ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:6 - Գրաբար Աստվածաշունչ (1895)

⁶ Եւ ասէ Տէր ցՅեսու. Մի՛ երկնչիր յերեսաց նոցա, զի վաղիւ ի սոյն ժամու մատնեցից ես զամենեսեան զնոսա վանեալս առաջի որդւոցն Իսրայելի. զերիվարս նոցա կարթակոտորս արասցես, եւ զկառս նոցա այրեսցես հրով։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:6 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:4

Եւ առ զնորա Դաւիթ հազար կառս, եւ եւթն հազար՝՝ հեծելոց, եւ քսան հազար հետեւակաց. եւ քակեաց Դաւիթ զամենայն կառսն, եւ եթող իւր ի նոցանէ հարեւր կառս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 6:16

Եւ ասէ Եղիսէ. Մի՛ երկնչիր, զի ընդ մեզ բազումք են քան ընդ նոսա։

ՄՆԱՑՈՐԴԱՑ ԵՐԿՐՈՐԴ 20:16

Վաղիւ իջէք ի վերայ նոցա. ահա իջանեն ընդ զառ ի վայրն Ասեր՝՝, եւ գտջիք զնոսա առ եզեր գետոյն անապատին Յերիելի։

ԳԻՐՔ ՍԱՂՄՈՍԱՑ 46:10

Իշխանք ժողովրդոց ժողովեցան առ Աստուած Աբրահամու, զի Աստուծոյ զօրութիւնք յերկրէ յոյժ համբարձան։՝՝

ԳԻՐՔ ՍԱՂՄՈՍԱՑ 46:9

Թագաւորեաց Աստուած ի վերայ հեթանոսաց, Աստուած նստաւ յաթոռ սրբութեան իւրոյ։

ԱՌԱԿՔ ՍՈՂՈՄՈՆԻ 20:7

Որ շրջի անարատ յարդարութեան՝՝ երանելի որդիս թողցէ զկնի իւր։

ՄԱՐԳԱՐԷՈՒԹԻՒՆ ԵՍԱՅԵԱՅ 30:16

այլ ասէիք. Երիվարօք մերովք՝՝ փախիցուք. վասն այսորիկ փախստականք լինիցիք. եւ ասիցէք. Երագ երիվարօք մերովք փախիցուք. վասն այսորիկ երագագոյնք քան զձեզ՝՝ եղիցին որ հալածենն զձեզ։

ՄԱՐԳԱՐԷՈՒԹԻՒՆ ԵՍԱՅԵԱՅ 31:1

Վա՜յ ոյք իջանեն յԵգիպտոս վասն օգնականութեան. որ ի հեծեալս՝՝ եւ ի կառս յուսացեալ իցեն՝ թէ բազումք են, եւ բազմութիւն երիվարաց՝՝ յոյժ. եւ ոչ էին յուսացեալ ի Սուրբն Իսրայելի, եւ զԱստուած ոչ խնդրեցին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 39:9

Եւ ելցեն բնակիչք քաղաքաց Իսրայելի, եւ այրեսցեն զզէնս, զնիզակաբեկս, զասպարաբեկս, զնետս, զբեկորս աղեղանց, զտիգաբունս, զսըւնակոթս, եւ այրեսցեն իւրեանց այրելիս եւթն ամի։

ՄԱՐԳԱՐԷՈՒԹԻՒՆ ՈՎՍԵԱՅ 14:3

Առէք ընդ ձեզ բանս, եւ դարձարուք առ Տէր Աստուած ձեր՝՝, եւ ասացէք ցնա. Կարող ես թողուլ զմեղս մեր, զի մի՛ առնուցուք անիրաւութիւն, այլ ընդունիցիք զբարիս՝՝, եւ հատուսցուք զպտուղ շրթանց մերոց եւ վայելեսցեն ի բարութեան սիրտք ձեր՝՝։

ՄԱՐԳԱՐԷՈՒԹԻՒՆ ՆԱՒՈՒՄԱՅ 2:13

Ահաւասիկ ես ի վերայ քո, ասէ Տէր ամենակալ, եւ այրեցից ծխով զբազմութիւն քո՝՝, եւ կերիցէ սուր զառեւծս քո. եւ բարձից յերկրէ զորս քո, եւ ոչ եւս լուիցին գործք քո՝՝։

ԵՐԿՐՈՐԴՈՒՄՆ ՕՐԻՆԱՑ 7:16

Եւ կերիցես զամենայն զկապուտ ազգացն՝՝ զոր Տէր Աստուած քո տացէ քեզ. եւ մի՛ խնայեսցէ ակն քո ի նոսա, եւ ոչ պաշտեսցես զդիս նոցա, զի խոչ է այն քեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:8

Եւ ասէ Տէր ցՅեսու. Մի՛ երկնչիցես ի նոցանէ, զի ի ձեռս քո մատնեցից զնոսա. եւ ոչ ժուժկալեսցէ ի նոցանէ եւ ոչ մի ոք առաջի ձեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:5

Գումարեցան ամենայն թագաւորքն այնոքիկ եւ եկին ի միասին, եւ բանակեցան միանգամայն առ ջրովն Մառոնայ՝ տալ պատերազմ ընդ Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:7

Եւ եկն Յեսու եւ ամենայն զօրն պատերազմող ընդ նմա ի վերայ նոցա ի ջուրն Մառոնայ յանկարծօրէն, եւ անկան ի վերայ նոցա ի լեռնակողմանն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:9

Եւ արար ընդ նոսա Յեսու որպէս պատուիրեաց նմա Տէր. զերիվարս նոցա կարթակոտորս արար, եւ զկառս նոցա այրեաց հրով։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:5

Եւ ասէ Յեսու ցժողովուրդն. Սրբեցարուք առ վաղիւ, զի վաղիւ արասցէ ի ձեզ Տէր սքանչելիս։

ԴԱՏԱՒՈՐՔ 20:28

Եւ հարցին որդիքն Իսրայելի զՏէր, եւ ասեն. Յաւելցո՞ւք միւսանգամ ելանել ի պատերազմ ընդ որդիսն Բենիամինի եղբօր մերում, թէ դադարեսցուք։ Եւ ասէ Տէր. Ելէք, եւ վաղիւ տաց զնա ի ձեռս ձեր։

ԴԱՏԱՒՈՐՔ 7:9

Եւ եղեւ ի գիշերին յայնմիկ եւ ասէ ցնա Տէր. Արի էջ աստի վաղվաղակի ի բանակն, զի մատնեցի զնա ի ձեռս քո։

ԹԱԳԱՒՈՐՈՒԹԵԱՆՑ ԱՌԱՋԻՆ 11:9

Եւ ասէ ցհրեշտակսն եկեալս. Այսպէս ասասջիք ցարս Յաբիսայ Գաղաադու. Վաղիւ եղիցի ձեզ փրկութիւն ընդ ջեռուցանել արեգականն։ Եւ եկին հրեշտակքն ի քաղաքն, եւ պատմեցին արանցն Յաբիսայ. եւ ուրախ եղեն։