ՄԱՐԳԱՐԷՈՒԹԻՒՆ ԵՐԵՄԵԱՅ 51:11 - Գրաբար Աստվածաշունչ (1895)

¹¹ Կազմեցէք աղեղունս՝՝, լցէք զկապարճս. զի զարթոյց Տէր զոգի թագաւորին Մարաց. զի բարկութիւն՝՝ նորա ի վերայ Բաբելոնի, եւ ջնջեսցէ զնա. զի վրէժխնդրութիւն Տեառն է, վրէժխնդրութիւն տաճարի նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 51:11 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 11:14

Եւ յարոյց Տէր սատան Սողոմոնի զԱդեր զԵդոմայեցի ի զաւակէ թագաւորութեանն Եդովմայեցւոց։

ԹԱԳԱՒՈՐՈՒԹԵԱՆՑ ԵՐՐՈՐԴ 11:23

Եւ յարոյց Տէր սատան Սողոմոնի զՌազոն զորդի Եղիադայ, որ փախեաւ յԱդրաազարայ արքայէ Սուբայ ի տեառնէ իւրմէ։

ՄՆԱՑՈՐԴԱՑ ԱՌԱՋԻՆ 5:26

Եւ յարոյց Աստուած Իսրայելի՝ զհոգին Փանովքայ արքային Ասորեստանեայց, եւ զհոգին Թագղաթփաղասարայ արքային Սուբայ, եւ գերեաց զՌուբէն եւ զԳադ՝՝ եւ զկէս ցեղին Մանասէի, եւ տարաւ զնոսա ի Քաղա եւ ի Քաբովր առ գետեզերբն Գովզանայ, մինչեւ յօրս յայս։

ՄՆԱՑՈՐԴԱՑ ԵՐԿՐՈՐԴ 36:22

Յառաջնում ամին Կիւրոսի արքայի Պարսից, յետ լնլոյ բանին Տեառն ի բերանոյ Երեմիայի, զարթոյց Տէր զհոգի Կիւրոսի Պարսից արքայի. եւ պատուիրեաց քարոզել յամենայն թագաւորութեանն իւրում գրով եւ ասել։

ԵԶՐ 1:1

Յառաջնում ամին Կիւրոսի արքային Պարսից, ի կատարել բանին Տեառն ի բերանոյ Երեմիայի մարգարէի, զարթոյց Տէր զոգին Կիւրոսի թագաւորին Պարսից, եւ ետ հրաման պատուիրանի յամենայն թագաւորութեան իւրում, եւ գրեաց առ ամենեսեան օրինակ զայս.

ՄԱՐԳԱՐԷՈՒԹԻՒՆ ԵՍԱՅԵԱՅ 10:26

Եւ յարուսցէ Տէր Աստուած ի վերայ նոցա զհարուածս ըստ հարուածոցն Մադիամու ի տեղին չարչարանաց. եւ սրտմտութիւն նորա ըստ ճանապարհի ծովուն որ յելիցն Եգիպտացւոց՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 21:2

Ահագին է տեսիլն, եւ խստութիւն պատմեցաւ ինձ. որ արհամարհելոցն է՝ արհամարհէ, եւ որ անօրինելոցն է՝ անօրինէ։ Ի վերայ իմ հասին Եղամացիք, եւ հրեշտակք Պարսից գան ի վերայ իմ. արդ հեծեծեցից եւ մխիթարեցից զանձն իմ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 21:5

Պատրաստեա սեղան, կեր արբ. արիք, իշխանք, պատրաստեցէք վահանս։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 41:25

Բայց ես զարթուցից զհիւսիսայինն եւ զարեւելեայն. կոչեսցին յանուն իմ, եկեսցեն իշխանք. եւ իբրեւ զկաւ բրտի զոր բրուտն կոխէ՝ այնպէս կոխիցիք։

ՄԱՐԳԱՐԷՈՒԹԻՒՆ ԵՍԱՅԵԱՅ 45:1

Այսպէս ասէ Տէր Աստուած ցօծեալն իմ ցԿիւրոս, զորոյ կալայ զաջոյ ձեռանէ նորա հնազանդեցուցանել առաջի նորա զազգս, եւ զզօրութիւն թագաւորաց խորտակեցից՝՝. եւ բացից առաջի նորա զդրունս, եւ քաղաքք՝՝ մի՛ փակեսցին։

ՄԱՐԳԱՐԷՈՒԹԻՒՆ ԵՍԱՅԵԱՅ 45:5

Եւ դու զիս ոչ ծանեար՝ եթէ ես Տէր Աստուած, եւ չիք այլ ոք.

ՄԱՐԳԱՐԷՈՒԹԻՒՆ ԵՍԱՅԵԱՅ 46:11

կոչել յարեւելից թռչունս՝՝, եւ յերկրէ հեռաստանէ՝ վասն որոյ խորհեցայն, խօսեցայ եւ ածի, հաստատեցի եւ արարի. ածի զնա եւ յաջողեցի զճանապարհս նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 25:25

եւ ամենայն թագաւորացն Զամբրեայ, եւ ամենայն թագաւորացն Եղամայ, եւ ամենայն թագաւորացն Պարսից.

ՄԱՐԳԱՐԷՈՒԹԻՒՆ ԵՐԵՄԵԱՅ 46:3

Առէք զէն եւ վահանս, մատերուք ի պատերազմ.

ՄԱՐԳԱՐԷՈՒԹԻՒՆ ԵՐԵՄԵԱՅ 46:4

կազմեցէք զերիվարս, հեծարուք սպառազէնք, դիք զսաղաւարտս, առէք յառաջ զգեղարդունս, զգեցարուք զզրահս ձեր։

ՄԱՐԳԱՐԷՈՒԹԻՒՆ ԵՐԵՄԵԱՅ 46:9

Հեծեայք յերիվարս, կազմեցէք կառս՝՝. ելէք, պատերազմաօղք Եթէովպացւոց, եւ Լիբէացիք վառեալք զինու, եւ Լիւդացիք, ելէք լարեցէք զաղեղունս։

ՄԱՐԳԱՐԷՈՒԹԻՒՆ ԵՐԵՄԵԱՅ 50:25

Եբաց Տէր զգանձս իւր, եւ եհան զանօթս բարկութեան իւրոյ. զի գործ Տեառն զօրութեանց է յերկրին Քաղդէացւոց։

ՄԱՐԳԱՐԷՈՒԹԻՒՆ ԵՐԵՄԵԱՅ 50:3

Զի ել ի վերայ նորա ազգ ի հիւսիսոյ, նա դիցէ զերկիր նորա յապականութիւն. եւ ոչ ոք իցէ որ բնակիցէ ի նմա ի մարդոյ մինչեւ յանասուն, զի խախտեցան եւ գնացին։

ՄԱՐԳԱՐԷՈՒԹԻՒՆ ԵՐԵՄԵԱՅ 50:45

Վասն այդորիկ լուարուք զխորհուրդ Տեառն զոր խորհեցաւ ի վերայ Բաբելոնի, եւ զխորհուրդս նորա զոր խորհեցաւ ի վերայ բնակչաց Քաղդէացւոց. Եթէ ո՞չ ապականիցէք զգառինս հօտից նոցա, եթէ ո՞չ ապականեսցին ի նոցանէ արօտք.

ՄԱՐԳԱՐԷՈՒԹԻՒՆ ԵՐԵՄԵԱՅ 50:9

Զի ահաւասիկ ես յարուցից եւ ածից ի վերայ Բաբելացւոց զժողովս ազգաց մեծամեծաց յերկրէ հիւսիսոյ, եւ ճակատեսցին զնովաւ. եւ անտի ըմբռնեսցի, իբրեւ նետ իմաստուն պատերազմողի՝ որ ոչ դարձցի ունայն։

ՄԱՐԳԱՐԷՈՒԹԻՒՆ ԵՐԵՄԵԱՅ 51:12

Ի վերայ պարսպացն Բաբելոնի կանգնեցէք նշան, կացուցէք պահապանս, զարթուցէք զառաջապահս, պատրաստեցէք զզէնս. զի ձեռն ի գործ արար, եւ արասցէ Տէր՝՝ զոր ինչ խօսեցաւ ի վերայ բնակչացն Բաբելոնի։

ՄԱՐԳԱՐԷՈՒԹԻՒՆ ԵՐԵՄԵԱՅ 51:24

Եւ հատուցից Բաբելոնի եւ բնակչաց Քաղդէացւոցն ըստ ամենայնի չարեացն նոցա զոր արարին ընդ Սիոն, առաջի աչաց ձերոց, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 51:35

Մերժեցան վաստակք իմ, եւ տառապանք իմ ի Բաբելոն գնացին՝՝, ասասցէ բնակիչն Սիոնի. եւ արիւն իմ ի վերայ բնակչացն Քաղդէացւոց, ասասցէ Երուսաղէմ։

ՄԱՐԳԱՐԷՈՒԹԻՒՆ ԵՐԵՄԵԱՅ 51:36

Վասն այդորիկ այսպէս ասէ Տէր. Ահաւասիկ ես դատեցայց զոսոխն քո, եւ խնդրեցից զվրէժ քո, եւ աւերեցից զծով նորա, եւ ցամաքեցուցից զաղբեւրս նորա։

ՄԱՐԳԱՐԷՈՒԹԻՒՆ ՅՈՎԵԼԱՅ 3:10

Կոտորեցէք զխոփս ձեր ի սուսերս, եւ զգերանդիս ձեր ի գեղարդունս. տկարն խրախուսեսցէ թէ՝ Հզօր եմ ես։

ՄԱՐԳԱՐԷՈՒԹԻՒՆ ՅՈՎԵԼԱՅ 3:9

Քարոզ կարդացէք զայդ յազգս. ժամ տուք մարտի, զարթուցէք զպատերազմողս. ժողովեցարուք եւ ելէք ամենայն արք պատերազմողք։

ՂԵՒՏԱԿԱՆ 26:25

Եւ սատակեցից զձեզ սրով խնդրել զվրէժ ուխտին. եւ թէ ամրանայցէք ի քաղաքս ձեր, եւ առաքեցից մահ ի ձեզ, եւ մատնեսջիք ի ձեռս թշնամեաց։

ՄԱՐԳԱՐԷՈՒԹԻՒՆ ԶԱՔԱՐԵԱՅ 14:12

Եւ այս իցեն հարուածք զոր հարցէ Տէր զազգս ամենայն որ զօրաժողով եղեն ի վերայ Երուսաղեմի. հալեսցին մարմինք նոցա՝ մինչդեռ կայցեն ի վերայ ոտից իւրեանց, եւ ծորեսցին աչք նոցա ի կապճաց իւրեանց, եւ լեզուք նոցա հալեսցին ի բերանս իւրեանց։

ՄԱՐԳԱՐԷՈՒԹԻՒՆ ԶԱՔԱՐԵԱՅ 14:2

եւ ժողովեսցէ՝՝ զամենայն ազգս ի վերայ Երուսաղեմի ի պատերազմ, եւ առցի քաղաքն, եւ յափշտակեսցին տունք, եւ պղծեսցին կանայք, եւ ելցէ կէս քաղաքին ի գերութիւն. եւ մնացորդք ժողովրդեան իմոյ մի սատակեսցին ի քաղաքէ անտի։