ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:15 - Գրաբար Աստվածաշունչ (1895)

¹⁵ Եւ անուն Քեբրոնի էր յառաջ քաղաք Արբոկ. նա էր մայր քաղաքաց Ենակիմացն՝՝։ Եւ երկիրն դադարեաց ի պատերազմէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:15 Iomraidhean Croise

ԾՆՈՒՆԴՔ 23:2

Եւ մեռաւ Սառա ի քաղաքի Արբոկայ ի ձորն, այն ինքն է Քեբրոն յերկրին Քանանացւոց. եւ եկն Աբրահամ կոծել զՍառա եւ սուգ առնուլ։

ԾՆՈՒՆԴՔ 35:27

Եւ եկն Յակոբ առ Իսահակ հայր իւր ի Մամբրէ՝ ի քաղաք դաշտին՝՝, այն եւ Քեբրոն, յերկրին Քանանացւոց,՝՝ ուր պանդխտեցան Աբրահամ եւ Իսահակ։

ԾՆՈՒՆԴՔ 37:14

Ասէ ցնա Իսրայէլ. Երթ տես եթէ ո՞ղջ իցեն եղբարքն քո եւ խաշինք, եւ բեր ինձ զրոյց։ Եւ առաքեաց զնա ի ծործորոյն Քեբրոնի. եկն ի Սիւքեմ։

ՄՆԱՑՈՐԴԱՑ ԱՌԱՋԻՆ 6:4

Եւ Եղիազար ծնաւ զՓենեէս, Փենեէս ծնաւ զԱբեսսու,

ԳԻՐՔ ՆԷԵՄԵԱՅ 11:25

Եւ յորդւոցն Յուդայ որք նստան ի Կարիաթարբա, եւ Յեսու եւ Բերսաբէէ. եւ բնակութիւն նոցա Ղաքիս.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:23

Եւ ա՛ռ Յեսու զամենայն երկիրն որպէս պատուիրեաց Տէր Մովսիսի, եւ ետ Յեսու ժառանգութիւն Իսրայելի վիճակաւ ըստ ցեղից նոցա. եւ դադարեաց երկիրն պատերազմել։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:14

Վասն այնորիկ եղեւ Քեբրոն Քաղեբայ որդւոյ Յեփոնեայ Կենեզացւոյ ի ժառանգութիւն. վասն երթալոյ նորա զհետ հրամանի Տեառն Աստուծոյ Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:13

Եւ Քաղեբայ որդւոյ Յեփոնեայ ետ բաժին ի մէջ որդւոցն Յուդայ հրամանաւ Աստուծոյ. եւ ետ նմա Յեսու զքաղաքն Արբոկ, զմայր քաղաքացն՝՝ Ենակայ, այն է Քեբրոն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:11

Եւ ետուն նոցա զԿարիաթարբոկ զմայր քաղաքացն՝՝ Ենակայ, այն է՝ Քեբրոն ի լերինն Յուդայ, եւ զանդաստանս շուրջ զնովաւ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 21:12

եւ զագարակս նորա եւ զաւանս նորա զոր ետ Յեսու՝՝ Քաղեբայ որդւոյ Յեփոնեայ ի կալուած։

ԴԱՏԱՒՈՐՔ 1:20

Եւ ետուն Քաղեբայ զՔեբրոն որպէս եւ խօսեցաւ Մովսէս. եւ ժառանգեաց անտի զերիս քաղաքս որդւոցն Ենակայ,՝՝ եւ եբարձ անտի զերեսին որդիսն Ենակայ։

ԴԱՏԱՒՈՐՔ 3:11

Եւ դադարեաց երկիրն ամս քառասուն. եւ մեռաւ Գոդոնիէլ որդի Կենեզի։

ԴԱՏԱՒՈՐՔ 3:30

Եւ վանեցաւ Մովաբ յաւուր յայնմիկ ընդ ձեռամբ Իսրայելի, եւ դադարեաց երկիրն ամս ութսուն. եւ դատեաց զնոսա Աւովդ մինչեւ մեռաւ։՝՝

ԴԱՏԱՒՈՐՔ 5:31

Այսպէս կորիցեն ամենայն թշնամիք քո, Տէր, եւ որք սիրիցենն զնա՝ իբրեւ զելս արեգական ի զօրութեան նորա։

ԴԱՏԱՒՈՐՔ 8:28

Եւ վանեցաւ Մադիամ առաջի որդւոցն Իսրայելի եւ ոչ եւս յաւելին ամբառնալ զգլուխս իւրեանց. եւ դադարեաց երկիրն ամս քառասուն յաւուրս Գեդէոնի։

ԹԱԳԱՒՈՐՈՒԹԵԱՆՑ ԱՌԱՋԻՆ 30:31

եւ որք ի Քեբրոն, եւ որք յամենայն տեղիս ընդ որ շրջեցաւ Դաւիթ ինքն եւ արք իւր։