եւ կերիցէ, կամ վաճառեսցես օտարոտւոյն. զի ժողովուրդ սուրբ ես դու Տեառն Աստուծոյ քո։ Մի՛ եփեսցես զգառն ի կաթն մօր իւրոյ։

ՅՈՎՀԱՆՆՈՒ ԱՌԱՋԻՆ՝՝ 1:7

Իսկ եթէ ընդ լոյս գնայցեմք, որպէս նա ի լոյս է, հաղորդութիւն ունիմք ընդ միմեանս, եւ արիւնն Յիսուսի Որդւոյ նորա սրբէ զմեզ յամենայն մեղաց։