ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:17 - Գրաբար Աստվածաշունչ (1895)

¹⁷ Եւ կացին քահանայքն որ կրէին զտապանակ ուխտին Տեառն ի վերայ ցամաքի ի մէջ Յորդանանու պատրաստութեամբ. եւ ամենայն որդիքն Իսրայելի անցին ընդ ցամաք, մինչեւ վախճանեաց ամենայն ժողովուրդն անցանել ընդ Յորդանան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:17 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 2:8

Եւ ա՛ռ Եղիա զմաշկեակն իւր, ծալեաց եւ եհար զջուրն, եւ բաժանեցաւ ջուրն յայսկոյս եւ յայնկոյս, եւ անցին երկոքեան ընդ ցամաք։

ԳԻՐՔ ՍԱՂՄՈՍԱՑ 66:6

Խոստովան եղիցին առ քեզ ժողովուրդք, Աստուած, գոհասցին զքէն ժողովուրդք ամենայն։

ԵԼՔ 14:21

Եւ ձգեաց Մովսէս զձեռն իւր ի վերայ ծովուն, եւ դարձոյց անդրէն զծովն բռնութեամբ հողմոյ հարաւոյ զամենայն գիշերն, եւ արար զծովն ցամաք, եւ պատառեցաւ ջուրն։

ԵԼՔ 14:22

Եւ մտին որդիքն Իսրայելի ի մէջ ծովուն ընդ ցամաք. եւ եղեւ ջուրն պարիսպ ընդ աջմէ նոցա, եւ ընդ ահեկէ իւրեանց։

ԵԼՔ 14:29

Եւ որդիքն Իսրայելի գնացին ընդ ցամաք ի մէջ ծովուն, եւ ջուրն պարիսպ էր ընդ աջմէ նոցա եւ ընդ ահեկէ իւրեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 25:8

Զօրացաւ մահ եւ եկուլ. եւ դարձեալ եհատ Աստուած՝՝ զամենայն արտօսր յամենայն երեսաց, եւ զնախատինս ժողովրդեանն եբարձ յամենայն երկրէ. զի բերան Տեառն խօսեցաւ. զտապն հովանեաւ ամպոյ, եւ զբազուկս հզօրաց խոնարհեցուսցէ՝՝։

ԹԻՒՔ 33:51

Խօսեաց ընդ որդիսդ Իսրայելի եւ ասասցես ցդոսա. Դուք ահաւադիկ անցանէք ընդ Յորդանան յերկիրն Քանանացւոց.

ԱՌ ԵԲՐԱՅԵՑԻՍ ԹՈՒՂԹ 11:29

Հաւատովք անցին ընդ ծովն Կարմիր իբրեւ ընդ ցամաք երկիր. զորոյ զփորձ առեալ Եգիպտացւոցն՝ ընկղմեցան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:1

Եւ իբրեւ վախճանեաց ամենայն ժողովուրդն անցանել ընդ Յորդանան, խօսեցաւ Տէր ընդ Յեսուայ եւ ասէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:10

Եւ կացին անդ քահանայքն որ բարձեալ ունէին զտապանակ ուխտին Տեառն ի մէջ Յորդանանու՝ մինչեւ վախճանեաց Յեսու զամենայն զոր պատուիրեաց Տէր Յեսուայ պատմել ժողովրդեանն ըստ ամենայնի զոր պատուիրեաց Մովսէս Յեսուայ. եւ փութացաւ ժողովուրդն եւ անց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:11

Եւ եղեւ իբրեւ վախճանեաց ամենայն ժողովուրդն անցանել, անց եւ տապանակ ուխտին Տեառն, եւ երկոտասան քարինքն առաջի նոցա՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:22

պատմեսջիք որդւոց ձերոց թէ՝ Ցամաքաւ անց Իսրայէլ ընդ Յորդանան,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:3

հրաման տուր նոցա եւ ասասցես. Առէք դուք ձեզ այտի ի միջոյ Յորդանանու յոտնատեղեաց քահանայիցդ պատրաստական քարինս երկոտասան, եւ տարջիք ընդ ձեզ. եւ դիջիք ի մէջ բանակին ձերոյ ուր բանակիցիք զայս գիշեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:1

Եւ եղեւ իբրեւ լուան ամենայն թագաւորք Ամովրհացւոց, որ էին յայնկոյս Յորդանանու առ ծովեզերբն, եւ թագաւորքն Փիւնիկեցւոց՝՝ որ առ ծովեզերբն, եթէ ցամաքեցոյց Տէր Աստուած զՅորդանան գետ առաջի որդւոցն Իսրայելի յանցանելն նոցա, հաշեցան սիրտք նոցա եւ զարհուրեցան՝՝, եւ ոչ գոյր ի նոսա իմաստութիւն եւ ոչ մի՝՝ յերեսաց որդւոցն Իսրայելի։