ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:40 - Գրաբար Աստվածաշունչ (1895)

⁴⁰ Եւ եհար Յեսու զամենայն երկիրն լեռնական եւ զՆագեբ եւ զդաշտականսն, եւ զԱսեթովթ եւ զամենայն թագաւորս նորա, եւ ոչ եթող ի նմանէ ապրեալ, եւ զամենայն շնչաւոր սատակեցին ի նմանէ, զոր օրինակ պատուիրեաց Տէր Աստուած Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:40 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 15:29

Եւ եղեւ իբրեւ թագաւորեաց, եհար զամենայն տունն Յերոբովամու. եւ ոչ թողոյր զամենայն շնչաւոր տանն Յերոբովամայ, մինչեւ սատակել զնա ըստ բանին Տեառն զոր խօսեցաւ ի ձեռն ծառայի իւրոյ Աքիայ Սիլովնացւոյ,

ԳԻՐՔ ՆԷԵՄԵԱՅ 9:24

վասն զի սատակեցեր առաջի նոցա զբնակիչս երկրին Քանանացւոց, եւ ետուր զերկիրն նոցա ի ձեռս նոցա. եւ զթագաւորս նոցա եւ զժողովուրդ երկրին սպառեցեր՝ որպէս եւ կամեցան՝՝ ըստ կամաց իւրեանց։

ԳԻՐՔ ՍԱՂՄՈՍԱՑ 9:17

Ճանաչի Տէր յառնել զդատաստանս իւր, եւ ի գործս ձեռաց իւրեանց կապեսցին մեղաւորք։

ԵԼՔ 34:12

Զգոյշ լեր անձին քում, գուցէ դնիցես ուխտ ընդ բնակիչս երկրին, յոր դու մտանիցես ի նոսա, գուցէ լինիցի ձեզ գայթակղութիւն։

ԹԻՒՔ 13:17

Այս անուանք են արանցն՝ զոր առաքեաց Տէր լրտեսել զերկիրն Քանանացւոց. եւ անուանեաց Մովսէս զանուն Աւսեայ որդւոյ Նաւեայ՝ Յեսու։

ԵՐԿՐՈՐԴՈՒՄՆ ՕՐԻՆԱՑ 1:7

դարձարուք եւ չուեցէք դուք աստի, եւ մտանիցէք ի լեառնն Ամովրհացւոց, եւ առ ամենեսին որ շուրջ բնակեալ իցեն զԱրաբացւովք ի լերինս եւ ի դաշտս՝՝ ընդ հարաւ եւ ընդ ծովեզրն Քանանացւոց, եւ յաներն Լիբանանու՝՝ մինչեւ ցգետն մեծ ցգետն Եփրատ։

ԵՐԿՐՈՐԴՈՒՄՆ ՕՐԻՆԱՑ 2:34

եւ յաղթեցաք ամենայն քաղաքացն ի ժամանակին յայնմիկ, եւ սատակեցաք զամենայն քաղաքս նորա մի ըստ միոջէ, եւ զկանայս նոցա եւ զմանկունս իւրեանց. եւ՝՝ ոչ թողաք ի նոցանէ ապրեալ.

ԵՐԿՐՈՐԴՈՒՄՆ ՕՐԻՆԱՑ 7:24

Եւ մատնեսցէ զթագաւորս նոցա ի ձեռս ձեր, եւ կորուսջիք զանուն նոցա ի տեղւոջէն յայնմանէ՝՝. եւ մի՛ ոք կացցէ ընդդէմ քո մինչեւ սատակեսցես զնոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:35

եւ առ զնա յաւուր յայնմիկ, եւ կոտորեաց զնա սրով սուսերի, եւ զամենայն շնչաւոր որ ի նմա յաւուր յայնմիկ կոտորեցին, զոր օրինակ արարին ընդ Լաքիս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:37

եւ առին զնա, եւ հարին զնա բերանով սուսերի, եւ զթագաւորն նորա, եւ զամենայն շնչաւոր որ ի նմա, եւ ի նմա ոչ ոք էր ապրեալ. եւ արարին ընդ նմա որպէս արարին ընդ Եգղոն. եւ սատակեցին զնա եւ զամենայն շնչաւոր եւ զամենայն ինչ որ ի նմա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:39

առին զնա եւ զթագաւորն նորա եւ զամենայն զօրս նորա. եւ հարին զնա բերանով սրոյ, եւ սատակեցին զնա եւ զամենայն շնչաւոր որ ի նմա, եւ ոչ թողին եւ ոչ մի ապրեալ. զոր օրինակ արարին ընդ Քեբրոն՝ նոյնպէս արարին ընդ Դաբիր եւ ընդ թագաւորն նորա, եւ որպէս արարին ընդ Լեբնա եւ ընդ թագաւորն նորա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:16

Եւ ա՛ռ Յեսու զամենայն երկիրն զայն, զլեռնակողմնն եւ զամենայն երկիրն Նագեբ՝՝, եւ զամենայն երկիրն Գոսոմ, եւ զդաշտայինն եւ զարեւմտեայն՝՝, եւ զլեառնն Իսրայելի եւ զհովիտ նորա որ առ լերամբն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:8

ի լերինն եւ ի դաշտի, եւ յԱրաբա՝՝ եւ յԱսեդովթ, եւ յանապատին եւ ի Նագեբ, զՔետացին եւ զԱմովրհացին եւ զՔանանացին եւ զՓերեզացին եւ զԽեւացին եւ զԳերգեսացին եւ՝՝ զՅեբուսացին.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:21

Եւ եղեն քաղաքք ցեղի որդւոցն Բենիամինի ըստ տոհմից իւրեանց, Երիքով եւ Բեթագղա եւ Ամենգասիմ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:17

Եւ եղիցի քաղաքն նզովեալ, ինքն եւ ամենայն որ ինչ ի նմա իցէ ի Տեառնէ զօրութեանց. բայց զՌախաբ պոռնիկ ապրեցուսջիք, զնա եւ զամենայն որ ինչ իցէ ի տան նորա, զի թաքոյց զհրեշտակսն զոր արձակեցաք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:2

եւ արասցես ընդ Գայի եւ ընդ թագաւորն նորա, զոր օրինակ արարեր ընդ Երիքով եւ ընդ թագաւորն նորա, եւ զաւար նորա եւ զանասուն նորա ածցես յաւարի։ Եւ կացուսցես քեզ դարանամուտս քաղաքին զկնի նորա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:27

բաց յանասնոյ եւ յաւարէ քաղաքին զոր աւարեցին որդիքն Իսրայելի ըստ հրամանի Տեառն՝ որպէս հրամայեաց Տէր Յեսուայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:24

Պատասխանի ետուն եւ ասեն ցՅեսու. Ազդեցութեամբ ազդ եղեւ մեզ, զոր ինչ հրամայեաց Տէր Աստուած քո Մովսիսի ծառայի իւրոյ, տալ ձեզ զերկիրս զայս, եւ սատակել զամենայն բնակիչս սորա յերեսաց ձերոց. եւ երկեաք յոյժ վասն անձանց մերոց յերեսաց ձերոց, եւ արարաք զիրն զայն։