ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:3 - Գրաբար Աստվածաշունչ (1895)

³ Եւ առաքեաց Ադոնիբեզեկ արքայ Երուսաղեմի առ Ելամ արքայ Քեբրոնի, եւ առ Բիրիմ արքայ Յերիմութայ, եւ առ Յեփիէ արքայ Լաքիսայ, եւ առ Դաբիր արքայ Եգղոնայ, եւ ասէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:3 Iomraidhean Croise

ԾՆՈՒՆԴՔ 23:2

Եւ մեռաւ Սառա ի քաղաքի Արբոկայ ի ձորն, այն ինքն է Քեբրոն յերկրին Քանանացւոց. եւ եկն Աբրահամ կոծել զՍառա եւ սուգ առնուլ։

ԾՆՈՒՆԴՔ 37:14

Ասէ ցնա Իսրայէլ. Երթ տես եթէ ո՞ղջ իցեն եղբարքն քո եւ խաշինք, եւ բեր ինձ զրոյց։ Եւ առաքեաց զնա ի ծործորոյն Քեբրոնի. եկն ի Սիւքեմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:11

Եւ եղեն աւուրք զորս թագաւորեաց Դաւիթ ի Քեբրոն ի վերայ տանն Յուդայ՝ ամք եւթն եւ ամիսք վեց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:14

Եւ առաքեաց Եզեկիա արքայ Յուդայ հրեշտակս առ արքայ Ասորեստանեայց ի Լաքիս եւ ասէ. Մեղայ, դարձիր յինէն, եւ զոր ինչ դիցես ի վերայ իմ՝ բարձից։ Եւ եդ արքայն Ասորեստանեայց ի վերայ Եզեկեայ արքայի Յուդայ երեքհարեւր տաղանդ արծաթոյ եւ երեսուն տաղանդ ոսկւոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:17

Եւ առաքեաց արքայ Ասորեստանեայց զԹարաթա եւ զՌաբսարիս եւ զՌափսակ ի Լաքիսայ առ արքայ Եզեկիա զօրու ծանու ի վերայ Երուսաղեմի. եւ ելին եւ եկին յԵրուսաղէմ, եւ կացին ի վերայ ջրմղին վերնոյ աւազանին, որ է ի ճանապարհի ագարակին թափչի.

ՄՆԱՑՈՐԴԱՑ ԵՐԿՐՈՐԴ 11:9

եւ զԱդովրայիմ եւ զԼաքիս եւ զԱզեկա եւ զՍարաա

ՄԱՐԳԱՐԷՈՒԹԻՒՆ ԵՐԵՄԵԱՅ 34:7

Եւ զօր թագաւորին Բաբելացւոց մարտնչէր ընդ Երուսաղեմի եւ ընդ ամենայն քաղաքսն Յուդայ ընդ մնացեալսն, ընդ Ղաքիսայ եւ ընդ Ազեկայ, զի նոքա մնացեալ էին ի քաղաքացն Յուդայ քաղաքք ամուրք։

ՄԱՐԳԱՐԷՈՒԹԻՒՆ ՄԻՔԻԱՅ 1:13

Շաչիւն կառաց եւ դրնդիւն երիվարաց՝՝, բնակիչդ Լաքիսայ, նա է առաջնորդ մեղաց դստեր Սիոնի. զի ի քեզ գտան ամպարշտութիւնք Իսրայելի։

ԹԻՒՔ 13:22

Եւ ելեալ լրտեսեցին զերկիրն յանապատէն Սինայ մինչեւ ցՐոոբ ի մուտս Եփրաթայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:1

Եւ իբրեւ լուաւ Ադոնիբեզեկ թագաւորն Երուսաղեմի, թէ առ Յեսու զԳայի եւ սատակեաց զնա. զոր օրինակ արար ընդ Երիքով եւ ընդ թագաւոր նորա, նոյնպէս արար ընդ Գայի եւ ընդ թագաւոր նորա, եւ զի անձնատուրք եղեն բնակիչք Գաբաւոնի առ Յեսու եւ՝՝ առ Իսրայէլ եւ եղեն ի միջի նոցա,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:23

Եւ արարին այնպէս, եւ հանին առ նա զհնգեսին թագաւորսն յայրէ անտի, զթագաւորն Երուսաղեմի եւ զթագաւորն Քեբրոնի եւ զթագաւորն Յերիմութայ եւ զթագաւորն Լաքիսայ եւ զթագաւորն Եգղոնայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:34

Եւ չուեաց Յեսու եւ ամենայն Իսրայէլ ընդ նմա ի Լաքիսայ յԵգղոն, եւ նստաւ զնովաւ եւ պաշարեաց զնա եւ մատնեաց զնա Տէր ի ձեռս Իսրայելի՝՝.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:5

Եւ գումարեցան եւ ելին հինգ թագաւորքն Յեբուսացւոց, թագաւորն Երուսաղեմի եւ թագաւորն Քեբրոնի եւ թագաւորն Յերիմութայ եւ թագաւորն Լաքիսայ եւ թագաւորն Եգղոնայ, ինքեանք եւ ամենայն ժողովուրդ նոցա, եւ նստան զԳաբաւոնիւ եւ պաշարեցին զնա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:15

Եւ անուն Քեբրոնի էր յառաջ քաղաք Արբոկ. նա էր մայր քաղաքաց Ենակիմացն՝՝։ Եւ երկիրն դադարեաց ի պատերազմէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:54

եւ Քամմատա եւ քաղաքն Արբոկ՝ այն է Քեբրոն, եւ Սիովր. քաղաքք ինն եւ աւանք նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:63

Եւ Յեբուսացին բնակեալ էր յԵրուսաղէմ, եւ ոչ կարացին որդիքն Յուդայ մարտնչել ընդ նոսա՝՝. եւ բնակեցան Յեբուսացիքն ընդ որդիսն Յուդայ յԵրուսաղէմ մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:28

եւ Սելա, Ելէփ եւ Յեբուս՝ այն է Երուսաղէմ, եւ Գաբաաթ եւ քաղաքն Արեմ. քաղաքք չորեքտասան, եւ աւանք նոցա։ Այս է ժառանգութիւն որդւոցն Բենիամինի ըստ տոհմից իւրեանց։