ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:10 - Գրաբար Աստվածաշունչ (1895)

¹⁰ Եւ ոչ կորոյս Եփրեմ զՔանանացին բնակեալ ի Գազեր, եւ բնակէր Քանանացին ի մէջ Եփրեմայ մինչեւ ցայսօր. մինչեւ ել փարաւոն արքայ Եգիպտացւոց եւ առ զքաղաքն, եւ այրեաց զնա հրով, եւ զՔանանացին եւ զՓերեզացին զբնակեալն ի Գազեր խոտեաց, եւ ետ զնա փարաւոն պաշտատական դստեր իւրում.՝՝ եւ եղեն ծառայք հարկատուրք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:10 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 9:15

Եւ այս են հանդերձանք աւարին՝՝, զոր եհան արքայ Սողոմոն շինել զտունն Տեառն եւ զտունն արքայի, եւ զՄեղոն եւ զբարձաւանդակսն, խնուլ զխրամս քաղաքին Դաւթի, եւ զԱսուր եւ զՄայդան եւ զպարիսպն Երուսաղեմի, եւ զԵսեր եւ զՄակեդդով եւ զԳազեր,

ԹԱԳԱՒՈՐՈՒԹԵԱՆՑ ԵՐՐՈՐԴ 9:16

փարաւոնի արքայի Եգիպտացւոց. քանզի ել՝՝ եւ առ զԳազեր, եւ այրեաց զնա հրով, եւ զՔանանացին որ նստէր ի քաղաքին՝ սպան, եւ ետ զնա պաշտատական դստեր իւրում կնոջ Սողոմոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 9:21

որդիք նոցա մնացեալք յետ նոցա յերկրին, զորս ոչ կարացին որդիքն Իսրայելի սատակել. եւ արկ զնոսա Սողոմոն ընդ հարկօք ծառայութեան մինչեւ ցայսօր։

ՄՆԱՑՈՐԴԱՑ ԵՐԿՐՈՐԴ 8:8

այլ էին յորդւոց այնոցիկ որք մնացեալ էին ընդ նոսա՝՝ յերկրին զորս ոչ սատակեցին որդիքն Իսրայելի, եւ ած զնոսա Սողոմոն ի հարկատուս մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:33

Յայնժամ ել Ելամ արքայ Գազերայ օգնել Լաքիսայ, եւ եհար զնա Յեսու սրով սուսերի եւ զզօրս նորա մինչեւ չմնալ ի նոցանէ ապրեալ եւ փախստական։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:63

Եւ Յեբուսացին բնակեալ էր յԵրուսաղէմ, եւ ոչ կարացին որդիքն Յուդայ մարտնչել ընդ նոսա՝՝. եւ բնակեցան Յեբուսացիքն ընդ որդիսն Յուդայ յԵրուսաղէմ մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:9

եւ քաղաքքն զատուցեալք որդւոցն Եփրեմի ի մէջ ժառանգութեան որդւոցն Մանասէի, ամենայն քաղաքք եւ աւանք նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:12

Եւ ոչ կարացին որդիքն Մանասէի սատակել զքաղաքսն զայնոսիկ. եւ սկսաւ Քանանացին բնակել յերկրին յայնմիկ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:13

Եւ եղեւ իբրեւ յաղթահարեցին որդիքն Իսրայելի, արարին զՔանանացին հնազանդս, բայց սատակելով ոչ սատակեցին՝՝ զնոսա։

ԴԱՏԱՒՈՐՔ 1:29

Եւ Եփրեմ ոչ եբարձ զՔանանացին զբնակեալն ի Գազեր. եւ բնակեաց Քանանացին ի մէջ նորա ի Գազեր, եւ եղեւ նմա հարկատու։՝՝