ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:31 - Գրաբար Աստվածաշունչ (1895)

³¹ եւ թաղեցին զնա առ սահմանօք ժառանգութեան իւրոյ ի Թամնաթսարա ի լերինն Եփրեմայ ի հիւսիսոյ լերինն Գայասու։ Եւ անդ եդին ընդ նմա՝ ուր թաղեցին զնա՝ առ ի յիշատակէ զսուրսն քարեղէնս, որով թլփատեաց զորդիսն Իսրայելի ի Գաղգաղա, յորժամ եհան զնոսա յերկրէն Եգիպտացւոց՝ որպէս հրամայեաց Տէր. եւ անդ են մինչեւ ցայսօր ժամանակի։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:31 Iomraidhean Croise

ԾՆՈՒՆԴՔ 14:10

Եւ ի ձորն աղտից ջրհորք, ջրհորք նաւթի. եւ փախեաւ արքայ Սոդոմացւոց եւ արքայ Գոմորացւոց, եւ անկան անդր. եւ մնացեալքն փախեան ի լեռնակողմնն։

ՄՆԱՑՈՐԴԱՑ ԵՐԿՐՈՐԴ 24:2

Եւ արար Յովաս ուղղութիւն առաջի Տեառն զամենայն աւուրս Յովիդայեայ քահանայի։

ՄՆԱՑՈՐԴԱՑ ԵՐԿՐՈՐԴ 34:33

Եւ ի բաց եբարձ Յովսիաս զամենայն գարշելիս յամենայն երկրէ, որ էր որդւոցն Իսրայելի. եւ արար ամենայն գտելոցն յԵրուսաղէմ եւ՝՝ յԻսրայելի ծառայել Տեառն Աստուծոյ իւրեանց. զամենայն աւուրս իւր ոչ խոտորեցաւ ի հետոց Տեառն Աստուծոյ հարցն իւրոց։

ԳՈՐԾՔ ԱՌԱՔԵԼՈՑ 20:29

Քանզի գիտեմ ես եթէ յետ իմոյ մեկնելոյ գայցեն գայլք յափշտակողք ի ձեզ, որ ոչ խնայեսցեն հօտին։

ԵՐԿՐՈՐԴՈՒՄՆ ՕՐԻՆԱՑ 11:2

Եւ ծանիջիք այսօր, եթէ ոչ վասն որդւոց քոց որք ոչ գիտեն եւ ոչ տեսին զխրատ Տեառն Աստուծոյ քո եւ զմեծամեծս նորա, զձեռն հզօր եւ զբազուկ բարձր,

ԵՐԿՐՈՐԴՈՒՄՆ ՕՐԻՆԱՑ 11:7

Զի ձեր իսկ աչք տեսին զամենայն զգործս Տեառն զմեծամեծս զոր արար ի ձեզ մինչեւ ցայսօր՝՝։

ԵՐԿՐՈՐԴՈՒՄՆ ՕՐԻՆԱՑ 31:13

եւ որդիք նոցա որ ոչ գիտիցեն՝ լուիցեն եւ ուսցին երկնչել ի Տեառնէ Աստուծոյ մերմէ զամենայն աւուրս որչափ եւ կեցցեն նոքա՝՝ ի վերայ երկրին յոր դուք անցանելոց էք ընդ Յորդանան ժառանգել զնա։

ԵՐԿՐՈՐԴՈՒՄՆ ՕՐԻՆԱՑ 31:29

քանզի գիտեմ եթէ յետ վախճանի իմոյ անօրինելով անօրինիցէք, եւ խոտորիցիք ի ճանապարհէն զոր պատուիրեցի ձեզ, եւ պատահիցեն ձեզ չարիքն ի վախճանի աւուրց. քանզի առնիցէք չար առաջի Տեառն՝ բարկացուցանել զնա գործովք ձեռաց ձերոց։

ԱՌ ՓԻԼԻՊԵՑԻՍ ԹՈՒՂԹ 2:12

Այսուհետեւ, սիրելիք իմ, որպէս յամենայնի հնազանդեցարուք, մի՛ միայն ի գալստեան իմում, այլ առաւել եւս այժմ յորժամ հեռիս եմ ի ձէնջ, ահիւ եւ դողութեամբ զանձանց փրկութիւն գործեցէք։

ԴԱՏԱՒՈՐՔ 2:10

Եւ ամենայն ազգն այն յաւելան առ հարս իւրեանց. յարեաւ այլ ազգ յետ նոցա որ ոչ ճանաչէին զՏէր եւ ոչ զգործսն զոր արար ի մէջ Իսրայելի։

ԴԱՏԱՒՈՐՔ 2:6

Եւ արձակեաց Յեսու զժողովուրդսն. եւ գնացին որդիքն Իսրայելի յիւրաքանչիւր տուն իւր եւ՝՝ յիւրաքանչիւր ժառանգութիւն իւր՝ ժառանգել զերկիրն։

ԴԱՏԱՒՈՐՔ 2:7

Եւ ծառայեաց ժողովուրդն Տեառն զամենայն աւուրս Յեսուայ եւ զամենայն աւուրս ծերոցն, որ միանգամ երկայնակեացք եղեն ընդ Յեսուայ, որ գիտակ լեալ էին ամենայն մեծամեծ գործոցն Տեառն զոր արար յԻսրայէլ։