ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:12 - Գրաբար Աստվածաշունչ (1895)

¹² Անցին եւ որդիքն Ռուբենի եւ որդիքն Գադայ եւ կէս ցեղին Մանասէի կազմեալք առաջի որդւոցն Իսրայելի, որպէս պատուիրեաց նոցա Մովսէս.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:12 Iomraidhean Croise

ԵԼՔ 13:18

Եւ պատեաց ած Աստուած զժողովուրդն ընդ ճանապարհ անապատին՝ առ Կարմիր ծովուն. եւ ի հինգերորդ ազգի՝՝ ելին որդիքն Իսրայելի յերկրէն Եգիպտացւոց։

ԹԻՒՔ 1:24

Եւ որդւոցն Գադայ՝ ըստ ազգս իւրեանց, ըստ գունդս իւրեանց, ըստ տանց նահապետաց իւրեանց, ըստ թուոյ անուանց նոցա, ըստ գլխոց իւրեանց, ամենայն արու՝՝ ի քսանամենից եւ ի վեր, ամենայն որ ելանէր ի զօրու՝

ԹԻՒՔ 32:17

եւ մեք վառեսցուք առաջի Տեառն՝՝ առաջապահք երթիցուք որդւոցն Իսրայելի, մինչեւ հանցուք զնոսա յիւրաքանչիւր տեղի. եւ բնակեսցէ աղխն մեր ի քաղաքս պարսպաւորս վասն բնակչաց երկրիս.

ԵՐԿՐՈՐԴՈՒՄՆ ՕՐԻՆԱՑ 3:18

Եւ պատուիրեցի ձեզ ի ժամանակին յայնմիկ եւ ասեմ. Տէր Աստուած մեր ետ ձեզ զերկիրս զայս ի վիճակ. վառեցարուք անցէք առաջի եղբարց ձերոց, որդւոցն Իսրայելի, ամենայն զօրաւոր.

ԵՐԿՐՈՐԴՈՒՄՆ ՕՐԻՆԱՑ 33:21

եւ ետես զիշխանութիւն իւր. զի անդ բաժանեցաւ երկիր իշխանաց ժողովրդովք հանդերձ ազգապետօք ազգաց ցեղիւքն Իսրայելի՝՝, զարդարութիւն Տեառն արար եւ զդատաստան իւր ընդ Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:14

Կանայք ձեր եւ մանկունք ձեր եւ անասունք ձեր բնակեսցեն յերկրիս զոր ետ ձեզ Մովսէս յայսկոյս Յորդանանու. բայց դուք զինեալք անցանիցէք յառաջագոյն քան զեղբարս ձեր, ամենայն զօրաւոր զօրութեամբ, եւ լինիցիք նոցա մարտակիցք,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:11

Եւ եղեւ իբրեւ վախճանեաց ամենայն ժողովուրդն անցանել, անց եւ տապանակ ուխտին Տեառն, եւ երկոտասան քարինքն առաջի նոցա՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:13

չորք բեւրք վառեալք ի կռիւ, անցին առաջի Տեառն ի պատերազմ ընդ Երիքով քաղաքի՝՝։