ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:4 - Գրաբար Աստվածաշունչ (1895)

⁴ եւ պատուիրեաց նոցա եւ ասէ. Տեսէք, զի դուք դարանամուտք լինիցիք յետուստ քաղաքին. եւ մի՛ կարի հեռի լինիջիք ի քաղաքէն, եւ կացջիք պատրաստք ամենեքին.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:4 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:12

Եւ յարեաւ արքայ գիշերայն, եւ ասէ ցծառայս իւր. Պատմեցից ձեզ զոր ինչ արարին մեզ Ասորիքն. գիտացին թէ մեք սովիմք, ելին ի բանակէն եւ թաքեան ի բացի, ասեն. Թերեւս ելցեն ի քաղաքէն, եւ ըմբռնեսցուք զնոսա կենդանւոյն, եւ մտցուք ի քաղաքն եւ ելցուք՝՝։

ՄՆԱՑՈՐԴԱՑ ԵՐԿՐՈՐԴ 13:13

Եւ Յերոբովամ դարձոյց զդարանակալսն գալ նմա զկնի կողմանէ՝՝, եւ եղեն առաջի Յուդայ, եւ դարանակալքն յետուստ։

ԺՈՂՈՎՕՂ 7:19

Բարի է եթէ ի կողմն այսոսիկ լինիցիս. սակայն եւ յայսմիկ մի՛ պղծեր՝՝ զձեռն քո. զի որ երկնչի յԱստուծոյ՝ անցցէ ընդ ամենայն։

ԺՈՂՈՎՕՂ 9:16

Եւ ասացի ես. Բարի է իմաստութիւն քան զզօրութիւն. եւ իմաստութիւն տնանկին արհամարհեալ է, եւ բանք նորա ոչ լինին լսելի։

ԳՈՐԾՔ ԱՌԱՔԵԼՈՑ 23:21

արդ դու մի՛ անսայցես նոցա, քանզի դարան գործեալ է նմա ի նոցանէ արանց աւելի քան զքառասուն, որ նզովեցին զանձինս ոչ ուտել եւ ոչ ըմպել՝ մինչեւ սպանցեն զնա. արդ պատրաստ են եւ սպասեն քում հրամանի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:16

Եւ ստիպեաց ամենայն ժողովուրդ երկրին՝՝ երթալ զհետ նոցա. եւ պնդեցան երթալ զկնի որդւոցն Իսրայելի. եւ նոքա՝՝ մեկնեցան ի քաղաքէ անտի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:3

Եւ յարեաւ Յեսու եւ ամենայն ժողովուրդն պատերազմող ելանել ի Գայի. եւ ընտրեաց Յեսու երեսուն հազար արանց զօրաւորս զօրութեամբ, եւ առաքեաց զնոսա զցայգ.

ԴԱՏԱՒՈՐՔ 20:29

Եւ եդին որդիքն Իսրայելի դարանակալս շուրջ զԳաբաաւ։

ԴԱՏԱՒՈՐՔ 20:33

Եւ ամենայն այր Իսրայելի յարեան յիւրաքանչիւր ի տեղւոջէ իւրմէ, եւ ճակատեցան ի Բաաղթամար. եւ դարանակալքն Իսրայելի կռուէին ի տեղւոջէ իւրեանց յարեւմտից՝՝ Գաբաայ։

ԴԱՏԱՒՈՐՔ 20:36

Իբրեւ տեսին որդիքն Բենիամինի եթէ ի պարտութիւն մատնեալ են. տեղի ետուն այր Իսրայելեան Բենիամինի. զի յուսացեալ էին ի դարանամուտսն որ էին զԳաբաաւ։

ԴԱՏԱՒՈՐՔ 9:25

Եւ գործեցին նմա դարան արք Սիկիմացւոց ի վերայ գլխոց լերանց, եւ յափշտակէին զամենեսին որ անցանէին առ նոքօք ընդ ճանապարհն. եւ ազդ եղեւ Աբիմելեքայ։

ԴԱՏԱՒՈՐՔ 9:32

Արդ արի զցայգ դու եւ զօրդ քո որ ընդ քեզ է, եւ դարանամուտ լեր յանդաստանին.

ԹԱԳԱՒՈՐՈՒԹԵԱՆՑ ԱՌԱՋԻՆ 15:2

Այսպէս ասէ Տէր զօրութեանց. Արդ խնդրեցից զվրէժ, զոր արար Ամաղէկ ընդ Իսրայելի. զիա՛րդ պատահեաց նմա ի ճանապարհի ելանելոյ նորա յԵգիպտոսէ։

ԹԱԳԱՒՈՐՈՒԹԵԱՆՑ ԱՌԱՋԻՆ 15:5

Եւ եկն Սաւուղ մինչեւ ցքաղաքն Ամաղեկայ, եւ դարանամուտ եղեւ ի հեղեղատին։