ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:4 - Գրաբար Աստվածաշունչ (1895)

⁴ զանապատն եւ զԼիբանաներն՝՝ մինչեւ ցգետն մեծ, ցգետն Եփրատ, զամենայն երկիրն Քետացւոց. մինչեւ ցծովն վերջին ի մտիցն արեւու՝ ձեզ լիցին սահմանքն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:4 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 10:29

Եւ ելանէին ելք կառաց յԵգիպտոսէ փոխանակ արծաթոյ, եւ ձի ընդ հարեւր եւ յիսուն արծաթոյ. եւ նոյնպէս թագաւորացն ամենեցունց Քետտիմայ, եւ թագաւորացն Ասորւոց որ ընդ ծովակողմն՝՝ ելանէին։

ԹԱԳԱՒՈՐՈՒԹԵԱՆՑ ԵՐՐՈՐԴ 4:21

Եւ Սողոմոն իշխան էր թագաւորութեանց՝ ի գետոյ երկրին այլազգեաց՝՝ մինչեւ ի սահմանս Եգիպտոսի. բերէին պատարագս եւ ծառայէին Սողոմոնի զամենայն աւուրս կենաց նորա։

ՄՆԱՑՈՐԴԱՑ ԱՌԱՋԻՆ 18:3

Եւ եհար Դաւիթ զԱդրազար արքայ Սուբայ յԵմաթ, յերթալ նորա հաստատել զձեռն իւր ի վերայ գետոյն Եփրատայ։

ՄՆԱՑՈՐԴԱՑ ԱՌԱՋԻՆ 5:9

եւ յարեւելս բնակեաց, մինչեւ ի գալ յանապատն ի գետոյն Եփրատայ. վասն զի անասուն բազում էր նոցա ի Գաղաադ։

ԵԶՐ 4:20

Եւ թագաւորք հզօրք եւ բռնաւորք կացեալ են յԵրուսաղէմ, բռնացեալ կալեալ զայն կողմն արեւմտից՝ յայն կողմն Եփրատ գետոյ։ Արդ դիք ի վերայ դոցա հարկս եւ հասս, զի մի՛ եւ այլ կամակարեալ բռնասցին։

ԵԼՔ 23:31

Եւ եդից զսահմանս քո ի Կարմիր ծովէ մինչեւ ի ծովն Փղշտացւոց, եւ յանապատէն մինչեւ ի գետն մեծ Եփրատ. եւ մատնեցից ի ձեռս ձեր զբնակիչս երկրին, եւ մերժեցից զնոսա ի քէն։

ԵՐԿՐՈՐԴՈՒՄՆ ՕՐԻՆԱՑ 1:7

դարձարուք եւ չուեցէք դուք աստի, եւ մտանիցէք ի լեառնն Ամովրհացւոց, եւ առ ամենեսին որ շուրջ բնակեալ իցեն զԱրաբացւովք ի լերինս եւ ի դաշտս՝՝ ընդ հարաւ եւ ընդ ծովեզրն Քանանացւոց, եւ յաներն Լիբանանու՝՝ մինչեւ ցգետն մեծ ցգետն Եփրատ։

ԵՐԿՐՈՐԴՈՒՄՆ ՕՐԻՆԱՑ 11:24

Ամենայն տեղի ուր կոխիցեն գնացք ոտից ձերոց՝ ձեզ լիցի. յանապատէ անտի մինչեւ ցԱներն Լիբանանու, եւ ի գետոյն մեծէ, գետոյն՝՝ Եփրատայ մինչեւ ցծովն արեւմտից եղիցին սահմանք ձեր։

ԵՐԿՐՈՐԴՈՒՄՆ ՕՐԻՆԱՑ 3:25

Արդ անցեալ տեսից զերկիրն բարի որ է յայնկոյս Յորդանանու, զլեառնն բարի եւ զերկրորդն Լիբանան՝՝։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 9:14

զի ասէր ցհրեշտակն վեցերորդ որ ունէր զփողն. Լոյծ զչորս հրեշտակսն զկապեալս ի վերայ գետոյն մեծի Եփրատայ։