ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:8 - Գրաբար Աստվածաշունչ (1895)

⁸ Եւ երկու ցեղիցն եւ կիսոյ ցեղին Մանասէի՝ որ են ընդ Ռուբենի եւ ընդ Գադայ որ՝՝ առին զժառանգութիւն իւրեանց զոր ետ Մովսէս յայնկոյս Յորդանանու յարեւելից. բաժանեաց նոցա Մովսէս ծառայ Տեառն,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:8 Iomraidhean Croise

ԹԻՒՔ 32:19

Եւ ոչ եւս ժառանգեսցուք ի մէջ նոցա յանցիցն Յորդանանու եւ անդր. զի ունիմք զվիճակս մեր յայսկոյս Յորդանանու յարեւելից։

ԵՐԿՐՈՐԴՈՒՄՆ ՕՐԻՆԱՑ 3:8

Եւ առաք ի ժամանակին յայնմիկ զերկիրն ի ձեռաց երկուց թագաւորացն Ամովրհացւոց, որ էին յայնկոյս Յորդանանու, յԱռնովնայ մինչեւ ցՀերմոն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:1

Եւ այս են թագաւորք զորս կոտորեաց Մովսէս եւ՝՝ որդիքն Իսրայելի, եւ ժառանգեցին զերկիրն նոցա յայնկոյս Յորդանանու յարեւմտից կողմանէ, ի ձորոյն Առնովնայ մինչեւ ցլեառնն Հերմոն, եւ զամենայն զԱրաբա յարեւելից կողմանէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:6

Մովսէս ծառայ Տեառն եւ որդիքն Իսրայելի հարին զնոսա, եւ ետ զայն Մովսէս ծառայ Տեառն ի ժառանգութիւն Ռուբենի եւ Գադայ, եւ կիսոյ ցեղին Մանասէի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:7

Եւ արդ բաժանեա զերկիրս զայս ի ժառանգութիւն ինն ցեղիցն եւ կիսոյ ցեղին Մանասէի, ի Յորդանանէ մինչեւ ցծովն մեծ ընդ կողմն արեւմտից՝ տացես զնա. եւ ծովն մեծ սահմանեսցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:9

յԱրոյերայ որ է առ եզերբ հեղեղատին Առնովնայ, եւ զքաղաքն որ է ի մէջ ձորոյն, եւ զամենայն Միսովր, ի Մեդաբայ մինչեւ ցԴեբոն,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:4

Եւ արդ հանգոյց Տէր Աստուած մեր զեղբարս ձեր, որպէս եւ ասաց նոցա. բայց արդ դարձեալ երթայք ի տունս ձեր յերկիր կալուածոց ձերոց, զոր ետ ձեզ Մովսէս ծառայ Տեառն յայնկոյս Յորդանանու։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:12

Անցին եւ որդիքն Ռուբենի եւ որդիքն Գադայ եւ կէս ցեղին Մանասէի կազմեալք առաջի որդւոցն Իսրայելի, որպէս պատուիրեաց նոցա Մովսէս.

ԹԱԳԱՒՈՐՈՒԹԵԱՆՑ ԱՌԱՋԻՆ 13:7

եւ որ անցանելոցն էին ընդ Յորդանան՝ անցին՝՝ յերկիրն Գադայ եւ Գաղաադու. եւ Սաւուղ դեռ անդէն եւս էր ի Գաղգաղա, եւ ամենայն ժողովուրդն թօթափեցան ի նմանէ։