ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:3 - Գրաբար Աստվածաշունչ (1895)

³ Եւ առաքեաց թագաւորն Երիքովայ եւ ասէ ցՌախաբ. Հան այսր զարսդ մտեալսդ առ քեզ որ եկին ի տուն քո զցայգ, զի լրտեսել զամենայն երկիրս եկին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:3 Iomraidhean Croise

ԾՆՈՒՆԴՔ 38:24

Եւ եղեւ յետ երից ամսոց ազդ եղեւ Յուդայի եւ ասեն. Պոռնկեցաւ նու քո Թամար, եւ ահա յղի է ի պոռնկութենէ։ Եւ ասէ Յուդա. Հանէք զնա արտաքս, եւ այրեսցի։

ԾՆՈՒՆԴՔ 42:31

Եւ ասեմք ցնա. Արք խաղաղութեան եմք, եւ չեմք լրտեսք։

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:3

Եւ ասեն իշխանք որդւոցն Ամոնայ ցԱնոն տէրն իւրեանց. Միթէ փառաւորե՞լ ինչ զհայր քո առաջի քո առաքեաց առ քեզ Դաւիթ մխիթարիչս. ոչ, այլ զի որոնեսցեն զքաղաքս եւ դիտեսցեն զսա, եւ լրտեսել զսա առաքեաց Դաւիթ զծառայս իւր առ քեզ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:20

Եւ եկին ծառայքն Աբիսողոմայ առ կինն ի տուն անդր, եւ ասեն. Ո՞ւր են Աքիմաաս եւ Յովնաթան։ Եւ ասէ ցնոսա կինն. Անցին յայնկոյս ջրոյդ։ Եւ նոքա խնդրեցին զնոսա եւ ոչ գտին, եւ դարձան յԵրուսաղէմ։

ՄՆԱՑՈՐԴԱՑ ԱՌԱՋԻՆ 19:3

Եւ ասեն իշխանքն Ամոնայ ցԱնան. Միթէ փառաւորե՞լ Դաւիթ զհայր քո առաջի քո առաքեաց քեզ զմխիթարիչսդ. ո՞չ ապաքէն զի քննեսցեն զքաղաքս,՝՝ եւ դիտել զերկիրս եկին ծառայքն նորա առ քեզ։

ԳԻՐՔ ՅՈԲԱՅ 21:30

Զի յօր կորստեան ստիպի չար, յօր բարկութեան իւրոյ վարեսցի։

ՂԵՒՏԱԿԱՆ 24:14

Հանէք զայն որ անէծն՝ արտաքոյ բանակին, եւ դիցեն որք լուան զձեռս իւրեանց ի վերայ գլխոյ նորա, եւ քարկոծեսցեն զնա ամենայն ժողովուրդն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:4

Ել դարձեալ Պիղատոս արտաքս եւ ասէ ցնոսա. Ահա ածեմ զնա արտաքս առ ձեզ, զի գիտասջիք թէ ես վնաս ինչ ի նմա ոչ գտանեմ։

ԳՈՐԾՔ ԱՌԱՔԵԼՈՑ 12:4

Զոր իբրեւ կալաւ, եդ ի բանտի, եւ մատնեաց չորից չորրորդաց զինուորաց պահել զնա. եւ կամէր յետ զատկին ածել զնա ժողովրդեանն։

ԳՈՐԾՔ ԱՌԱՔԵԼՈՑ 12:6

Իբրեւ կամեցաւ զնա ածել Հերովդէս, ի գիշերին յայնմիկ էր Պետրոս ի քուն ի մէջ երկուց զինուորաց՝ կապեալ կրկին շղթայիւք, եւ պահապանքն առաջի դրանն պահէին զբանտն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:23

Եւ արարին այնպէս, եւ հանին առ նա զհնգեսին թագաւորսն յայրէ անտի, զթագաւորն Երուսաղեմի եւ զթագաւորն Քեբրոնի եւ զթագաւորն Յերիմութայ եւ զթագաւորն Լաքիսայ եւ զթագաւորն Եգղոնայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:2

Ազդ եղեւ թագաւորին Երիքովայ եւ ասեն. Ահա արք մտեալ են այսր զցայգս յորդւոցն Իսրայելի լրտեսել զերկիրս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:4

Եւ առեալ կնոջն զերկոսին արսն թաքոյց զնոսա, եւ խօսեցաւ ընդ նոսա՝՝ եւ ասէ. Մտին առ իս արք, եւ ես ոչ գիտէի ուստի իցեն.

ԴԱՏԱՒՈՐՔ 4:20

Եւ ասէ ցնա Սիսարա. Կաց դու առ դրան խորանիդ, եւ եղիցի եթէ եկեսցէ ոք առ քեզ եւ հարցցէ եւ ասասցէ ոք ցքեզ, եթէ՝ Է՞ ոք այդր այր, ասասցես թէ՝ Ոչ է։