ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:8 - Գրաբար Աստվածաշունչ (1895)

⁸ Եւ մի՛ մերժեսցի զգիր օրինացս այսոցիկ ի բերանոյ քումմէ, եւ խոկասցես ի դա ի տուէ եւ ի գիշերի, զի իմասցիս առնել զամենայն գրեալսդ ի դմա. եւ ապա աջողեսցիս եւ ուղղեսցես զճանապարհս քո, եւ ապա խելամուտ լինիցիս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:8 Iomraidhean Croise

ԾՆՈՒՆԴՔ 24:63

Եւ ել Իսահակ զբօսանել ի դաշտին ընդ երեկս. ամբարձ զաչս իւր եւ ետես զի գային ուղտք տասն։

ՄՆԱՑՈՐԴԱՑ ԵՐԿՐՈՐԴ 26:5

Եւ խնդրեաց զՏէր յաւուրս Զաքարեայ իմաստնոյ երկիւղիւ Տեառն. յաւուրս նորա՝՝ խնդրեաց նա զՏէր, յաջողեաց նմա Տէր։

ԳԻՐՔ ՍԱՂՄՈՍԱՑ 40:10

Քանզի եւ այրն խաղաղութեան իմոյ յոր եւ եսն յուսացայ. որ ուտէր զհաց իմ՝ յաճախեաց առնել ինձ խաբէութիւն։

ԱՌԱԿՔ ՍՈՂՈՄՈՆԻ 3:1

Որդեակ, զօրէնս իմ մի՛ մոռանար, եւ զբանս իմ պահեսցես ի սրտի քում,

ՄԱՐԳԱՐԷՈՒԹԻՒՆ ԵՍԱՅԵԱՅ 59:21

Եւ այս նոցա որ յինէն ուխտ, ասէ Տէր. Հոգին իմ որ է ի քեզ եւ բանք զոր ետու ի բերան քո՝ մի՛ պակասեսցեն ի բերանոյ քումմէ եւ ի բերանոյ զաւակի քո. եւ ի բերանոյ զաւակէ զաւակի քո, ասէ Տէր, յայսմհետէ մինչեւ յաւիտեան։

Մատթեոսի Աւետարան 12:35

Մարդ բարի ի բարի գանձուց սրտի իւրոյ՝՝ հանէ զբարիս. եւ մարդ չար ի չար գանձուց սրտի իւրոյ՝՝ հանէ զչարիս։

Մատթեոսի Աւետարան 28:20

Ուսուցէք նոցա պահել զամենայն որ ինչ պատուիրեցի ձեզ. եւ ահաւասիկ ես ընդ ձեզ եմ զամենայն աւուրս, մինչեւ ի կատարած աշխարհի։

Մատթեոսի Աւետարան 7:21

Ոչ ամենայն որ ասէ ցիս. Տէր, Տէր, մտցէ յարքայութիւն երկնից, այլ՝ որ առնէ զկամս Հօր իմոյ որ յերկինսն է։

Մատթեոսի Աւետարան 7:24

Ամենայն որ լսէ զբանս իմ զայսոսիկ եւ առնէ զսոսա՝ նմանեսցէ առն իմաստնոյ որ շինեաց զտուն իւր ի վերայ վիմի.

ԱՒԵՏԱՐԱՆ ԸՍՏ ՂՈՒԿԱՍՈՒ 11:28

Եւ նա ասէ. Նա երանի այնոցիկ է, որ լսեն զբանն Աստուծոյ եւ պահիցեն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:17

Եթէ զայս գիտէք, երանելի եւս էք, եթէ առնիցէք զայս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:21

Որ ունի զպատուիրանս իմ եւ պահէ զնոսա՝ նա է որ սիրէ զիս. եւ որ սիրէն զիս՝ սիրեսցի ի Հօրէ իմմէ. եւ ես սիրեցից զնա, եւ երեւեցուցից նմա զիս։

ԱՌ ԵՓԵՍԱՑԻՍ ԹՈՒՂԹ 4:29

Ամենայն բան տգեղ ի բերանոյ ձերմէ մի՛ ելցէ, այլ որ ինչ բարին է ի շինած պիտոյից, զի տացէ շնորհս այնոցիկ որ լսենն։

ԵՐԿՐՈՐԴՈՒՄՆ ՕՐԻՆԱՑ 29:8

եւ հարաք զնոսա եւ առաք զերկիր նոցա, եւ ետու զնա ի ժառանգութիւն Ռուբենի եւ Գադայ եւ կիսոյ ցեղին Մանասէի։

ԵՐԿՐՈՐԴՈՒՄՆ ՕՐԻՆԱՑ 29:9

Եւ զգուշասջիք առնել զամենայն բանս ուխտիս այսորիկ, զի իմանայցէք զամենայն՝՝ զոր առնիցէք։

ԵՐԿՐՈՐԴՈՒՄՆ ՕՐԻՆԱՑ 30:14

Մերձ է բանն առ քեզ յոյժ, ի բերան քո եւ ի սրտի քում, եւ ի ձեռս քո է՝՝ առնել զնա։

ԵՐԿՐՈՐԴՈՒՄՆ ՕՐԻՆԱՑ 31:11

ի գումարել ամենայն Իսրայելի յանդիման լինելոյ առաջի Տեառն Աստուծոյ քո ի տեղւոջն զոր ընտրեսցէ Տէր, ընթեռնուցուք զօրէնս զայս առաջի Իսրայելի յականջս նոցա,

ԵՐԿՐՈՐԴՈՒՄՆ ՕՐԻՆԱՑ 31:24

Եւ իբրեւ կատարեաց Մովսէս գրել զամենայն զբանս օրինացս այսոցիկ ի մատենի մինչեւ ի սպառ,

ԵՐԿՐՈՐԴՈՒՄՆ ՕՐԻՆԱՑ 5:1

Եւ կոչեաց Մովսէս զամենայն Իսրայէլ եւ ասէ ցնոսա. Լուր, Իսրայէլ, զիրաւունս եւ զդատաստանս զոր ես խօսիմ յականջս ձեր յաւուր յայսմիկ, եւ ուսջիք զնոսա եւ զգոյշ լիջիք առնել զնոսա։

ԵՐԿՐՈՐԴՈՒՄՆ ՕՐԻՆԱՑ 5:29

Ո՛ տացէ լինել այնպէս սրտից նոցա ի նոսա՝ երկնչել յինէն եւ պահել զպատուիրանս իմ զամենայն աւուրս, զի բարի լինիցի նոցա եւ որդւոց նոցա յաւիտեան։

ԵՐԿՐՈՐԴՈՒՄՆ ՕՐԻՆԱՑ 5:32

Զգոյշ լերուք առնելոյ որպէս պատուիրեաց քեզ Տէր Աստուած քո, եւ մի՛ խոտորիցիս՝՝ յաջ եւ մի՛ յահեակ։

ԱՌ ԿՈՂՈՍԱՑԻՍ ԹՈՒՂԹ 3:16

Զի բանն Քրիստոսի բնակեսցէ ի ձեզ առատապէս, ամենայն իմաստութեամբ ուսուցանել եւ խրատել զմիմեանս, սաղմոսիւք եւ օրհնութեամբք եւ երգովք հոգեւորօք՝ եւ շնորհօք օրհնել ի սիրտս ձեր զԱստուած։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:7

Արդ զօրացիր եւ քաջ լեր յոյժ, պահել եւ առնել ըստ ամենայն օրինացն որպէս պատուիրեաց քեզ Մովսէս ծառայ իմ. եւ մի՛ խոտորիցիս ի նոցանէ յաջ կամ յահեակ, զի խելամուտ լիցիս ամենայնի զինչ եւ գործեսցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:34

Եւ ապա ընթերցաւ զամենայն բանս օրինացս այսոցիկ, զօրհնութիւնս եւ զանէծս՝ ըստ ամենայն գրելոցն յօրէնսն Մովսիսի՝՝։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:14

Երանելիք են որ պահեն զպատուիրանս նորա. նոքա ունին իշխանութիւն ուտել ի փայտէն՝՝ կենաց եւ մտանել ընդ դրունս քաղաքին։