ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:19 - Գրաբար Աստվածաշունչ (1895)

¹⁹ Եւ ել ժողովուրդն ի Յորդանանէ ի տասներորդում աւուր ամսոյն առաջնոյ. եւ բանակեցան որդիքն Իսրայելի՝՝ ի Գաղգաղա, յարեւելից կողմանէ Երիքովի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:19 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 2:1

Եւ եղեւ ի վերացուցանել Տեառն զԵղիայ շարժմամբ յերկինս, եւ գնացին Եղիա եւ Եղիսէ ի Գաղգաղայ։

ՄԱՐԳԱՐԷՈՒԹԻՒՆ ԱՄՈՎՍԱՅ 4:4

Մտէք ի Բեթէլ եւ ամպարշտեցայք, եւ ի Գաղգաղա յաճախեցէք ամպարշտել. եւ մատուցէք զզոհս ձեր ընդ առաւօտս, եւ յերիր աւուր զտասանորդս ձեր։

ՄԱՐԳԱՐԷՈՒԹԻՒՆ ԱՄՈՎՍԱՅ 5:5

եւ մի՛ խնդրէք զԲեթէլ, եւ ի Գաղգաղա մի՛ մտանէք, եւ ի Ջրհորն երդման մի՛ ելանէք. զի Գաղգաղա գերելով գերեսցի, եւ Բեթէլ եղիցի իբրեւ զչեղեալ։

ՄԱՐԳԱՐԷՈՒԹԻՒՆ ՄԻՔԻԱՅ 6:5

Ժողովուրդ իմ, յիշեա զինչ խորհեցաւ վասն քո Բաղակ թագաւոր Մովաբացւոց, եւ զի՛նչ ետ նմա պատասխանի Բաղաամ որդի Բէովրայ, ի վիճակացն մինչեւ ցԳաղգաղ. զի ծանիցի արդարութիւն՝՝ Տեառն։

ԵՐԿՐՈՐԴՈՒՄՆ ՕՐԻՆԱՑ 1:3

Եւ եղեւ ի քառասներորդում ամի, յամսեանն մետասաներորդում, որ օր մի էր ամսոյն, խօսեցաւ Մովսէս ընդ ամենայն որդիսն Իսրայելի, ըստ ամենայնի որպէս պատուիրեաց նմա Տէր առ նոսա,

ԵՐԿՐՈՐԴՈՒՄՆ ՕՐԻՆԱՑ 11:30

ո՞չ ապաքէն յայնկոյս Յորդանանու է այն, յետոյ ճանապարհին արեւմտից յերկրին Քանանացւոց, որոյ նիստն ընդ արեւմուտս է մերձ ի Գաղգաղ՝ առ կաղնեաւն բարձու՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:43

Եւ դարձաւ Յեսու եւ ամենայն Իսրայէլ ընդ նմա ի բանակն ի Գաղգաղա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:6

Եւ առաքեցին բնակիչք Գաբաւոնի առ Յեսու ի բանակն Իսրայելի ի Գաղգաղա՝ եւ ասեն. Մի՛ թողացուսցես զձեռն քո ի ծառայից քոց, ել առ մեզ վաղվաղակի եւ ապրեցո զմեզ, եւ օգնեա մեզ. զի ժողովեալ են ի վերայ մեր ամենայն թագաւորք Ամովրհացւոց որ բնակեալ են ի լեռնակողմանն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:7

եւ ելանեն սահմանքն առ չորրորդ մասամբ՝՝ ի ձորոյն Աքովրայ, եւ ընդ հարաւակողմն, եւ իջանեն ի Գաղգաղ, որ է հանդէպ մատուցին Եղոմիմայ, եւ՝՝ ընդ հարաւակողմն. եւ հասանէ սահմանն ի ջուր Արեգ աղբեր, եւ եղիցին նոցա ելք աղբերն Ռովգեղայ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:11

Եւ անցէք ընդ Յորդանան, եւ եկիք յԵրիքով. եւ պատերազմեցան ընդ ձեզ բնակիչք Երիքովի, Ամուրհացին եւ Քանանացին եւ Փերեզացին եւ Խեւացին եւ Յեբուսացին եւ Քետացին եւ Գերգեսացին, եւ մատնեաց զնոսա ի ձեռս ձեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:18

Եւ եղեւ իբրեւ ելին քահանայքն որ բարձեալ ունէին զտապանակ ուխտին Տեառն ի միջոյ Յորդանանու, եւ եդին զոտսն քահանայքն ի ցամաքի, դիմեաց ջուրն Յորդանանու ի տեղի իւր, եւ գնայր որպէս յերէկն եւ յեռանդ ընդ ամենայն յատակս նորա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:10

եւ անդ բանակեցան որդիքն Իսրայելի. եւ արարին որդիքն Իսրայելի՝՝ զզատիկն ի չորեքտասաներորդում աւուր ամսոյն յերեկորեայ, յարեւելից Երիքովի ի դաշտի անդ՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:9

Եւ ասէ Տէր ցՅեսու. Յաւուր յայսմիկ բարձի զնախատինս Եգիպտացւոց ի ձէնջ։ Եւ կոչեաց զանուն տեղւոյն այնորիկ Գաղգաղա մինչեւ ցայսօր.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:6

եւ եկին առ Յեսու ի բանակն Իսրայելի ի Գաղգաղա, եւ ասեն ցՅեսու եւ ցամենայն Իսրայէլ. Յերկրէ հեռաստանէ եկեալ եմք, եւ արդ՝ դիք ընդ մեզ ուխտ։

ԹԱԳԱՒՈՐՈՒԹԵԱՆՑ ԱՌԱՋԻՆ 10:8

Եւ իջցես յառաջ քան զիս ի Գաղգաղա. եւ ահա ես իջից առ քեզ մատուցանել ողջակէզս եւ զոհս խաղաղականս. զեւթն օր դադարեսցես մինչեւ եկից առ քեզ, եւ իմացուցից քեզ զոր ինչ առնիցես։

ԹԱԳԱՒՈՐՈՒԹԵԱՆՑ ԱՌԱՋԻՆ 15:33

Եւ ասէ Սամուէլ ցԱգագ. Զոր օրինակ որդեկոտոր արար սուր քո զկանայս, նոյնպէս որդեկոտոր լիցի ի կանանց մայր քո։ Եւ սպան Սամուէլ զԱգագ առաջի Տեառն ի Գաղգաղա։