ՂԵՒՏԱԿԱՆ 10:4 - Գրաբար Աստվածաշունչ (1895)

⁴ Եւ կոչեաց Մովսես զՄիսադայի եւ զԵղիսափան, զորդիս Ոզիելի, զորդիս հօրեղբօր Ահարոնի, եւ ասէ ցնոսա. Մատիք եւ բարձէք զեղբարս ձեր, հանդերձ պատմուճանօքն իւրեանց՝՝ յերեսաց սրբութեանցդ արտաքոյ քան զբանակն։

ՂԵՒՏԱԿԱՆ 10:4 Iomraidhean Croise

ՄՆԱՑՈՐԴԱՑ ԱՌԱՋԻՆ 6:2

Որդիք Կահաթու՝ Ամրամ եւ Իսահառ, Քեբրոն եւ Ոզիէլ։

ԵԼՔ 33:7

Եւ առեալ Մովսիսի զխորան իւր՝՝ եհար արտաքոյ բանակին, մեկուսի ի բանակէ անտի, եւ կոչեցաւ այն Խորան վկայութեան՝՝. եւ լինէր ամենայն ոք որ խնդրէր ինչ ի Տեառնէ՝՝, ելանէր ի խորանն վկայութեան արտաքոյ բանակին։

ԵԼՔ 6:18

Եւ որդիք Կահաթու՝ Ամրամ եւ Սահառ եւ Քեբրոն եւ Ոզիէլ։ Եւ ամք կենաց Կահաթու՝ հարեւր երեսուն եւ երեք ամ։

ԵԼՔ 6:22

Եւ որդիք Ոզիելայ՝ Միսայէլ եւ Եղիսափան եւ Սեթրի։

ԹԻՒՔ 3:19

Եւ որդիք Կահաթու ըստ գունդս իւրեանց, Ամրամ եւ Իսահառ եւ Քեբրոն եւ Ոզիէլ։

ԹԻՒՔ 3:30

Եւ իշխան տան նահապետաց գնդին Կահաթու՝ Եղիսափան որդի Ոզիելի։

ԱՒԵՏԱՐԱՆ ԸՍՏ ՂՈՒԿԱՍՈՒ 7:12

Իբրեւ մերձ եղեւ ի դուռն քաղաքին, եւ ահա ելանէր մեռեալ մի որդի միամօր մօր իւրոյ, եւ նա էր այրի. եւ ժողովուրդ բազում քաղաքին էր ընդ նմա։

ԳՈՐԾՔ ԱՌԱՔԵԼՈՑ 5:6

Յոտն կացին երիտասարդքն եւ ամփոփեցին զնա, եւ տարան թաղեցին։

ԳՈՐԾՔ ԱՌԱՔԵԼՈՑ 8:2

Եւ բարձին զՍտեփանոս արք երկիւղածք, եւ արարին կոծ մեծ ի վերայ նորա։