ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:3 - Գրաբար Աստվածաշունչ (1895)

³ եւ դուք ձեզէն տեսէք զամենայն զոր արար Տէր Աստուած մեր ընդ ամենայն ազգսն՝ զոր եբարձ՝՝ յերեսաց ձերոց. զի Տէր Աստուած ինքնին տայր պատերազմ ընդ ձեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:3 Iomraidhean Croise

ԵԼՔ 14:14

Տէր տայ պատերազմ ընդ ձեր, եւ դուք լռեցէք։

ԵԼՔ 19:4

Դուք ձեզէն տեսէք որչափ ինչ արարի ընդ Եգիպտացիսն, եւ առի զձեզ իբրեւ ի վերայ թեւոց արծուոյ եւ յարեցի զձեզ առ իս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:28

Եւ տարայ զնոսա յերկիրն յոր ամբարձի զձեռն իմ տալ նոցա զնա. եւ տեսին անդ զամենայն բլուր բարձր եւ զամենայն ծառ վարսաւոր, եւ զոհեցին անդ դիցն իւրեանց, եւ կարգեցին անդ զոհս պատարագաց իւրեանց՝՝, եւ արկին զխունկս անուշութեան իւրեանց, եւ նուիրեցին անդ զնուէրս իւրեանց։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:5

Եւ աչք ձեր տեսցեն, եւ դուք իսկ ասասջիք եթէ՝ Բարձրացաւ Տէր ի վերայ սահմանաց՝՝ Իսրայելի։

ԵՐԿՐՈՐԴՈՒՄՆ ՕՐԻՆԱՑ 1:30

Տէր Աստուած մեր որ երթայ առաջի երեսաց ձերոց, նա տայ պատերազմ ընդ նոսա փոխանակ ձեր, ըստ ամենայնի զոր արար ձեզ յերկրին Եգիպտացւոց առաջի աչաց ձերոց։

ԵՐԿՐՈՐԴՈՒՄՆ ՕՐԻՆԱՑ 20:4

զի Տէր Աստուած մեր երթայ առաջի ձեր ընդ ձեզ՝ տալ պատերազմ վասն ձեր ընդ թշնամիս ձեր, ապրեցուցանել զձեզ։

ԵՐԿՐՈՐԴՈՒՄՆ ՕՐԻՆԱՑ 4:9

Հայեաց ի քեզ եւ զգոյշ լեր անձին քում յոյժ. մի՛ մոռանայցես զամենայն բանս զայսոսիկ զոր տեսին աչք քո, եւ մի՛ մերժեսցին ի սրտէ քումմէ զամենայն աւուրս կենաց քոց. եւ խելամուտ արասցես որդւոց քոց եւ որդւոց որդւոց քոց։

ԵՐԿՐՈՐԴՈՒՄՆ ՕՐԻՆԱՑ 7:17

Ապա թէ ասիցես ի մտի քում, զի Բազում է ազգն այն քան զիս, զիա՞րդ կարացից սատակել զնոսա.

ԵՐԿՐՈՐԴՈՒՄՆ ՕՐԻՆԱՑ 7:24

Եւ մատնեսցէ զթագաւորս նոցա ի ձեռս ձեր, եւ կորուսջիք զանուն նոցա ի տեղւոջէն յայնմանէ՝՝. եւ մի՛ ոք կացցէ ընդդէմ քո մինչեւ սատակեսցես զնոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:14

Եւ ոչ եղեւ այսպիսի օր ոչ յառաջ եւ ոչ յետոյ, լսել Աստուծոյ ձայնի մարդոյ. զի Տէր պատերազմեցաւ խառն ընդ՝՝ Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:42

Եւ զամենայն թագաւորսն նոցա, եւ զերկիր նոցա ա՛ռ Յեսու միանգամայն. զի Տէր Աստուած Իսրայելի համագունդ կռուէր ընդ՝՝ Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:10

Մի այր ի ձէնջ հալածեաց զհազարս, զի Տէր Աստուած ձեր ինքնին տայր պատերազմ ընդ ձեր, որպէս խօսեցաւ ընդ ձեզ։