ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:15 - Գրաբար Աստվածաշունչ (1895)

¹⁵ Եւ արար ընդ նոսա խաղաղութիւն Յեսու, եւ ուխտեաց նոցա ուխտ ապրեցուցանել զնոսա. եւ երդուան նոցա իշխանք ժողովրդեանն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:15 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:2

Եւ կոչեաց արքայ Դաւիթ զԳաբաւոնացիսն, եւ ասէ ցնոսա. եւ Գաբաւոնացիքն չեն որդիք Իսրայելի, այլ յարենէ Ամովրհացւոցն՝՝, եւ որդիքն Իսրայելի երդուան նոցա. եւ խնդրեաց Սաւուղ հարկանել զնոսա, նախանձ առեալ վասն որդւոցն Իսրայելի եւ Յուդայ։

ԵԼՔ 23:32

Եւ դու մի՛ դնիցես ընդ նոսա եւ ընդ դիս նոցա ուխտ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:1

Եւ իբրեւ լուաւ Ադոնիբեզեկ թագաւորն Երուսաղեմի, թէ առ Յեսու զԳայի եւ սատակեաց զնա. զոր օրինակ արար ընդ Երիքով եւ ընդ թագաւոր նորա, նոյնպէս արար ընդ Գայի եւ ընդ թագաւոր նորա, եւ զի անձնատուրք եղեն բնակիչք Գաբաւոնի առ Յեսու եւ՝՝ առ Իսրայէլ եւ եղեն ի միջի նոցա,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:4

Եկայք ելէք առ իս եւ օգնեցէք ինձ, եւ տացուք պատերազմ ընդ Գաբաւոնի. զի անձնատուրք եղեն առ Յեսու եւ առ որդիսն Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:19

Եւ ոչ էր քաղաք զոր ոչ մատնեաց Տէր՝՝ որդւոցն Իսրայելի, բաց ի Խեւացւոյն որ բնակեալ էր ի Գաբաւոն. զամենեսին ա՛ռ պատերազմաւ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:16

Եւ եղեւ յետ երից աւուրց զհետ ուխտելոյ նոցա զուխտն՝ լուան եթէ մօտաւորք են, եւ անդէն առ նոսա բնակեն։