ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:8 - Գրաբար Աստվածաշունչ (1895)

⁸ Եւ եղիցի յորժամ առնուցուք զքաղաքն, այրեսջիք զնա հրով. ըստ այսմ օրինակի՝՝ առնիջիք, ահա պատուիրեցի ձեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:28

Եւ պատուէր ետ Աբիսողոմ մանկտւոյ իւրում եւ ասէ. Տեսէք, յորժամ զուարթասցի սիրտն Ամոնայ ի գինւոյ, եւ ասացից ձեզ. Հարէք զԱմոն եւ սպանէք զնա, մի՛ երկնչիք. զի ո՞չ ապաքէն ես իցեմ որ հրամայիցեմ ձեզ. քաջալերեցարուք եւ լերուք յորդիս զօրութեան։

ԵՐԿՐՈՐԴՈՒՄՆ ՕՐԻՆԱՑ 20:16

Բայց ի քաղաքաց ազգացն այնոցիկ զոր Տէր Աստուած քո տացէ քեզ զերկիր նոցա ի ժառանգութիւն, մի՛ ապրեցուցանիցէք ի նոցանէ զամենայն շնչաւոր.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:16

Եւ պատասխանի տուեալ ասեն ցՅեսու. Զամենայն զոր միանգամ պատուիրես մեզ՝ արասցուք, եւ յամենայն տեղիս ուր առաքիցես զմեզ՝ երթիցուք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:9

Ահա պատուիրեմ քեզ. զօրացիր եւ քաջ լեր. մի՛ զանգիտիցես եւ մի՛ երկնչիցիս, զի ընդ քեզ է Տէր Աստուած քո յամենայն տեղիս ուր եւ երթայցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:24

Եւ քաղաքն այրեցաւ հրով եւ ամենայն ինչ որ ի նմա էր, բաց յոսկւոյ եւ յարծաթոյ եւ ի պղնձոյ եւ յերկաթոյ զոր ետուն ի գանձ Տեառն մուծանել։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:13

Եւ արկ զժողովուրդն եւ՝՝ զամենայն բանակն ի հիւսիսոյ քաղաքին, եւ վերջ նոցա ի ծովակողմն քաղաքին. եւ անց Յեսու զգիշերն զայն ընդ մէջ ձորոյն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:2

եւ արասցես ընդ Գայի եւ ընդ թագաւորն նորա, զոր օրինակ արարեր ընդ Երիքով եւ ընդ թագաւորն նորա, եւ զաւար նորա եւ զանասուն նորա ածցես յաւարի։ Եւ կացուսցես քեզ դարանամուտս քաղաքին զկնի նորա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:22

Եւ նոքա ելին ի քաղաքէ անտի ընդ առաջ նոցա. եւ եղեն ի մէջ բանակին. նոքա անտի՝ եւ սոքա աստի. եւ հարին զնոսա մինչեւ չմնալոյ ի նոցանէ ապրեալ եւ փախստական։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:28

Եւ այրեաց Յեսու զքաղաքն հրով եւ արար զնա բլուր հողոյ՝ անշէն յաւիտեան մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:7

դուք յարիջիք ի դարանէ անտի եւ մտջիք ի քաղաքն եւ հարջիք՝՝ զքաղաքն. եւ տացէ զնոսա Տէր Աստուած Իսրայելի ի ձեռս մեր՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:9

Եւ առաքեաց զնոսա Յեսու, եւ գնացին ի դարանն, եւ մտին ղօղեցան ի մէջ Բեթելայ եւ ի մէջ Դանայ ի ծովակողմանէն Գայեայ. եւ ագաւ Յեսու զայն գիշեր ի մէջ ժողովրդեանն։

ԴԱՏԱՒՈՐՔ 4:6

Եւ առաքեաց Դեբովրա եւ կոչեաց զԲարակ զորդի Աբինէեմայ ի Կադեսայ Նեփթաղիմի, եւ ասէ ցնա. Ո՞չ ապաքէն հրաման ետ քեզ Տէր Աստուած Իսրայելի, եւ երթիցես՝՝ ի լեառն Թաբովր, եւ առցես ընդ քեզ տասն հազար արանց յորդւոցն Նեփթաղիմայ եւ յորդւոցն Զաբուղոնի.