ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:17 - Գրաբար Աստվածաշունչ (1895)

¹⁷ զի Տէր Աստուած մեր նա եհան զմեզ եւ զհարս մեր յերկրէն Եգիպտացւոց ի տանէ ծառայութեան, եւ արար մեզ զնշանս մեծամեծս զայնոսիկ, եւ պահեաց զմեզ յամենայն ճանապարհին յորում գնացաք, եւ յամենայն ազգս ընդ որ անցաք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:17 Iomraidhean Croise

ՄՆԱՑՈՐԴԱՑ ԵՐԿՐՈՐԴ 13:10

Եւ մեք զՏէր Աստուած մեր ոչ թողաք, եւ քահանայքն նորա պաշտեն զՏէր, որդիք Ահարոնի եւ Ղեւտացիք, եւ հանապազորդեալքն ի նոցանէ՝՝

ԵԼՔ 13:14

Եւ եթէ հարցանիցէ զքեզ որդին քո յետ այսորիկ եւ ասիցէ թէ Զի՞նչ է այդ. ասասցես ցնա. Զի հզօր ձեռամբ եհան զմեզ Տէր յերկրէն Եգիպտացւոց ի տանէ ծառայութեան։

ԵԼՔ 13:3

Եւ ասէ Մովսէս ցժողովուրդն. Յիշեսջիք զօրս զայս յորում ելէք յԵգիպտոսէ ի տանէ ծառայութեան, զի հզօր ձեռամբ եհան զձեզ Տէր աստի. եւ ոչ ուտիցէք խմորուն։

ԵԼՔ 19:4

Դուք ձեզէն տեսէք որչափ ինչ արարի ընդ Եգիպտացիսն, եւ առի զձեզ իբրեւ ի վերայ թեւոց արծուոյ եւ յարեցի զձեզ առ իս։

ՄԱՐԳԱՐԷՈՒԹԻՒՆ ԵՍԱՅԵԱՅ 46:4

թէ ես եմ, եւ մինչեւ կարի իսկ ծերասջիք՝ սակայն ես եմ. ես համբերեմ ձեզ. ես արարի, եւ ես անսացից. ես ընկալայց եւ ապրեցուցից զձեզ։

ԵՐԿՐՈՐԴՈՒՄՆ ՕՐԻՆԱՑ 29:2

Եւ կոչեաց Մովսէս զամենայն որդիսն Իսրայելի եւ ասէ ցնոսա. Դուք ձեզէն տեսէք զամենայն ինչ զոր արար Տէր յԵգիպտոս առաջի ձեր, ընդ փարաւոն եւ ընդ ծառայս նորա, եւ ընդ ամենայն երկիր նորա.

ԵՐԿՐՈՐԴՈՒՄՆ ՕՐԻՆԱՑ 32:9

եղեւ բաժին Տեառն ժողովուրդ իւր, Յակոբ վիճակ ժառանգութեան իւրոյ Իսրայէլ։

ԵՐԿՐՈՐԴՈՒՄՆ ՕՐԻՆԱՑ 7:19

զփորձանս մեծամեծս զոր տեսին աչք քո, զնշանս եւ զարուեստս մեծամեծս, զձեռնն հզօր եւ զբազուկն բարձր. որպէս եհան զքեզ Տէր Աստուած քո անտի, նոյնպէս արասցէ Տէր Աստուած մեր ընդ ամենայն ազգսն յորոց դու երկնչիցիս յերեսաց նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:16

Պատասխանի ետուն ժողովուրդն՝ եւ ասեն. Քաւ լիցի մեզ թողուլ զՏէր Աստուած մեր՝՝ եւ պաշտել զաստուածս օտարս.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:18

Եւ մերժեաց Տէր զԱմովրհացին եւ զամենայն ազգս բնակեալս յերկրին յերեսաց մերոց. այլ եւ մեք պաշտեսցուք զՏէր, զի նա է Աստուած մեր։