ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:13 - Գրաբար Աստվածաշունչ (1895)

¹³ Եւ ոչ սատակեցին որդիքն Իսրայելի զԳեսուրի եւ զՄաքաթի եւ զՔանանացին՝՝. եւ բնակէր թագաւորն Գեսուրայ եւ Մաքաթեայ՝՝ ի մէջ որդւոցն Իսրայելի մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:13 Iomraidhean Croise

ԾՆՈՒՆԴՔ 35:22

Եւ եղեւ իբրեւ բնակեաց Իսրայէլ յերկրին յայնմիկ, գնաց Ռուբէն եւ ննջեաց ընդ Բալլայ հարճի հօր իւրոյ. լուաւ Իսրայէլ եւ չար թուեցաւ առաջի նորա՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:6

Եւ տեսին որդիքն Ամոնայ եթէ ամօթ արարին ժողովրդեանն՝՝ Դաւթի, առաքեցին որդիքն Ամոնայ եւ ի վարձու կալան զԱսորիս Ռովբայ եւ զԱսորիս Սուբայ քսան հազար հետեւակաց, եւ զարքայն Ամաղեկայ հազար արամբք, եւ ի Ստովբայ երկոտասան հազար արանց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:3

եւ երկրորդ նորա՝ Դաւիա, յԱբիգեայ՝՝ Կարմեղացւոյ, եւ երրորդ՝ Աբիսողոմ, ի Մաաքեայ դստերէ Թողմեայ արքայի Գեսուրայ,

ԹԻՒՔ 33:55

Եւ եթէ ոչ կորուսանիցէք զբնակիչս երկրին յերեսաց ձերոց, եղիցին զոր թողուցուքն ի նոցանէ՝ խոչ յական ձերում եւ նետք ի կողս ձեր, եւ եղիցին ձեզ թշնամիք յերկրին յորում դուք բնակիցէք։

ԵՐԿՐՈՐԴՈՒՄՆ ՕՐԻՆԱՑ 3:14

Եւ Յայիր, որդի Մանասէի, ա՛ռ զամենայն գաւառն Արգովբայ մինչեւ ցսահմանս Գարգասեայ եւ Ոմքատեայ. եւ անուանեաց զնա յիւր անուն զԲասան՝ Աւովթյայիր՝՝, մինչեւ ցայսօր ժամանակի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:5

իշխան ի լեռնէն Հերմոնի եւ ի Սելքայ, եւ զամենայն Բասան՝՝ մինչեւ ի սահմանս Գեսուրայ եւ զՄաքաթի եւ զկէս՝՝ Գաղաադու սահմանացն Սեհոնի արքայի Եսեբոնայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:11

եւ զԳաղաադայինն եւ զսահմանս Գեսուրայ եւ զՄաքաթեայ, եւ զամենայն լեառնն Հերմոն, եւ զամենայն Բասանաստան մինչեւ ցՍելքա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:12

զամենայն թագաւորութիւնն Ովգայ ի Բասան, որ թագաւորեաց յԱստարովթ եւ յԵդրային. նա մնաց ի մնացորդաց սկայիցն. եւ եհար զնա Մովսէս եւ սատակեաց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:14

Բայց ցեղին Ղեւեայ ոչ տուաւ բաժին եւ ժառանգութիւն. զի Տէր Աստուած Իսրայելի է նոցա ժառանգութիւն որպէս ասաց նոցա Տէր։ Եւ այս են բաժինք զոր բաժանեաց Մովսէս որդւոցն Իսրայելի, յՌաբովթ Մովաբ յայնկոյս Յորդանանու յանդիման Երեքոյի։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 27:8

Եւ ելանէր Դաւիթ եւ արքն որ ընդ նմա էին, եւ ասպատակէին ի վերայ ամենայն Գեսերացւոյն եւ Գեզերացւոյն եւ Ամաղեկացւոյն. եւ ահա բնակէր երկիրն ի Գեղամսուրայ յապահովելոց պարսպաւորաց մինչեւ ցԵգիպտոս՝՝։