ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:4 - Գրաբար Աստվածաշունչ (1895)

⁴ Զի էին որդիքն Յովսեփու երկու ցեղք, Մանասէ եւ Եփրեմ. եւ ոչ տուաւ բաժին յերկրին Ղեւտացւոցն, այլ՝ քաղաքք բնակելոյ, եւ զատուցեալս ըստ նոցին՝ խաշանց նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:4 Iomraidhean Croise

ԾՆՈՒՆԴՔ 41:51

Եւ կոչեաց Յովսէփ զանուն անդրանկանն Մանասէ. զի ասէ՝ թէ Մոռացոյց ինձ Աստուած զամենայն վիշտս իմ, եւ զամենայն վիշտս հօր իմոյ։

ԾՆՈՒՆԴՔ 41:52

Եւ զանուն երկրորդին կոչեաց Եփրեմ, զի ասէ՝ թէ Աճեցոյց զիս Աստուած յերկրի տառապանաց իմոց։

ԾՆՈՒՆԴՔ 46:20

Եւ եղեն որդիք Յովսեփայ յերկրին Եգիպտացւոց, զորս ծնաւ նմա Ասանէթ դուստր Պետափրեայ քրմի Արեգ քաղաքի, զՄանասէ եւ զԵփրեմ։ Եւ եղեն որդիք Մանասէի զոր ծնաւ նմա հարճն Ասորի, զՄաքիր. եւ Մաքիր ծնաւ զԳաղաադ։ Եւ որդիք Եփրեմի եղբօրն Մանասէի՝ Սուտաղաամ եւ Տաամ. եւ որդի Սուտաղաամայ Եդեմ։՝՝

ԾՆՈՒՆԴՔ 48:1

Եւ եղեւ յետ բանիցս այսոցիկ ազդ եղեւ Յովսեփայ եթէ Յակոբ հայր քո նեղեալ է. եւ առեալ Յովսեփայ՝՝ զերկուս որդիսն իւր ընդ իւր, զՄանասէ եւ զԵփրեմ, եկն առ Յակոբ։՝՝

ԾՆՈՒՆԴՔ 48:5

Արդ երկու որդիք քո որ եղեն յԵգիպտոս մինչչեւ եկեալ էր իմ յԵգիպտոս՝ իմ են, Եփրեմ եւ Մանասէ իբրեւ զՌուբէնն եւ զՇմաւոն եղիցին ինձ։

ԾՆՈՒՆԴՔ 48:6

Եւ այլ ծնունդք զոր ծնանիցիս յետ այսորիկ՝ քեզ եղիցին. յանուն եղբարց իւրեանց կոչեսցին ի նոցա ժառանգութիւնս։

ՄՆԱՑՈՐԴԱՑ ԵՐԿՐՈՐԴ 30:1

Եւ առաքեաց Եզեկիա յամենայն Իսրայէլ եւ Յուդայ, եւ գրեաց թուղթ յԵփրեմ եւ ի Մանասէ, գալ ի տունն Տեառն յԵրուսաղէմ, եւ առնել զպասեքն Տեառն Աստուծոյ Իսրայելի։

ԹԻՒՔ 26:28

Եւ որդիք Յովսեփայ ըստ գնդից իւրեանց՝ Մանասէ եւ Եփրեմ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:4

Եւ ժառանգեցին որդիքն Յովսեփայ՝ Եփրեմ եւ Մանասէ։