ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:2 - Գրաբար Աստվածաշունչ (1895)

² Եւ խօսեցաւ Յեսու ընդ ամենայն ժողովրդեանն եւ ասէ. Այսպէս ասէ Տէր Աստուած Իսրայելի. Յայնկոյս Գետոյն պանդխտեցան հարքն ձեր յառաջագոյն, Թարա՝ հայր Աբրահամու եւ հայր Նաքովրայ, եւ պաշտեցին զաստուածս օտարս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:2 Iomraidhean Croise

ԾՆՈՒՆԴՔ 11:22

Եւ եկեաց Սերուգ ամս հարեւր եւ՝՝ երեսուն, եւ ծնաւ զՆաքովր։

ԾՆՈՒՆԴՔ 11:24

Եւ եկեաց Նաքովր ամս եւթանասուն եւ ինն, եւ ծնաւ զԹարա։

ԾՆՈՒՆԴՔ 11:26

Եւ եկեաց Թարա ամս եւթանասուն, եւ ծնաւ զԱբրամ եւ զՆաքովր եւ զԱռան։

ԾՆՈՒՆԴՔ 11:27

Այս են ծնունդք Թարայի. Թարա ծնաւ զԱբրամ եւ զՆաքովր եւ զԱռան. եւ Առան ծնաւ զՂովտ։

ԾՆՈՒՆԴՔ 31:19

Եւ Լաբան երթեալ էր ի կտուրս խաշանց իւրոց. եւ գողացաւ Ռաքէլ զկուռս հօր իւրոյ։

ԾՆՈՒՆԴՔ 31:30

Եւ արդ գնացեալ երթաս, զի ցանկանալով ցանկացեալ ես երթալ ի տուն հօր քո. եւ ընդէ՞ր գողացար զաստուածսն իմ։

ԾՆՈՒՆԴՔ 31:32

Եւ ասէ Յակոբ.՝՝ Առ որում գտցես զաստուածսն քո, մի՛ կեցցէ առաջի՝՝ եղբարցս մերոց. եւ արդ ծանիր ինչ ի քոց ընչից առ իս, եւ առցես։ Եւ ոչ ծանեաւ առ նմա եւ ոչ ինչ. եւ ոչ՝՝ գիտէր Յակոբ թէ Ռաքելայ կնոջ իւրոյ՝՝ գողացեալ էր զնոսա։

ԾՆՈՒՆԴՔ 31:53

Աստուած Աբրահամու եւ Աստուած Նաքովրայ եղիցի դատաւոր ի միջի մերում, Աստուած հարցն նոցա։ Եւ երդուաւ Յակոբ յԵրկեւղ հօր իւրոյ Իսահակայ։

ԾՆՈՒՆԴՔ 35:4

Եւ ետուն ցՅակոբ զաստուածսն օտարոտիս որ էին ի ձեռս նոցա, եւ զգինդս որ յականջս իւրեանց. եւ ծածկեաց զնոսա Յակոբ ի ներքոյ բեւեկնոյն ի Սիկիմ, եւ կորոյս զնոսա մինչեւ ցայսօր ժամանակի։

ՄՆԱՑՈՐԴԱՑ ԱՌԱՋԻՆ 1:27

Աբրամ, նա ինքն է Աբրահամ։

ՄԱՐԳԱՐԷՈՒԹԻՒՆ ԵՍԱՅԵԱՅ 51:2

Նայեցարուք յԱբրահամ հայրն ձեր, եւ ի Սառա որ երկնեացն զձեզ. զի մի էր՝ եւ կոչեցի զնա, եւ օրհնեցի զնա, եւ բազմացուցի զնա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:3

եւ ասասցես. Այսպէս ասէ Ադոնայի Տէր ցԵրուսաղէմ. Արմատ քո եւ ծնունդ քո յերկրէն Քանանացւոց, եւ հայր քո Ամովրհացի եւ մայր քո Քետացի։

ԱՒԵՏԱՐԱՆ ԸՍՏ ՂՈՒԿԱՍՈՒ 3:34

որ Յակովբայն, որ Իսահակայն, որ Աբրահամուն, որ Թարային, որ Նաքովրայն,

ԵՐԿՐՈՐԴՈՒՄՆ ՕՐԻՆԱՑ 26:5

եւ պատասխանի տուեալ ասասցես առաջի Տեառն Աստուծոյ քո. ԶԱսորիս եթող՝՝ հայր իմ եւ էջ յԵգիպտոս, եւ պանդխտեցաւ անդ սակաւ ինչ թուով, եւ եղեւ անդ յազգ մեծ, եւ բազմացաւ անդ յոյժ յոյժ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:15

Ապա թէ ոչ իցէ ձեզ հաճոյ պաշտել զՏէր, ընտրեցէք այսօր թէ զո՛ պաշտիցէք. զաստուածս հա՞րցն ձերոց որ յայնկոյս Գետոյն էին, թէ զաստուածս Ամովրհացւոցն յորոց դուք բնակեալ էք յերկրի նոցա. այլ ես եւ տուն իմ պաշտեմ զՏէր, զի սուրբ է։՝՝