ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:2 - Գրաբար Աստվածաշունչ (1895)

² Եւ վիճակօք ժառանգեցուցին, զոր օրինակ պատուիրեաց Տէր ի ձեռն Յեսուայ, իննեցունց ցեղիցն եւ կիսոյ ցեղին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:2 Iomraidhean Croise

ԱՌԱԿՔ ՍՈՂՈՄՈՆԻ 16:33

Անդրէն ի ծոց իւրեանց դառնայ ամենայն ինչ անիրաւաց, այլ ի Տեառնէ ամենեցուն իրաւունք են։՝՝

ԱՌԱԿՔ ՍՈՂՈՄՈՆԻ 18:18

Զհակառակութիւնս ցածուցանէ լուռ լուռն՝՝, եւ ի մէջ բռնաւորաց ընտրէ զիրս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:1

Եւ ի վիճակել ձեզ զերկիրն ի ժառանգութիւն՝ զատուսջիք պտուղ Տեառն սուրբ յերկրէն քսան եւ հինգ հազար յերկայնութիւն եւ տասն հազար ի լայնութիւն՝ նուիրեալ եղիցի յամենայն սահմանս նորա շուրջանակի։

ԹԻՒՔ 26:52

Եւ խօսեցաւ Տէր ընդ Մովսիսի եւ ասէ.

ԹԻՒՔ 33:54

Ըստ ցեղից ձերոց, ըստ բազմաց՝ բազմացուցանիջիք զկալուածս իւրեանց, եւ ըստ սակաւուց՝ սակաւացուսջիք զկալուածս իւրեանց. որպէս ելանիցէ յանուն ուրուք՝ անդ լինիցի. ըստ ցեղից նահապետութեան ձերոյ ժառանգեսջիք։

ԹԻՒՔ 34:13

Եւ պատուիրեաց Մովսէս որդւոցն Իսրայելի եւ ասէ. Այս է երկիրն զոր ժառանգիցէք զսա վիճակաւ, որպէս հրաման ետ Տէր տալ զնա ինն ցեղիցն եւ կիսոյ ցեղին Մանասէի.

ԹԻՒՔ 34:17

Այս անուանք են արանցն՝ որ ժառանգեցուցանիցեն ձեզ զերկիրն. Եղիազար քահանայ եւ Յեսու Նաւեան.

Մատթեոսի Աւետարան 25:34

Յայնժամ ասասցէ Թագաւորն ցայնոսիկ որ ընդ աջմէն իցեն. Եկայք, օրհնեալք Հօր իմոյ, ժառանգեցէք զպատրաստեալ ձեզ արքայութիւնն ի սկզբանէ աշխարհի։

ԳՈՐԾՔ ԱՌԱՔԵԼՈՑ 1:26

Եւ ետուն վիճակս նոցա, եւ ելանէր վիճակն Մատաթեայ, եւ համարեցաւ ընդ մետասան առաքեալսն։ ՎՋ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:7

Եւ արդ բաժանեա զերկիրս զայս ի ժառանգութիւն ինն ցեղիցն եւ կիսոյ ցեղին Մանասէի, ի Յորդանանէ մինչեւ ցծովն մեծ ընդ կողմն արեւմտից՝ տացես զնա. եւ ծովն մեծ սահմանեսցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:10

Եւ արկ նոցա Յեսու վիճակ ի Սելով առաջի Տեառն, եւ բաժանեաց անդ զերկիրն որդւոցն Իսրայելի՝ ըստ բաժանմանց իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:6

Եւ դուք բաժանեցէք զերկիրն եւթն բաժին, եւ բերէք առ իս այսր, եւ հանից ձեզ վիճակ աստ առաջի Տեառն Աստուծոյ մերոյ։