ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:9 - Գրաբար Աստվածաշունչ (1895)

⁹ եւ քաղաքքն զատուցեալք որդւոցն Եփրեմի ի մէջ ժառանգութեան որդւոցն Մանասէի, ամենայն քաղաքք եւ աւանք նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:9 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:9

եւ թագաւորեցոյց զնա ի վերայ Գաղաադաստանի եւ ի վերայ Թասիրայ եւ ի վերայ Յեզրայելի եւ ի վերայ Եփրեմի եւ ի վերայ Բենիամինի, եւ ի վերայ ամենայն Իսրայելի։

ՄՆԱՑՈՐԴԱՑ ԱՌԱՋԻՆ 7:28

Եւ կալուածք նոցա եւ բնակութիւն իւրեանց ի Բեթէլ, եւ գեղք նորին յարեւելս. Գազեր՝՝ եւ գեղք նորին, եւ Սիւքեմ եւ գեղք նորին մինչեւ ի Գազա եւ ի գեղսն նորա,

ՄԱՐԳԱՐԷՈՒԹԻՒՆ ԵԶԵԿԻԵԼԻ 48:5

Եւ ի սահմանացն Մանասէի յարեւելից կուսէ մինչեւ ցծովակողմ՝ Եփրեմի բաժին մի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:10

Եւ ոչ կորոյս Եփրեմ զՔանանացին բնակեալ ի Գազեր, եւ բնակէր Քանանացին ի մէջ Եփրեմայ մինչեւ ցայսօր. մինչեւ ել փարաւոն արքայ Եգիպտացւոց եւ առ զքաղաքն, եւ այրեաց զնա հրով, եւ զՔանանացին եւ զՓերեզացին զբնակեալն ի Գազեր խոտեաց, եւ ետ զնա փարաւոն պաշտատական դստեր իւրում.՝՝ եւ եղեն ծառայք հարկատուրք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:8

եւ ի Թափուեայ անցցեն սահմանքն ի ծովակողմն՝ ի հեղեղատն Կանայ, եւ եղիցին ելք նորա ի ծովակողմն։ Այս է ժառանգութիւն ցեղի որդւոցն Եփրեմի ըստ տոհմից իւրեանց.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:9

Եւ իջանեն սահմանքն ի ձորն Կանայի ընդ հարաւակողմն հանդէպ ձորոյն Յայիրայ, եւ բեւեկնին Եփրեմայ ի մէջ քաղաքին Մանասէի՝՝. եւ սահմանք Մանասէի ընդ հիւսիսի ցհեղեղատն, եւ եղիցին նորա ելք ծովն։