ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:5 - Գրաբար Աստվածաշունչ (1895)

⁵ Արդ Տէր Աստուած մեր նա սատակեսցէ զնոսա յերեսաց ձերոց մինչեւ կորիցեն. եւ արձակեսցէ ի վերայ նոցա զգազանս վայրենիս՝ մինչեւ սատակեսցէ զնոսա եւ զթագաւորս նոցա յերեսաց ձերոց.՝՝ եւ ժառանգեսջիք զերկիր նոցա որպէս խօսեցաւ Տէր Աստուած մեր ընդ մեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:5 Iomraidhean Croise

ԵԼՔ 23:20

Եւ ահա ես առաքեմ զհրեշտակ իմ առաջի երեսաց քոց, զի պահեսցէ զքեզ ի ճանապարհի. որպէս զի տարցի զքեզ յերկիրն՝ զոր պատրաստեցի քեզ։

ԵԼՔ 33:2

Եւ առաքեցից առաջի երեսաց քոց զհրեշտակ իմ, եւ մերժեսցէ՝՝ զՔանանացին եւ զԱմովրհացին եւ զՔետացին եւ զՓերեզացին եւ զԳերգեսացին եւ՝՝ զԽեւացին եւ զՅեբուսացին։

ԵԼՔ 34:11

Զգոյշ լեր դու ամենայնի զոր միանգամ ես պատուիրեմ քեզ այսօր. ահաւասիկ ես մերժեմ յերեսաց ձերոց զԱմովրհացին եւ զՔանանացին եւ զՔետացին եւ զՓերեզացին եւ զԽեւացին եւ զԳերգեսացին՝՝ եւ զՅեբուսացին։

ԵՐԿՐՈՐԴՈՒՄՆ ՕՐԻՆԱՑ 11:23

մերժեսցէ Տէր զամենայն ազգսն զայնոսիկ յերեսաց ձերոց, եւ ժառանգեսջիք զազգս մեծամեծս եւ հզօրագոյնս քան զձեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:6

ամենայն որ բնակեալ իցէ զլեռնակողմնն, ի Լիբանանէ մինչեւ ի Մասերեփովթմայիմ, զամենայն Սիդոնացիս, ես սատակեցից զնոսա յերեսաց որդւոցն Իսրայելի. բայց դու բաշխեա զնոսա ի ժառանգութիւն Իսրայելի, որպէս պատուիրեցի քեզ։

ԴԱՏԱՒՈՐՔ 2:21

եւ ես ոչ յաւելից բառնալ զայր յերեսաց նոցա, յազգացն զոր եթող Յեսու որդի Նաւեայ.