ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:1 - Գրաբար Աստվածաշունչ (1895)

¹ Եւ ասէ Տէր ցՅեսու. Մի՛ երկնչիր եւ մի՛ զանգիտիցես. ա՛ռ դու ընդ քեզ զամենայն արս պատերազմողս, եւ յարուցեալ ելցես ի Գայի. ահա ես տամ ի ձեռս քո զթագաւորն Գայեայ եւ զժողովուրդ նորա, եւ զքաղաք նորա եւ զերկիր նորա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:1 Iomraidhean Croise

ԳԻՐՔ ՍԱՂՄՈՍԱՑ 27:1

Առ քեզ, Տէր, կարդացի. Աստուած իմ, մի՛ լռեր յինէն. մի՛ երբեք լռեսցես յինէն, զի մի՛ նմանիցիմ այնոցիկ ոյք իջանեն ի գուբ։

ԳԻՐՔ ՍԱՂՄՈՍԱՑ 44:3

Գեղեցիկ տեսանելով քան զամենայն որդիս մարդկան. սփռեցան շնորհք ի շրթանց քոց, վասն այսորիկ օրհնեաց զքեզ Աստուած յաւիտեան։

ՄԱՐԳԱՐԷՈՒԹԻՒՆ ԵՍԱՅԵԱՅ 12:2

Ահաւասիկ Աստուած իմ, փրկիչ իմ Տէր, եւ՝՝ յուսացեալ եղէց ի նա՝ եւ ոչ երկեայց. զի փառք իմ եւ օրհնութիւն իմ Տէր, եւ եղեւ ինձ ի փրկութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 43:2

Եւ եթէ անցանիցես ընդ ջուրս՝ ընդ քեզ եմ, եւ գետք զքեզ մի՛ ողողեսցեն. եւ եթէ անցանիցես ընդ հուր՝ մի՛ այրեսցիս, եւ բոց նորա զքեզ մի՛ կիզցէ։

ՄԱՐԳԱՐԷՈՒԹԻՒՆ ԵՐԵՄԵԱՅ 46:27

Բայց դու մի՛ երկնչիցիս, ծառայ իմ Յակոբ, եւ մի՛ զարհուրիցիս, Իսրայէլ. զի ահաւասիկ ես զերծուցանեմ զքեզ ի հեռաստանէ, եւ զզաւակ քո ի գերութենէ նոցա. եւ դարձցի Յակոբ եւ դադարեսցէ եւ ննջեսցէ, եւ ոչ ոք իցէ որ լլկիցէ զնա։

ՄԱՐԳԱՐԷՈՒԹԻՒՆ ԵՐԵՄԵԱՅ 49:3

Գուժեա, Եսեբոն, զի կորեաւ Գեհ. բողոք բարձէք, դստերք Ռաբայ, քրձազգածք եղերուք եւ մոլեցարուք՝՝, սուգ առէք եւ յայսկոյս յայնկոյս ընթացարուք զցանկովք. զի Մեղքոմ ի գերութիւն երթիցէ, քուրմք նորա եւ իշխանք ի միասին։

Մատթեոսի Աւետարան 8:26

Եւ ասէ ցնոսա. Ընդէ՞ր վատասիրտք էք, սակաւահաւատք։ Յայնժամ յարուցեալ սաստեաց հողմոցն եւ ծովուն, եւ եղեւ խաղաղութիւն մեծ։

ԵՐԿՐՈՐԴՈՒՄՆ ՕՐԻՆԱՑ 1:21

Տեսէք զի Տէր Աստուած մեր մատնեաց առաջի երեսաց ձերոց զերկիրն. ելէք, ժառանգեցէք՝՝ որպէս ասաց Տէր Աստուած հարցն մերոց ձեզ՝՝. մի՛ երկնչիցիք եւ մի՛ զանգիտիցէք՝՝։

ԵՐԿՐՈՐԴՈՒՄՆ ՕՐԻՆԱՑ 31:8

Եւ Տէր որ երթալոց է ընդ քեզ, ոչ թողցէ զքեզ եւ ոչ ընդ վայր հարցէ. մի՛ երկնչիր եւ մի՛ զանգիտեր։

ԵՐԿՐՈՐԴՈՒՄՆ ՕՐԻՆԱՑ 7:18

մի՛ երկնչիցիս ի նոցանէ, յիշելով յիշեսցես զոր ինչ արար Տէր Աստուած քո ընդ փարաւոն եւ ընդ ծառայս նորա եւ՝՝ ընդ ամենայն Եգիպտացիսն,

ԵՐԿՐՈՐԴՈՒՄՆ ՕՐԻՆԱՑ 7:21

Մի՛ զանգիտիցես յերեսաց նոցա. զի Տէր Աստուած քո ի միջի քում է, մեծ եւ հզօր՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:9

Ահա պատուիրեմ քեզ. զօրացիր եւ քաջ լեր. մի՛ զանգիտիցես եւ մի՛ երկնչիցիս, զի ընդ քեզ է Տէր Աստուած քո յամենայն տեղիս ուր եւ երթայցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:7

Եւ ել Յեսու ի Գաղգաղայ, ինքն եւ ամենայն զօրն պատերազմօղ ընդ նմա, եւ ամենայն որ կարող էր զօրութեամբ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:8

Եւ ասէ Տէր ցՅեսու. Մի՛ երկնչիցես ի նոցանէ, զի ի ձեռս քո մատնեցից զնոսա. եւ ոչ ժուժկալեսցէ ի նոցանէ եւ ոչ մի ոք առաջի ձեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:24

եւ ասեն ցՅեսու թէ մատնեաց Տէր Աստուած ի ձեռս մեր զամենայն երկիրն, եւ զարհուրեցան ամենայն բնակիչք երկրին ի մէնջ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:2

Եւ ասէ Տէր ցՅեսու. Ահա ես տամ ի ձեռս քո զԵրիքով եւ զթագաւորն որ ի նմա, եւ զզօրաւորս զօրութեամբ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:9

եւ լուեալ Քանանացւոցն եւ ամենայն բնակչաց երկրին՝ պատեսցեն զմեզ եւ սատակեսցեն յերկրէ. եւ զի՞նչ արասցես զանուն քո մեծ։